27 Budan hoṛ do apnar sambṛaokʼte kathae roṛa; ar buj menakʼtae hoṛakʼ bohokʼ do reaṛgetaea.
Ḍher kathare bedhorom do baṅ okulạnokʼa, menkhan okoe mocae ḍanṭaoetʼtae uni doe budangea.
Okoe usạrate bae raṅgaokʼ uni doe budan hoṛkana, menkhan usạrate raṅgao godokʼicʼ do lelha hoṛ lekanae.
Dhorom hoṛakʼ ontor do hudiskateye roṛ ruạṛa, menkhan bedhoromkoakʼ moca khon do bạṛicʼ katha ạtu oḍokokʼa.
Okoe usạrate bae raṅgao hodokʼ uni do lạṛhại bir khon hõe bhagegea; okoe nagrahae hatetʼkan ona khon okoe apnare sambṛaokʼkan unigeye bhagea.
Bebujkoakʼ disạm cakʼlaoyicʼakʼ kạu kạu aṛaṅ khon ạkilankoakʼ sulukte perecʼ katha ańjomge bhagea.
Ińren dulạṛiạ boehako, ińakʼ noa katha hetawakʼtińpe, ape mimitʼko ańjom lạgitʼ gagojokʼpe, menkhan usạrate katha alope roṛgoda se alope raṅgao godokʼa;
Okoe sulukokʼ lạgitʼko kurumuṭukan onko do sulukte itạko ereda ar ona reakʼ jo do hoyokʼ kana dhorom jionge.
Abo do sanamkoge ạḍi lekate bon behokeda. Jãhãe katha hotete bae behoketʼ khan enḍekhan uni doe dhoromgea; ar uni do goṭa hoṛmoe sambṛao daṛeakʼ kana.