Kạhtukko 16:21 - সান্তালী বাইবেল

²¹ Okoeyakʼ ontorre ạkil menakʼ uni do budane ńumogokʼa, ar heṛem kathate jãhãeye cetʼae khan uni do ạkil ḍherokʼtaea.

Kạhtukko 16:21 Iomraidhean Croise

1 Rapajko 3:12

Onate am okaṭakʼem khojakatʼ onageń emama. Iń do amakʼ ontorre nonkan ạkil ar bud bicạr reakʼ daṛeń emama ńelme noa lahare nonka do celege bako tahẽkana ar tayomte hõ onka do ar bako hoyokʼa.

Sereńko 45:2

Am do manwako modre mońj utạricʼ kanam; amakʼ luṭikin reakʼ kathare do rasa dulogokʼkan leka; Isorakʼ jaejug reakʼ bhor do amrege ńurokʼ kana.

Kạhtukko 10:13

Buj menakʼtae hoṛakʼ mocare do ạkil tahena, menkhan pãeṛa ṭheṅga do buj bạnukʼtayicʼ hoṛakʼ dea lạgitʼ kana.

Kạhtukko 10:23

Bạṛicʼ kạmi do bebujkoakʼ rạskạ kana, menkhan budankoakʼ rạskạ do ạkilge.

Kạhtukko 10:8

Okoeyakʼ ontorre ạkil menakʼ uni do hukume bataoa, menkhan bok bokaokʼkan bebuj hoṛ doe maraokʼa.

Kạhtukko 15:7

Ạkilan hoṛkoakʼ luṭi do bidiại pasnaoeda, menkhan bebujkoakʼ ontor do onka baṅkana.

Kạhtukko 16:22

Ạkil do jion reakʼ jharna kana okoeyakʼ buj menakʼtae; ar orlo hoṛ do acʼakʼ lelhatetʼtegeye sạjạiyokʼkana.

Kạhtukko 23:15

E bạbu, amakʼ ontor do ạkilte perecʼlentam khan enḍekhan ińakʼ mon hõ rạskạkʼtińạ.

Kạhtukko 27:9

Mahkaokʼ sunum ar dhup do monre rạskạ bujhạukʼa; onkage gateakʼ solha do gate ṭhen heṛemgea.

Sosolhayic̕ 12:10

Uni do jut jut kathakoe ńamtotʼ akada, ar uni okaṭakʼe olakatʼ ona do khạṭi ar sạri kangea.

Jesaea 50:4

Probhu Isor do sikhnạt reakʼ alaṅgeye em akawadińạ jemon katha hotete laṅga akan hoṛkoń goṛo daṛeako. Uni do dinạm hilokʼ setakʼ jokhecʼe ebhen edeńkana ar ińakʼ luture cetao ocoyetʼtińạ jemon mitʼṭen cela lekań ańjomtae.

Hosea 14:9

Ạkilan doe okoekana? Uni do noako reaṅe baḍaema. Probhu Isorakʼ hor do dhorom reakʼ hor kana; dhorom hoṛ do ona hortegeko taṛama, menkhan bedhoromicʼ doe tohotʼ gurokʼa.

Mathae 11:25

Ona tayom Jisui menkeda, “E Baba, ot ar sermaren Probhu Isor. Amiń sarhaoetʼmea, ente am do ạkilan ar budanko ṭhen khon noako reaṅ dom oko dohoakada, menkhan kạṭicʼ gidrạ lekanko ṭhen dom sodor akada.

Luk 4:22

Ar sanam hoṛ do uniko sabasiyadea ar uniyakʼ moca khon oḍokokʼkan mońj mońj katha ańjomte ạḍiko hahaṛayena. Onkoko menkeda, “Nui do cetʼ Josephren hopon doe baṅkana?”

Johan 7:46

Adoko menkeda, “Uni hoṛ cetʼ lekae roṛetʼkan onka do okoe hõ tisge bako roṛakada.”

Romiko lạgitʼ Pạul Apostolakʼ ciṭhi 16:19

Apepe bataoetʼ reakʼ katha do jotogeko ańjomakada, ar onate apereń kusiakana. Iń doń khojkana ape do jemon bhageakʼko oromkatepe ataṅ ar bạṛicʼakʼko khon pharakpe tahen.

Jakob 3:17

Menkhan oka akel serma khon hijukʼkan ona do pạhilre khạṭi, ar ona tayom do sulukte perecʼgea; onare sahao daṛe ar mạ̃hirtetʼ tahena; ona do daya ar bhage kạmire perecʼtetʼge, bin digdhạ ar bin phạsiarawakʼge.