Kạhtukko 14:32 - সান্তালী বাইবেল

³² Bedhoromicʼ do acʼakʼ bạṛicʼ kạmi iạteye ńurhạ ocokʼa, menkhan dhorom hoṛ do gujukʼre hõ as tahentakoa.

Kạhtukko 14:32 Iomraidhean Croise

Genesis 49:18

“E Probhu Isor, am do unim rukhiyạyea ar ona ńelhor lạgitʼge iń do minạńa.

Jobakʼ 13:15

Ńelpe, uni doe gocʼ giḍikạńre hõ enhõ uni cetanre asiń dohoya; ar khạṭige uni samaṅre coloniń sojhetińa.

Jobakʼ 18:18

Uni do marsal khon ńutteye pharak ocokʼa; ar dhạrti khon doe laga ńir ocokʼa.

Sereńko 16:11

Amge jion reakʼ horkom baḍae ocoakadińạ; cepel cepel rạskạ do am mẽtʼãhã samaṅrege menakʼa, ar amakʼ jojomti secʼ do jaejug reakʼ sukge menakʼa.

Sereńko 17:15

Menkhan iń do am samaṅ jemon bin dusạniń tahẽ daṛeakʼ, gocʼko khoniń ebhen daṛeakʼ ar am ńelte jemoniń rạskạ daṛeakʼ.

Sereńko 23:4

Gujukʼ umul reakʼ lodamreń taṛamlere hõ muhinko reakʼ do bạń botorokʼ kana, ente am do iń sãore menama; ar amakʼ ṭheṅga ar ṭhuṅgrạ do muhin khonkin bańcaoińạ.

Sereńko 37:37

Sạbit hoṛkoakʼ jion secʼ beṅgedme; ar onko dhorom hoṛko ńelkom. Okoe sulukko dulạṛetʼ onkoren bõs doko tahengea.

Sereńko 58:9

Apeakʼ ṭukucʼre seṅgel reakʼ ãc ạuri paṛaokʼrege uni do rohoṛ ar jạnum sahanko birbão hoeteye oṭaṅ idiya.

Sereńko 73:24

Amakʼ solhateyem calaoińạ ar sesre amakʼ ṭhonokreyem ataṅińạ.

Kạhtukko 11:5

Khạṭi hoṛko do Isor botoraeko lạgitʼ sojhe horko benaoa, menkhan bedhoromko do akoakʼ phạsiạratetʼ iạteko maraokʼa.

Kạhtukko 14:33

Okoeyakʼ buj menakʼ onkoakʼ ontorre do ạkil girobasokʼa, menkhan khaṭo budanko do akoakʼ ạkil jạhir lạgitʼko lạhum tạhum baṛaea.

Kạhtukko 24:16

ente dhorom hoṛ do eae dhaoe leńjetʼlenre hõ uni do arhõe beretʼ ruạṛa, menkhan bedhorom hoṛ do ghoṭna iạteko tohotʼ bhindạṛokʼa.

Kạhtukko 5:22

Bedhorom hoṛ do bạṛicʼ kạmi reakʼ jhạlireko paṛaokʼa, uni do apnarakʼ kại babertegeye tol ḍhumbạgokʼa.

Kạhtukko 6:15

Ona iạte ackage uni cetanre muhin do hijukʼa; ar ṭuṅ ghuṛirege uni doe marao utạrokʼa, ar bae beretʼ daṛeakʼa.

Luk 2:29

“E Probhu Isor, amakʼ katha leka amren guti do ńitokʼ suluktem bidạkạń kana,

Johan 8:21

Jisu do arhõ Phạrusikoe metatʼkoa, “Iń doń calakʼkana. Arpe ńam baṛańa, menkhan ape do apeakʼ kạirepe gujukʼa. Ar okateń calakʼkan onḍe do ohope sen daṛelena.”

Johan 8:24

Onateń metapekana, ape do apeakʼ kạirepe gujukʼa. Ar ińkangeạń mente bape pạtiạukʼkan khan apeakʼ kạiregepe gujukʼa.”

Romiko lạgitʼ Pạul Apostolakʼ ciṭhi 9:22

Ṭhik onkage Isor do acʼakʼ edre ar daṛe udug lạgitʼe monejoṅkan tahẽkana; enrehõ okoe hoṛko upạrte acʼakʼ edre sodore menletʼ, onkoakʼ do ạḍi soborikateye sahaoketʼtakoa. Ente onko hoṛkoakʼ kuṛại do moron tahẽkana.

2 Korinthiko 1:9

Alele hudisetʼ tahẽkana, niạ dhao do khạṭigele gujukʼa. Menkhan ona dosa do noa lạgitʼge paṛaoatʼle tahẽkana jemon apnarre bhorsa baṅkate, okoe gocʼkoe jiwetʼ beretʼetʼko, uni Isorre bhorsa akanle tahen.

2 Korinthiko 5:8

Aboakʼ dil do menakʼgea ar hoṛmo oṛakʼ khon pharakokʼte Probhu Isor ṭhen thamgạḍi akanbon kusiyakʼ kana.

Philipiko lạgitʼ Pạul apostolakʼ ciṭhi 1:21

ente iń lạgitʼ jion do hoyokʼ kana Mạsige ar moron do porhotetʼ.

Philipiko lạgitʼ Pạul apostolakʼ ciṭhi 1:23

Banarge iń doe oreń kana. Iń do gujukʼte Mạsi tulucʼ tahen sanań kana, ente ona do artetʼge bhagea.

1 Thessalonikikko 5:3

Ar tinre hoṛko mena, “Suluk hoyakana, botor reakʼ do cetʼge bạnukʼa,” Unre bhạrti hoṛmo akan maejiuko acka bedon rakapʼako leka onko hoṛ doko ḍahao maraokʼa. Ar oka lekate hõ bako rukhiyạ daṛeakʼa.

2Timothi 4:18

Probhu Isor do sanam bạṛicʼakʼ kạmi khone rukhiyạyińạ ar acʼakʼ serma rajreye idi seṭerińạ. Uniyakʼge ṭhonok hoyokʼtaema jug cetan jug. Amen.

Johan sodor 14:13

Ona tayom iń do serma khon mitʼ hoṛ roroṛkaniń ańjomkedea, “Noa katha olme; ńit khon okoe do Probhu Isor tulucʼ kolom mitʼkateko gujukʼkan onko do bhạganko kanako.” Sonot Jiu do noa kathae meneda, “Hẽ, onko doko bhạgangea. Onkoakʼ mehnot khon onko do jirạuko ńama, ente onkoakʼ kạmi reakʼ kuṛại do ako soṅgere tahena.”