Kạhtukko 15:21 - সান্তালী বাইবেল

²¹ Buj reakʼ okulạn okoeyakʼ menakʼ uni do lelhatetʼreye rạskạkʼ kana, menkhan okoeyakʼ buj menakʼ uni do sojhe horteye taṛameda.

Kạhtukko 15:21 Iomraidhean Croise

Jobakʼ 28:28

Ona tayom uni do manwae metadea, ‘Probhu Isor botoraege hoyokʼ kana ạkil do, ar bạṛicʼ khon sahaṛokʼge hoyokʼ kana buj do.

Sereńko 111:10

Probhu Isor botorae do ạkil reakʼ etohopʼ kana; okoe ona lekako kạmi onko do akelko ńama. Probhu Isorakʼ sarhao do jaejug hạbicʼ tahenma.

Kạhtukko 10:23

Bạṛicʼ kạmi do bebujkoakʼ rạskạ kana, menkhan budankoakʼ rạskạ do ạkilge.

Kạhtukko 11:12

Okoe acʼ aḍepaseren hoṛkoe nindạuko uni do ạkil reakʼ okulạn menakʼtaea, menkhan okoeyakʼ buj menakʼ uni do acʼakʼ alaṅe sambṛaoeda.

Kạhtukko 14:16

Ạkilan hoṛ doe sontorokʼa ar bạṛicʼ khone sahaṛokʼa, menkhan bebuj hoṛ do acʼ cetanre pạtiạue dohoya ar bae sontorokʼa.

Kạhtukko 14:8

Acʼakʼ hore orom ona kangea budan hoṛakʼ ạkil do, menkhan chol kopoṭ do bebuj hoṛkoakʼ lelhatetʼge.

Kạhtukko 14:9

Bebuj hoṛ acʼakʼ kạiye aṅgoctae do nichokokʼ lekae bujhạua menkhan bhage hoṛ do samgekʼgeye bạsutakʼ kana.

Kạhtukko 15:22

Solha begor goṭawakʼ do baṅ purạukʼa, menkhan saṅge sosolhakote ona do purạukʼgea.

Kạhtukko 4:25

Amakʼ mẽtʼ do sojhete jemone beṅgetʼkakʼ, ar amakʼ ńeńel do samaṅ secʼ baṛe hoyokʼma.

Kạhtukko 4:26

Amakʼ jaṅgakin reakʼ ḍahar moneyakʼme, inạ khan amakʼ sanam horko do kajakokʼtama.

Ephesiko lạgitʼ Pạul Apostolakʼ ciṭhi 5:15

Ape cetʼlekape calakʼkan ona reaṅ mońjte hudiskate ńelpe. Bebuj hoṛko leka baṅ calaokate akelanko leka baṛe calakʼpe.

Jakob 3:13

Ape modre akel ar budan hoṛ doe okoekana? Uni do acʼakʼ bhage cạl-colonte akel khon oḍokokʼkan mạ̃hirtetʼ reakʼ kạmiye udugma.