Kạhtukko 18:21 - সান্তালী বাইবেল

²¹ Moca reakʼ katharege jion ar moron do ṭehãḍokʼa; okoe lek lekan kathako roṛ onko do ona reakʼ joko ńama.

Kạhtukko 18:21 Iomraidhean Croise

Sereńko 12:5

Probhu Isore meneda, “Nacarkoakʼ ujạṛokʼ ar reṅgecʼ orecʼkoakʼ rakʼjoṅte iń do ńitgeń beredokʼa, ar bańcao tahen lạgitʼ okoeyakʼ ontorre monejoṅakʼ menakʼ onko doń bańcao dohokoa.”

Kạhtukko 10:31

Dhorom hoṛkoakʼ moca khon do ạkil reakʼ katha oḍokokʼa, menkhan peṛta katha roroṛ alaṅ doe getʼ giḍi ocokʼa.

Kạhtukko 11:30

Dhorom hoṛ do eṭakʼkoakʼ jion dare leka; ar okoe eṭakʼkoakʼ mone jitạu akatʼ uni doe ạkilanicʼ kana.

Kạhtukko 12:13

Bạṛicʼ hoṛ do acʼakʼ kạite perecʼ katha hotete jhạlireye paṛaokʼa, menkhan dhorom hoṛ do muhin khone paskaokʼa.

Kạhtukko 21:23

Okoe acʼakʼ moca ar alaṅe dobnao uni do muhin khon rukhiyại ńama.

Jesaea 3:10

Dhorom hoṛko metakope, bhạlại hoyokʼtakoa, ente onko do akoakʼ kạmi reakʼ kuṛạiko ńama.

Jesaea 57:19

Onko do onateko mena, ‘sor ar sạṅgińren sanamko lạgitʼge suluk baṛe hoyokʼma.’ Iń Probhugeń meneda, onko do ińgeń bogekoa.”

Hosea 10:13

Menkhan ape do dusṭạmigepe laṭkao akawana, ar bạṛicʼakʼ reakʼ phosolpe getʼ akada ar eṛeteakʼ jo hõpe jom akada. Ape do apeakʼ daṛe ar ḍher lạṛhạiko cetanrepe bhorsa akana;

2 Korinthiko 11:15

Ar Soetanren sapʼdapʼko hõ apnartetʼ bodolkate dhoromren sapʼdapʼ menteko udugokʼkan khan, enḍekhan hahaṛakʼ reaṅ cetʼ menakʼa? Onko do kạmi mucạtʼre oka kuṛại menakʼtako onageko ńama.

2 Korinthiko 2:16

Menkhan okoeko nosṭokʼkan onko ṭhen aleakʼ so do moron leka; one ona reakʼ jo do jaejug moronkan; ar okoe bańcaoko ńametʼkan onko ṭhen do jion reakʼ jut so leka, one ona reakʼ jo do jaejug jionge. Noa kạmiren lekicʼ doe okoekana?

Ephesiko lạgitʼ Pạul Apostolakʼ ciṭhi 4:29

Apeakʼ moca khon bạṛicʼ roṛ do alo oḍokokʼma, bickom jạruṛakʼre eṭakʼko benao rakapʼko lạgitʼ okaṭakʼ bhageakʼkan ona kathage oḍokokʼma, jemon okoe onako ańjom onate onkoakʼ bhạlại hoyokʼtako.

Kolossiko lạgitʼ Pạul Apostolakʼ ciṭhi 4:6

Apeakʼ roṛ do siń sạṭupʼ dayateakʼ baṛe hoyokʼma, buluṅte adawakʼ leka, jemonpe baḍae daṛeakʼ okoe okaleka roṛ ruạṛako lektapea mente.

2 Patras 2:18

Onko do ạuṛi sạuṛi ar lạṭu lạtu kathako roṛa ar manwakoakʼ jel reakʼ bạṛicʼ sanako rakapʼ ocoyetʼte nonkan hoṛko bhul horteko idiyetʼkoa, okoe do bạṛicʼko talare menakʼko khonko oḍok hijukʼkan.