Kạhtukko 15:8 - সান্তালী বাইবেল

⁸ Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

Kạhtukko 15:8 Iomraidhean Croise

2 Samuel 15:12

Samaṅokʼakʼ samaṅ jokhecʼ Absalom do Dạudren sosolhayicʼ Gili nagraha khon Ahitophel hoho ạguiye lạgitʼ hoṛkoe kolketʼkoa. Nonkate soṛojontro do arhõ diṛho idiyena, ente disom hoṛko do Absalom ṭhenko saṅge idiyena.

1 Rapajko 3:10

Solomon noae khojketʼte Probhu Isor do ạḍiye kusiyena.

1 Bõsbudạ 29:17

E ińren Isor, ińiń baḍaea, am do ontorem biḍạu aṭkaretʼkana ar dhorom iạtem kusikʼkana. Noako jinis do mon ar ontor khon kusiteń em akatʼmea. Ar ńitokʼ do ona ńelteń rạskạkʼ kana, amren hoṛko okoe do nonḍe menakʼko onko hõko kusikʼkana.

Sereńko 141:2

Ińakʼ koejoṅ do am samaṅre dhup leka bujhạukʼma, ińakʼ ti kin reakʼ ataṅ do ạyupʼ reakʼ samaṅokʼakʼ leka ente iń do am samaṅre hạjirgeń tahen kana.

Sereńko 17:1

E Probhu Isor, dhorom reakʼ katha ańjomme, ar ińakʼ rakʼjoṅ luturakʼme; ińakʼ bin phạsiara moca reakʼ koejoṅ baṛe ańjomtińme;

Kạhtukko 10:24

Bedhorom hoṛ do okako botorakʼ onaregeko paṛaokʼa, menkhan Isor botoraekoakʼ khojogokʼa do purunokʼtakoa.

Kạhtukko 15:29

Probhu Isor do bạṛicʼko khon pharakreye tahenkana, menkhan uni do acʼ botoraekoakʼ koejoṅe ańjomeda.

Kạhtukko 15:7

Ạkilan hoṛkoakʼ luṭi do bidiại pasnaoeda, menkhan bebujkoakʼ ontor do onka baṅkana.

Kạhtukko 21:27

Bedhoromkoakʼ dãṛẽ Probhu Isor doe hirkhạwakʼkana, ar ona bạṛicʼ monsubạte ạgulen khan enḍekhan ona do artetʼge hirkhạwakʼ hoyokʼa.

Kạhtukko 21:3

Probhu Isor ṭhen do janwar dãṛẽ samaṅko khon dhorom ar hok reakʼ kạmige ḍher bạsutakʼ kana.

Kạhtukko 28:9

Probhu Isorakʼ ạn ạri reakʼ katha jãhãe ańjomkate hõ bae senakʼ, enḍekhan uniyakʼ koejoṅ hõ hirkhạwanakʼ hoyokʼtaea.

Sosolhayic̕ 5:1

Isorakʼ oṛakʼte bolokʼ jokhecʼ sontorte taṛamme. Okoe apnarakʼ behokakʼ bae bujhạu akatʼ uni bebujicʼ leka samaṅokʼakʼ porob manao khon bickom Isorakʼ bataotaege bhagea.

Soros sereń 2:14

E potamtiń, huṭupʼ dhiri lopakʼre tahenicʼ buru cuṛạ pakhakore menamicʼ, amakʼ rup baṛe ńel ocoyińme, amakʼ aṛaṅ baṛe ańjom ocoyińme, ente am dom cehragea ar aṛaṅ do heṛemgetama.

Jesaea 61:8

Probhu Isore meneda, “Iń do hok reakʼ bicạrgeń kusiyakʼa ar luṭakʼ ar behokakʼ doń kurudakʼ kana. Ińakʼ pạtiạrtetʼre kuṛạiyiń emakoa ar jaejug lạgitʼ mitʼṭecʼ bondobosiń bandhaoa.

Jesaea 66:3

Menkhan okoe mitʼṭen ḍaṅgrae samaṅede uni do manwa khũnicʼ kanae, okoe mitʼṭen bhiḍi hopone samaṅede uni do setawakʼ hoṭokʼ rạputʼicʼ kanae, ar okoe anaje samaṅetʼkan uni do sukrikoakʼ mãyãm samaṅicʼ kanae, ar iń ńutumte dhupe jeretʼetʼkạnicʼ do boṅgako sewayicʼ kanae. Onko do apan ạpin horko bachao akawana; ar hirkhạwakʼ jinisteko tirpitokʼkana.

Jirimiạ 6:20

E ińren hoṛko, Seba disạm khon oka kunduru hijukʼkan se sạṅgiń disạm khon oka soros boc hijukʼkan onate ińakʼ do cetʼ jạruṛ? Apeakʼ jeredokʼ samaṅokʼakʼko bạsutokʼakʼko do baṅkana; ar apeakʼ janwar dãṛẽteakʼko hõ bae kusi ocoyediń kana.”

Daniel 9:23

Am do koejoṅem ehopʼletʼrege Isor doe roṛ ruạṛe em akatʼmea, ar ona baḍae ocome lạgitʼgeń hecʼakana, ente uni do ạḍiye dulạṛetʼmea. Ona iạte ona katha moneyakʼme ar dorson baṛe bujhạu joṅme.

Levitikus 7:18

Ar tesar hilokʼ hõ ona jel jomogokʼ enḍekhan Probhu Isor do ona samaṅakʼ bae ataṅa. Ar samaṅ akatʼicʼakʼ hõ ona do baṅ ataṅokʼtaea, ente ona jel do unre chutakʼ jinisge hoyokʼa. Ar okoe ona jele jom uni do ona kại lạgitʼ dạyike tahena.

Mikạ 6:6

Iń do cetʼkoante Probhu Isor samaṅreń hijukʼa ar coṭren Isor samaṅreń omagokʼa? Iń do cetʼ jeredokʼ samaṅokʼakʼ lạgitʼ mitʼ bochor umerren mĩhũkoante uni samaṅreń hijukʼa?

Mikạ 6:7

Probhu do cetʼ hajar hajar bheḍakoteye kusikʼa, uni do cetʼ sunumte perecʼ gaḍakoe bạsutakʼa? Ińakʼ ghạṭko ńutumte iń do cetʼ ińren pạhil janamicʼ hoponiń emaea, ińakʼ kại gunạkʼte cetʼ ińakʼ kukhi reakʼ jogeń samaṅaea?

Hagae 2:14

Unre Hagae doe metatʼkoa, “Probhu Isore meneda, ‘ṭhik onkage ińakʼ mẽtʼre noko hoṛko ar noko jạtren doko bhonḍgea. Ona iạte onko okako cekayetʼ ar jãhãnakʼgeko samaṅetʼkan ona do bhonḍgetakoa.

Malaki 1:10

“Hae! Ape modre mitʼ hoṛ hõ mundil oṛakʼ reakʼ duạre sińlere ar ińakʼ pinḍ cetanre ạuṛiyakʼ reakʼ seṅgel bape jeretʼ lekhan iń do ạḍiń kusikokʼa. Ape cetanre iń doń khĩs akana ar samaṅokʼakʼ reakʼ jinisko hõ apeakʼ tite bạń ataṅa.

Johan 4:24

Isor doe Jiu kana; ar okoe uniko sewawaekan, onko do Jiu ar sạriyakʼte sewawae lek takoa.”