Kạhtukko 15:24 - সান্তালী বাইবেল

²⁴ Budan hoṛakʼ jion reakʼ hor do cetan secʼe idiya, ar onate uni do patal puri khon rukhiyại ńama.

Kạhtukko 15:24 Iomraidhean Croise

Sereńko 139:24

Ar ńelme amiń duk ocome nonkan ińakʼ monre menakʼa se baṅa; am do jaejug reakʼ horre ạyurińme.

Sereńko 16:11

Amge jion reakʼ horkom baḍae ocoakadińạ; cepel cepel rạskạ do am mẽtʼãhã samaṅrege menakʼa, ar amakʼ jojomti secʼ do jaejug reakʼ sukge menakʼa.

Kạhtukko 2:18

Am do uniyakʼ oṛakʼtem bololen khan gujukʼ secʼem lahakʼa, ar uni tulucʼem soṅgelen khan gujukʼko ṭhenem seṭerokʼa.

Kạhtukko 23:14

Pãeṛãte uni do sạjại emaeme inạ khan Sheol khon uniyakʼ jiwim bańcaotaea.

Kạhtukko 4:18

Isor botoraekan hoṛkoakʼ hor do aṅga hijukʼkan marsal leka, one ạuri tikinokʼ hạbicʼ tạpis khon arhõ tạpis idikʼkan.

Kạhtukko 5:5

Uniyakʼ jaṅga do moron secʼ pheḍ calakʼ kantaea, ona do sojhe Sheol secʼge calakʼ kana.

Kạhtukko 6:23

ente noako hukum do diuhe leka, noa sikhnạt do marsal leka, ar ḍanṭao reakʼ nisṛạu do jion reakʼ horge.

Kạhtukko 7:27

Uniyakʼ oṛakʼ do hoyokʼkana Sheolte calakʼ hor, one okaṭakʼ hor do moron reakʼ kandhateye pheḍ akan.

Kạhtukko 9:8

Landa dhutʼicʼ hoṛ do dosko alom udukʼaea, arem udukʼae khan ame hirkhạwama; bickom ạkilan hoṛ do uniyakʼ dosko udukʼaeme, uni do ame dulạṛmea.

Jirimiạ 21:8

Probhu Isor do Jirimiại metadea, “Am do hoṛkom metakoa, Probhu Isor do noa kathae meneda, ‘ńelpe, ape samaṅre iń do jion reakʼ hor ar gujukʼ reakʼ hor iń dohoakada.

Mathae 7:14

Menkhan okaṭakʼ hor jion secʼe ạyur idi ona reakʼ hor do sakṛagea ar duạr hõ suṛucʼgea. Ar thoṛa hoṛge noa doko sendra ńametʼkana.

Johan 14:6

Jisu do Thomae metadea, “Ińge hortetʼ, sạriyakʼtetʼ ar jion do. Iń hotete baṅkhan okoe hõ Baba ṭhen do ohoko calao daṛelena.

Dosar Biboron 32:22

Ińakʼ edre do seṅgel leka salgao akana; ona seṅgel do khạndri Seol hạbicʼ jolokʼkana. Ona seṅgel do dhạrti ar ona reakʼ sanamakʼ phosolkoe joma ar buruko reakʼ rehetʼko hõe jeretʼakʼa.

Philipiko lạgitʼ Pạul apostolakʼ ciṭhi 3:20

Menkhan aboakʼ rajosṭi do sermare; one onḍe khon abo do aboren babańcaoicʼ Probhu Jisu Mạsiyakʼ hijukʼ bon ńel hohorkan.