Kạhtukko 15:14 - সান্তালী বাইবেল

¹⁴ Okoeyakʼ monre buj menakʼ uni do ạkile sendraea, menkhan khaṭo bujankoakʼ moca do lelhawakʼe ạtińjoṅa.

Kạhtukko 15:14 Iomraidhean Croise

Sereńko 119:100

Umeran hoṛko khon hõ iń do bạ̃ṛtiń bujhạueda, ente iń do amakʼ ạn ạrikoń senakʼ kana.

Sereńko 119:97

Iń do amakʼ hukum ạḍiń dulạṛeda! Ar goṭa dinge onań ganḍonjoṅ kana.

Kạhtukko 1:5

Ạkilan hoṛ do noa sopolhako ańjomma arko cetʼjoṅ ma. Ar budanko do ańjomkate calakʼ horreko gạkhuṛokʼma.

Kạhtukko 12:23

Budan hoṛ do acʼakʼ bidiạ reaṅ bae lại baṛaea, menkhan bebujko do akoakʼ lelhatetʼko lạṭicʼ baṛaea.

Kạhtukko 15:15

Dukokʼ kankoakʼ do joto dinge bạricʼgetakoa, menkhan kharsalayikʼ do joto dingeye hesecʼ sekrejokʼa.

Kạhtukko 18:15

Okoeyakʼ monre buj menakʼ uni do ạkile hameṭ joṅa, ar ạkilankoakʼ lutur do ạkile ńam baṛaea.

Kạhtukko 9:9

Ạkilan hoṛ solha emaeme, inạkhan arhõ ạkilanicʼe hoyokʼa; Isor botorae hoṛ cetʼaeme, uni do arhõ cecetʼakʼe hameṭjoṅa.

Jesaea 30:10

Onko do ńeńelkoko metako kana, “Dorson do ar alope ńela,” Ar nạbi doko metakokana, “Okaṭakʼ sạrikan ona do ar alope lạiya. Ale ṭhen suk reakʼ katha lạipe; ar okaṭakʼ sạriyakʼ baṅkan onkanakʼko nạbiyalepe.

Jesaea 44:20

Uni do torocʼ jom lekae kạmiya ar uniyakʼ bạulạha akan mon do bạṛicʼ horteye idiyea. Apnarte uni do bae rukhiyạ daṛeakʼa se bae mena, “Ińakʼ jojomti reakʼ niạ jinis do cetʼ eṛeakʼ baṅkana?”

Hosea 12:1

Ephrayim do hoeye jomeda; uni do goṭa din purub reakʼ hoeye khudạueda ar eṛe katha ar bedhorome ḍhereda. Uni do Ạsurrenko sãoteye bondoboseda ar Misor do jạitun reakʼ sunume kolae kana.”

Aposkạmi 17:11

Thessalonikiạren Jihudi khon Beroea nagraharen Jihudikoakʼ mon do bạ̃ṛti soṛage tahẽkantakoa. Onko do khaṛa monte Isorakʼ katha ańjomkateko ataṅkeda. Ar Pạul okae menakatʼ ona do sạri kana se baṅ ona ńel lạgitʼ dinạm hilokʼ sostorko ḍunḍhạuetʼkan tahẽkana.

2 Patras 3:18

Ape do aboren Probhu Isor ar babańcaoicʼ Jisu Mạsiyakʼ daya ar uni reaṅ akelte hara rakabokʼpe. Ńit ar jaejug hạbicʼ uniyakʼge ṭhonok hoyokʼtae ma. Amen.