Kạhtukko 15:31 - সান্তালী বাইবেল

³¹ Okoe hoṛ nisṛạukoe luturakʼkan uni do ạkilanko sãoteye girobasokʼ kana.

Kạhtukko 15:31 Iomraidhean Croise

Kạhtukko 1:23

Ińakʼ ḍanṭaope luturakʼ khan, ińren Jiu do apereń dulkea, ar ińakʼ mon reakʼ kathań baḍae ocokepea.

Kạhtukko 13:18

Okoe hoṛ ḍanṭao bae bạsutakʼkan uni do okulan ar lajaoreye paṛaokʼa, menkhan nisṛạue hetawakʼkan hoṛ doe manot ocokʼa.

Kạhtukko 13:20

Ạkilanko sãote okoeye senokʼ uni do ạkilane hoyokʼa, menkhan okoe bebuj hoṛkoren gateye hoyokʼ uni doe baṛijokʼa.

Kạhtukko 15:30

Rạskạte perecʼ mẽtʼ do eṭakʼkoe rạskạ ocoyetʼkoa, ar bhạlại reakʼ sombat do jaṅ ar jele purṭhạyeda.

Kạhtukko 15:32

Okoe hoṛ ḍanṭao bae bạsutakʼ kan uni do apnargeye nihạ̃tokʼa. Menkhan nisṛạu ańjomicʼ do bae hameṭ joṅa.

Kạhtukko 15:5

Bebuj hoṛ do acʼ apatakʼ ḍanṭaoe nihạ̃ta, menkhan bujhạntar hoṛ do nisṛạue moneyakʼa.

Kạhtukko 18:15

Okoeyakʼ monre buj menakʼ uni do ạkile hameṭ joṅa, ar ạkilankoakʼ lutur do ạkile ńam baṛaea.

Kạhtukko 19:20

Solha moneyakʼme, ar ḍanṭao manaome; tayomte am do ạkilanicʼ em hoyokʼa.

Kạhtukko 25:12

Sona reakʼ pagra se bhage sona reakʼ abhran cetʼleka, onka kangea ạkilan hoṛkoakʼ nisṛạu katha do.

Sosolhayic̕ 7:5

Bebujkoakʼ sereń ańjom khon ạkilan hoṛkoakʼ egere bhagea.

Jesaea 55:3

Ińakʼ katha luturakʼpe, ar iń ṭhen hijukʼpe; jemon ińakʼ katha ańjomkate jiwetʼpe tahen. Iń do pạtiạrte perecʼ dulạṛ iạte Dạud ṭhen okań gokʼletʼ ona lekage ape lạgitʼ mitʼṭecʼ jaejugakʼ bondobos iń bandhaoa.

1 Johan 2:19

Mạsiren noko bạiriko do abo tala khonko oḍok akana. Menkhan onko do aboren hoṛ bako tahẽkana. Ente aborengeko tahẽlen khan, enḍekhan abo sãotegeko tahẽkokʼa honaṅ, menkhan onko doko oḍok sen akante bujhạukʼ kana okoe hõ aboren doko baṅkana.