Kạhtukko 15:15 - সান্তালী বাইবেল

¹⁵ Dukokʼ kankoakʼ do joto dinge bạricʼgetakoa, menkhan kharsalayikʼ do joto dingeye hesecʼ sekrejokʼa.

Kạhtukko 15:15 Iomraidhean Croise

Genesis 37:35

Ar uniren eṭakʼ hoponko do uniyakʼ jiwi raṛejtae lạgitʼko kurumuṭukeda, menkhan cetʼtege jiwi do baṅ raṛecʼlentaea. Uni doe menkeda, “Iń do rakʼ rakʼteń gujukʼte ińren hoponiń ṭheniń calakʼa.” Nonkate Jakob do Joseph lạgitʼ ạḍiye rakʼkeda.

Genesis 47:9

Jakobe menkeda, “Noa dhạrtire thoṛa dinren hoṛ lekate ińakʼ umer do mitʼ sae pegel bochor paromena. Menkhan onako din reakʼ lekha do ḍher din baṅkana, ona do duktege parom akana. Tobe thoṛa dinren hoṛ lekate ińren hapṛamko tinạkʼ dinko khemao akatʼ unạkʼ din iń do bạń khemao akada.”

Kạhtukko 15:13

Ontorre rạskạ tahẽlen khan mẽtʼãhã hõ kusige ńelokʼa, menkhan mon reakʼ bhabnate jiu do talga tạuạgokʼa.

Kạhtukko 15:14

Okoeyakʼ monre buj menakʼ uni do ạkile sendraea, menkhan khaṭo bujankoakʼ moca do lelhawakʼe ạtińjoṅa.

Kạhtukko 15:16

Be suluk sãote ḍher dhon lab joṅ khon Probhu botorae tulucʼ thoṛawakʼge bhagea.

Kạhtukko 16:22

Ạkil do jion reakʼ jharna kana okoeyakʼ buj menakʼtae; ar orlo hoṛ do acʼakʼ lelhatetʼtegeye sạjạiyokʼkana.

Kạhtukko 17:22

Rạskạkʼkan ontor do hoṛmo mońje dohoya, menkhan rạputʼ mon do hoṛmoe nosṭo ocoya.

Aposkạmi 16:25

Un jokhecʼ do tala ńindạ okte tahẽkana. Pạul ar Silạs do Isorkin sarhaoedekan tahẽkana arkin koejoṅkan tahẽkana. Ar eṭakʼ kạidiko hõ onako ańjomkan tahẽkana.

Romiko lạgitʼ Pạul Apostolakʼ ciṭhi 12:12

Apeakʼ okaṭakʼ as menakʼ, ona iạte rạskạkʼpe. Harkhet sasetre soboripe. Koejoṅre jamaṛ akan tahenpe.

Romiko lạgitʼ Pạul Apostolakʼ ciṭhi 5:11

Eken ona do baṅ, okoe hotete Isor tulucʼ bon samge ocoakan uni Probhu Jisu Mạsi hotete abo do Isor tulucʼ bon rạskạ midokʼkana.

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

2 Korinthiko 1:5

Mạsire cetʼleka ạḍi utạr dukle sahaoetʼkan onkage uni hotete ạḍi utạr jiwi raṛecʼ hõle ńameda.

2 Korinthiko 6:10

Ạḍi dukle ńametʼre hõ aleakʼ ontor do jao ghuṛi rạskạte perecʼgetalea. Ale do apnarle reṅgecʼgere hõ, ḍher hoṛkole kisạ̃ṛ ocoyetʼkoa. Cetʼge bạnukʼtalere hõ, jotowakʼren ạidạriko kanale. Ar nonkatele sodoretʼkana, ale do Isorren sapʼ dapʼko kanale.

1 Patras 4:13

Ona khon bickom Mạsiyakʼ duk jom reakʼ bhạgiyạdarkope hoyakante rạskạkʼpe, jemon uniyakʼ mạhima sodorokʼre ape do rạskạtepe perejokʼ.