Kạhtukko 16:10 - সান্তালী বাইবেল

¹⁰ Rajakʼ luṭi reakʼ katha do jiu eserteakʼ katha kana; bicạrre uniyakʼ katha do bae kạiya.

Kạhtukko 16:10 Iomraidhean Croise

Genesis 44:15

Unre Joseph do onkoe metatʼkoa, “Cedakʼ nonka dope kạmikeda? Jotowakʼ sạrigeń guni daṛeakʼ ona do cetʼ bape baḍaekan tahẽkana?”

Genesis 44:5

Ona bạṭirege coṅ ińren kisạ̃ṛmae ńũiyetʼ tahẽkan ar ona bạṭitege uni do gonok reakʼe kạmikan tahẽkana. Ape do noa kạmikate ạḍipe bạṛicʼ akada.’ ”

2 Samuel 14:16

Iń ar ińren hoponiń do Isorakʼ sompotti khon, metakʼme acʼren hoṛko tala khon marao giḍi liń lạgitʼ okoe hoṛe kurumuṭukan uniyakʼ ti khon hoedaṛeakʼa maharaj doe rukhiyạ lińạ.

1 Rapajko 3:28

Rajakʼ bicạr ańjomkate Israelren sanamkoakʼ monre raj cetanre botor caṛhaoena, ente onkoko ńelkeda, bicạr chinḍạu lạgitʼ Isor do monre ạkile emakawadea.

2 Bõsbudạ 26:16

Usiại keṭecʼ idiyen khan uniyakʼ monre bạḍại boloyena ar onate uni doe ńurena. Uni do Probhu Isorakʼ oṛakʼre bolokate dhudhup pinḍre dhup jeredkate Probhu Isor upạrteye kạikeda.

Sereńko 99:4

Okoe raj do dhorom bicạre kusiyakʼ uniyakʼ daṛe do amgem ṭarhao akatʼtaea, jemon uni do dhoromteye bicạr daṛeakʼ. Amge Jakob bõsrenko talare hok bicạr ar dhoromem dohoakada,

Kạhtukko 29:4

Hok reakʼ bicạr iạte raj do disạme ṭarhao daṛeakʼa, menkhan okoe ghuse kusiyakʼ uni do disạme jarkhara.

Hosea 10:4

Onko do ạuṛi kathakogeko roṛeda ar eṛe eṛe kiriạkate bondobosko bandhaoeda. Onate bicạr do khet reakʼ nahel gaḍakore bisanakʼ aṛakʼ sakam leka phuṭạu rakapʼkana.

Amos 5:7

Ape do hok reakʼ bicạrpe haṛhatʼ ocoyetʼkana ar dhorom do otrepe lebda giḍikakʼkana.

Amos 6:12

Khaṛa burure cetʼ sadom doko kamsaokʼgea? Jalapurire cetʼ jãhãe do ḍaṅgrateye sikeya? Menkhan hok reakʼ bicạr ape do bis lekape hoyocoakada ar dhorom reakʼ jo dope haṛhatʼ ocoakada.