Kạhtukko 15:13 - সান্তালী বাইবেল

¹³ Ontorre rạskạ tahẽlen khan mẽtʼãhã hõ kusige ńelokʼa, menkhan mon reakʼ bhabnate jiu do talga tạuạgokʼa.

Kạhtukko 15:13 Iomraidhean Croise

Nehemiạ 2:2

Ona iạte raj do ińe metadińạ, “Am ma bacom ruạkʼkan, enḍekhan mẽtʼãhã do cekate mulinge ńelokʼkantama? Noa do amakʼ ontor reakʼ kosṭo chaḍa ar cetʼhõ baṅkana.” Iń do noa katha ańjomkate ạḍiń botorena,

Kạhtukko 12:25

Bạṛicʼ hudis do manawa ontore bạṛijtaea, menkhan udgạu reakʼ katha do manwae rạskạ ocoyea.

Kạhtukko 14:30

Nirại mon do hoṛmo mońje dohoya, menkhan hiskạ do hoṛmoe duk ocoya.

Kạhtukko 15:15

Dukokʼ kankoakʼ do joto dinge bạricʼgetakoa, menkhan kharsalayikʼ do joto dingeye hesecʼ sekrejokʼa.

Kạhtukko 17:22

Rạskạkʼkan ontor do hoṛmo mońje dohoya, menkhan rạputʼ mon do hoṛmoe nosṭo ocoya.

Kạhtukko 18:14

Hoṛakʼ jiu do kạhil ruại sahao daṛeakʼa, menkhan talga tạwạkʼ jiu do okoeye gokʼ daṛeakʼa?

Johan 14:1

“Apeakʼ mon do alo khad badaokʼtape ma. Isorre pạtiạukʼpe ar ińre hõ pạtiạu akae tahenpe.

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

2 Korinthiko 2:7

Menkhan ńitokʼ do ikạkaepe ar jiwi raṛecʼ emaepe, jemon dukte aloe hadosokʼ.

2 Korinthiko 7:10

Isor okaṭakʼ duke emokʼ onate do kại khon mon ạcur ruạṛokʼa ar bańcao ńamokʼa, ar dukokʼ reakʼ cetʼge baṅ tahena. Menkhan dhạrti reakʼ duk do manwakoakʼ morone ạguiyeda.