Kạhtukko 16:6 - সান্তালী বাইবেল

⁶ Pạtiạr ar sạriyakʼtetʼ hotete bedhorom do pharakokʼa; Probhu Isor botorae hoṛ do bạṛicʼ khone sahaṛokʼa.

Kạhtukko 16:6 Iomraidhean Croise

Genesis 20:11

Abrahame roṛ ruạṛkeda, “Iń doń hudisleda, noa jaegaren hoṛko do Isorre botor bạnukʼtakoa. Onate hoedaṛeakʼa onko do ińren bạhu ńame lạgitʼte ińko gocʼ botejińạ.

Nehemiạ 5:15

Menkhan iń lahate okoe disạm cakʼlaokoko tahẽkan onko do hoṛko cetanre hamal bojhako ladeyatʼko tahẽkana ar jomakʼ ar darkha rasa chaḍa hõ onko ṭhen khon mõṛẽ sae bargel gram rupạko hataoetʼ tahẽkana. Onkoren gutiko hõ disạm hoṛko cetanre mạlikiko calaoetʼ tahẽkana. Menkhan iń do Isoriń botoraekante ona leka bạń kạmi akada,

Nehemiạ 5:9

Iń do arhõń metatʼkoa, “Ape okape cekakan ona do ṭhikakʼ do baṅkana. Be-Jihudi bạiriko jemon aloko henosta daṛeabon onate aboren Probhu Isor botorae seletʼ calakʼ do cetʼ lek baṅkan tabona?

Jobakʼ 28:28

Ona tayom uni do manwae metadea, ‘Probhu Isor botoraege hoyokʼ kana ạkil do, ar bạṛicʼ khon sahaṛokʼge hoyokʼ kana buj do.

Sereńko 85:10

Asambheṛ dulạṛ ar pạtiạr dokin ńapam midokʼa; dhorom ar suluk dokin cokʼ joṅa.

Exodus 1:17

Menkhan unkin dhạ̃i buḍhi do Isor kin botoraekan tahẽkana. Onate unkin do Misor rajakʼ hukum leka kạmi baṅkate koṛa hoponko jiwetʼkin dohoketʼkoa.

Exodus 20:20

Unre Mose do hoṛkoe metatʼkoa, “Alope botorokʼa. Isor do biḍạureye paṛao ocoakatʼpea jemon apeakʼ monre botor tahente alope kại. Ar ona iạtege uni doe hecʼakana.”

Kạhtukko 14:16

Ạkilan hoṛ doe sontorokʼa ar bạṛicʼ khone sahaṛokʼa, menkhan bebuj hoṛ do acʼ cetanre pạtiạue dohoya ar bae sontorokʼa.

Kạhtukko 14:2

Okoe dhoromteye calakʼ uni do Probhu Isore botoraea, menkhan okoe peṛta horteye calakʼ uni doe nihạ̃tea.

Kạhtukko 14:27

Dhorom do jion reakʼ jharna kana; moron reakʼ jhạliko khon paskaokʼ lạgitʼ.

Kạhtukko 16:5

Bạḍại monan hoṛ do Probhu Isore hirkhạwako kana; khạṭige baḍaepe onko do sạjạiko ńama.

Kạhtukko 20:28

Pạtiạr ar dhoromte raj do khạtirjomae dohoyede kana; ar pạtiạr hotetege uniyakʼ siṅghạson do ṭarhaokʼtaea.

Kạhtukko 3:3

Pạtiạr ar dhorom do tishõ aloe bạgiwam ma; amakʼ hoṭokʼre onako bedhao dohokakʼme, ar amakʼ ontorre hõ ol dohokakʼme.

Kạhtukko 3:7

Apnar mẽtʼre budan do alom hoyokʼa; Probhu Isor botoraeme, ar bạṛicʼakʼ khon pharakre tahenme.

Kạhtukko 8:13

Probhu Isor botorae do bạṛicʼakʼ kurudakʼge; bạḍại, ṭenḍosokʼ, bạṛicʼ beohar ar peṛta katha iń doń kurudakʼ kana.

Daniel 4:24

“E maharaj, ńitokʼ okań menetʼkan ona do ińren kisạ̃ṛ maharajakʼ kukmũ reakʼ bhedkana. Noa do Coṭ utạricʼakʼ hukum kangea.

Daniel 4:27

Onate E maharaj, am do ińakʼ solha ańjomme. Am do bhageakʼ kạmime ar reṅgecʼ-orecʼko dayawakome ar amakʼ behokakʼ ar kại reakʼ kạmiko do bạgime; pasere pase amakʼ nirại dinko do jhạl idikʼtamge.”

Levitikus 25:17

Okoe cetanre hõ alope behoka. Ar sanamkoge aperen Isor botoraepe, ente iń Probhuge aperen Isor do.

Luk 11:41

Ape do thạri ar bạṭi reakʼ bhitrire oka menakʼ onage boroṅ dan emokʼpe; enḍekhan sanamakʼ saphakʼtapea.

Johan 15:2

Ińre okako ḍạr baṅ jokʼ onako doe getʼ giḍikakʼa, ar oka ḍạrko jokʼkan onako doe kamana jemon arhõ bạ̃ṛti jokʼ.

Aposkạmi 15:9

Uni do abo ar onko talare jãhãn begar do bae dohoakada, ente onkoko pạtiạu akante uni do onkoakʼ ontore sapha akatʼtakoa.

2 Korinthiko 7:1

E dulạṛiạ gateko, abon lạgitʼ noako gokʼakʼ menakʼte delabon, jel ar jiu reakʼ joto chut khon apnar bon saphakʼma, ar Isor botorae tulucʼ sonot reakʼ hortebon laha idikʼma.

Ephesiko lạgitʼ Pạul Apostolakʼ ciṭhi 5:21

Mạsiyakʼ dewa sewakore menakʼpete ape apere tabe akan tahenpe.

Dosar Biboron 30:13

Noa do jalapuri cetan reakʼ jãhãn jinis hõ baṅkana, onepe menke, ‘jalapuri paromkate do okoe bhala onae ańjom ocolea jemon onale manao ar ona lekale sen daṛekokʼ?’

1 Patras 1:22

Ńitokʼ do sạriạkʼtetʼpe manaoetʼte apeakʼ ontorpe sapha akada, ar onatege biswạsi boehako do ape ṭhen dulạṛiạko kanako. Onateń meneda, ape mimitʼko khạndri ontorte dupulạṛpe.