Kạhtukko 15:27 - সান্তালী বাইবেল

²⁷ Lalociạ hoṛ do acʼakʼ gharońjre duke ạguiya, menkhan okoe hoṛ ghuse hirkhạwakʼ uni do jione ńama.

Kạhtukko 15:27 Iomraidhean Croise

1 Rapajko 2:40

Unre Simai do gadhare decʼkate acʼren guti sendrakin lạgitʼ Gatte Akhis ṭhene senena ar onḍe khon unkine ruạṛ ạguketʼ kinạ.

2 Rapajko 5:27

Onate Namanakʼ murhucʼ jom rog do am ar amren bõsko talare jaejug hạbicʼ tahena.” Unre Gehosi do Elisae samaṅ khone calaoena ar uniyakʼ hoṛmo do murhucʼ jom rogte him leka ponḍentaea.

Sereńko 15:5

Uni do sud chaḍa pańcate ṭakae emokʼa, ar ghus bae hataoa ar miridoskoakʼ hõ bae khutiytakoa. Okoe nonkae kạmiyetʼkan uni do jaoge teṅgo ṭak akane tahena.

Exodus 18:21

Ona tayom sanam hoṛko tala khon nonkan lekman hoṛ ben bachaokoa okoe do Isorko batorae ar sạriyakʼreko tahenkan ar behokakʼko hirkhạwakʼ kan. Onkoge aben do mukhiyạ lekate ben bahalkoa, adom do hajarko cetanre, adom do saeko cetanre, adomko do mõṛẽgelko cetanre ar adomko do gelko cetanre.

Exodus 23:8

Ghus alom joma, ente okoeyakʼ mẽtʼ menakʼ uni hõ ghusteye kãṛã ocokʼa. Ghus do dhorom hoṛakʼ katha hõe ulṭạu ocoya.

Kạhtukko 1:19

Bạṛicʼ upạite jãhãnakʼ lab lạgitʼ okoeko dạdạrkan onko sanamkoakʼ dosa do onkage hoyokʼtakoa; ar okako lab onate onkoakʼ jion do nosṭokʼtakoa.

Kạhtukko 11:19

Dhoromre ṭarhaoicʼ do jiwetʼe tahena, menkhan okoe do bạṛicʼakʼe khudạuetʼkan uni do gujukʼe ạguiyeda.

Kạhtukko 11:29

Okoe acʼakʼ gharońjre bạṛicʼakʼe ạguiyetʼ unire do hoe chaḍa ar cetʼge baṅ tahena; ar bebujko do ạkilan hoṛren golamko hoyokʼa.

Kạhtukko 15:26

Probhu Isor do bạṛicʼ monsubạkoe hirkhạwakʼ kana, menkhan bhạlại reakʼ kathako do uniyakʼ mẽtʼre khạṭigea.

Kạhtukko 20:21

Okaṭakʼ ạidạri hare phare ńam godokʼ onate mucạtʼre bhor do baṅ ńamokʼa.

Kạhtukko 23:4

Dhon lab lạgitʼ do alom dhãoṛa dhạ̃uṛi baṛaea; ar noa lạgitʼ amakʼ budre hõ alom bhorsakʼa.

Kạhtukko 28:16

Okoe disạm cakʼlaoicʼakʼ bud bạnukʼtae uni doe santaoa; ar okoe cakʼlaoicʼ laloce hirkhạwakʼ uni do ḍher din jiwetʼe tahena.

Kạhtukko 28:25

Laloc menakʼtae hoṛ doe jhogṛakʼa, menkhan okoe Probhu Isorreye bhorsakʼ uni doe jo bahakʼa,

Kạhtukko 29:4

Hok reakʼ bicạr iạte raj do disạme ṭarhao daṛeakʼa, menkhan okoe ghuse kusiyakʼ uni do disạme jarkhara.

Jirimiạ 17:11

“Uni hoṛ do chitri cẽṛẽ lekanae, okoe acʼ bae obor akatʼ beleren hoponkoe jarwayetʼko; uni do bạṛicʼ lekate dhone hameṭjoṅa. Uni do acʼakʼ adha dinkorege ona doe bạgiyakʼ kana, ar mucạtʼre uni do lelha lekae sạbudokʼa.”

Dosar Biboron 16:19

Behok lekate alope bicạra se okoeyakʼ mẽtʼãhã hõ alope beṅgetʼakʼa. Ghus hõ alope hataoa, ente ghus do ạkilankoakʼ mẽtʼe kãṛã ocoytakoa ar bin dusạn hoṛakʼ katha hõe ulṭạu ocoya.

Dosar Biboron 7:26

Jãhãn hirkhạwakʼ jinisko oṛakʼte alope adera. Onako do mon ar ontorte hirkhạwakʼpe ar giḍikakʼpe, ente onako cetanre do maraokʼ reakʼ sarap menakʼa. Ar oṛakʼtepe ader khan ape cetanre hõ sarap paṛaokʼa.

1Timothi 6:10

Ente sanam lekan bạṛicʼakʼ reakʼ rehetʼ do ṭaka-poesa bạ̃ṛti dulạṛ khonge. Ḍher hoṛge ona reakʼ lalocte Mạsiyakʼ dhorom pạtiạu khonko ocokʼ akante apnarre ạḍi okocʼ dukteko sobokʼ tapʼakana.

1Timothi 6:9

Menkhan okoe kisạ̃ṛokʼ hoyokʼ sanayetʼko onko do aema lekan biḍạu ar jhạlikoreko paṛaokʼa, ar nonkan bebuj ar laloc mon janamakoa, one onate maraokʼ ar nosṭokʼre hoṛkoe unumetʼko.

Josuạ 6:18

Menkhan okako jinis do sarapanakʼ tabere menakʼ ona khon pharakre tahenpe jemon ona khon jãhãnakʼ apnar lạgitʼpe ạgujoṅte ape cetanre bạṛicʼakʼpe ạgujoṅ. Arpe onka lekhan Israelkoakʼ ḍera cetanre bạṛicʼakʼpe ạguiya ar muhinrepe paṛao ocokoa.

1 Samuel 12:3

Iń do nonḍege minạńa; ar iń upạrte apeakʼ jãhãnakʼ roroṛteakʼ menakʼtape khan enḍekhan Probhu Isor ar uniren ojokʼ bahal akan hoṛko samaṅrege roṛpe. Ar goha emokʼpe, okoeren ḍaṅgra se gadha behok lekateń hatao akadea mente? Ar jãhãe ṭhen khon ghus hataokate mocań bond akatʼ tińạ mente? Noako reakʼ jãhãṭakʼgeń kạmi akatʼ khan tobe khan ona reakʼ khuti puruniń emokʼa.”