Kạhtukko 15:6 - সান্তালী বাইবেল

⁶ Dhorom hoṛakʼ oṛakʼ do aema dhon menakʼa, menkhan bedhoromkoakʼ arjaoakʼ do muhine ạguiya.

Kạhtukko 15:6 Iomraidhean Croise

Sereńko 112:3

Uniyakʼ oṛakʼre do dhon duribko tahena; uniyakʼ dhorom do jaejug hạbicʼ tahena.

Sereńko 37:16

Ḍher bạṛicʼ hoṛkoakʼ do asambheṛ dhon menakʼa, menkhan Isor botoraeko do tinạkʼ menakʼtako onage ḍhera.

Kạhtukko 10:22

Probhu Isor okoeye bhorae uni doe kisạ̃ṛgea; ar ona bhorre jãhãn duk ar kosṭo do baṅ tahena.

Kạhtukko 13:22

Bhage hoṛ do acʼren goṛom gidrạko lạgitʼ ạidạriye doho oṭokakʼa, menkhan kạiyankoakʼ dhon do Isor botoraeko lạgitʼge doho akan tahena.

Kạhtukko 15:16

Be suluk sãote ḍher dhon lab joṅ khon Probhu botorae tulucʼ thoṛawakʼge bhagea.

Kạhtukko 15:5

Bebuj hoṛ do acʼ apatakʼ ḍanṭaoe nihạ̃ta, menkhan bujhạntar hoṛ do nisṛạue moneyakʼa.

Kạhtukko 15:7

Ạkilan hoṛkoakʼ luṭi do bidiại pasnaoeda, menkhan bebujkoakʼ ontor do onka baṅkana.

Kạhtukko 16:8

Behokakʼte ḍher arjao khon hokte thoṛa arjaoakʼge bhagea.

Kạhtukko 21:20

Budankoakʼ oṛakʼre do damanakʼ dhon ar mahkaokʼ sunum tahena, menkhan bebuj hoṛ do onae ublạ ḍublạ cabaya.

Kạhtukko 3:33

Bạṛicʼ hoṛkoakʼ oṛakʼre Probhu Isorakʼ sarap tahena, menkhan Isor botoraekoakʼ oṛakʼ doe bhor atakoa.

Kạhtukko 8:21

Okoe ińko dulạṛiń onko do dhon duribko ńama; ińge onkoakʼ murạikoń perecʼkatakoa.

Sosolhayic̕ 4:6

Hoe tayomte ńir calakʼ lạgitʼ khaṭaokate bar ańjle ńam khon sulukte mitʼ cuputʼ ńamge bhagea.

Ibriko 11:26

Uni do Misor reakʼ dhon durib khon Mạsi ńutumteakʼ henostage ạḍi bạ̃ṛtiye moneyada, ente uni do kuṛại secʼe beṅgetʼ akatʼ tahẽkana.