Kạhtukko 15:2 - সান্তালী বাইবেল

² Ạkilan hoṛkoakʼ alaṅ do bidiại hạṭińeda, menkhan bebujkoakʼ moca do lelhawakʼe oḍokeda.

Kạhtukko 15:2 Iomraidhean Croise

Sereńko 45:1

Ińakʼ ontor do bhage kathate cepel cepelokʼ kana; ar raj õnõṛhẽye lạgitʼ ińakʼ kobita do oḍokʼakana; ińakʼ alaṅ do cogoṛ olokʼicʼ akʼ kolom hoyakana.

Sereńko 59:7

Ńelme, onko do moca khon cokakʼ baklakʼko oḍokeda, onkoakʼ luṭi khon do tarwaṛe oḍokokʼ kana onko doko meneda, “Aboakʼ katha do okoe hõ bako ańjom ńama.”

Kạhtukko 12:23

Budan hoṛ do acʼakʼ bidiạ reaṅ bae lại baṛaea, menkhan bebujko do akoakʼ lelhatetʼko lạṭicʼ baṛaea.

Kạhtukko 13:16

Sontorokʼkan hoṛ do ạkil salakʼe kạmiyeda, menkhan khaṭo budan hoṛ do acʼakʼ lelhatetʼe sodoreda.

Kạhtukko 15:23

Okoe hoṛ lek lekate kathae roṛ uni doe kusikʼa; ente ṭhik oktere katha roṛ do tinạkʼ bhage!

Kạhtukko 15:28

Dhorom hoṛakʼ ontor do hudiskateye roṛ ruạṛa, menkhan bedhoromkoakʼ moca khon do bạṛicʼ katha ạtu oḍokokʼa.

Kạhtukko 15:7

Ạkilan hoṛkoakʼ luṭi do bidiại pasnaoeda, menkhan bebujkoakʼ ontor do onka baṅkana.

Kạhtukko 16:23

Ạkilan hoṛkoakʼ ontor do uniyakʼ mocae ạyuretʼtaea, ar onate uniyakʼ cecetʼakʼte eṭakʼkoakʼ ạkil do ḍherokʼkana.

Kạhtukko 5:2

Onate am do boge bạṛicʼ bujhạu reakʼ daṛem ńama, ar amakʼ moca khon ạkil do oḍokʼ hijukʼa.

Sosolhayic̕ 10:14

Bebujko do ḍher kathako roṛa, menkhan cetʼ darae kana ona do celege bako baḍaea, ar tayomte cetʼ hoyokʼa ona do manwa okoeye lạiyaea?

Sosolhayic̕ 5:3

Ḍher bhabna cintạ tahẽlen khan hoṛko cetʼleka kukmũko ńel onkage ḍher katha roṛle khan bebujtetʼ hõ oḍok hijukʼa.

Jesaea 50:4

Probhu Isor do sikhnạt reakʼ alaṅgeye em akawadińạ jemon katha hotete laṅga akan hoṛkoń goṛo daṛeako. Uni do dinạm hilokʼ setakʼ jokhecʼe ebhen edeńkana ar ińakʼ luture cetao ocoyetʼtińạ jemon mitʼṭen cela lekań ańjomtae.