Kạhtukko 14:2 - সান্তালী বাইবেল

² Okoe dhoromteye calakʼ uni do Probhu Isore botoraea, menkhan okoe peṛta horteye calakʼ uni doe nihạ̃tea.

Kạhtukko 14:2 Iomraidhean Croise

2 Samuel 12:9

Menkhan Probhu Isorakʼ mẽtʼre oka bạṛicʼakʼkan ona kạmikate cedakʼ uniyakʼ katha dom nihạ̃t akada? Uni Hiti hoṛ Uriạ do tarwaṛetem gocʼ ocokedea ar uniren bạhu do amren bạhu mentem hatao akadea, ar Amonrenko hotetem gocʼ ocoakadea.

1 Rapajko 3:6

Unre Solomone roṛ ruạṛkeda, “Ińren ạpuń amren guti do ḍher pạtiạrem udukʼ akadea, ente uni do amre pạtiạre tahẽkana ar dhorom ar soṛageye tahẽkana. Teheń siṅghạsonre duṛupʼ lạgitʼ am do mitʼṭen hoponem emakawadea ar nonkate amakʼ asambheṛ pạtiạrem udukʼae kana.

2 Rapajko 17:34

Teheń hạbicʼ onko do ona niạmgeko manao ạguiyeda. Onko do Probhu Isor bako sewawae kana, ente Probhu Isor do okoe Jakobakʼ ńutum Israele doholetʼtae uni Jakobren hoponko do Probhu Isorakʼ emakʼ niạmko, hukumko ar ạn-ạriko bako manaoleda.

Jobakʼ 1:1

Kus disạmre Job ńutuman mitʼṭen hoṛe tahẽkana. Uni do bindusạn ar dhorom hoṛgeye tahẽkana. Uni do Isore botorae kan tahẽkana ar bạṛicʼakʼ khon sạṅgińreye tahenkan tahẽkana.

Jobakʼ 12:4

Iń do Isoriń hohoaekan tahẽkana are ańjometʼtiń tahẽkana, enhõ ińren gateko do ińko landa-dhutʼạń kana.

Jobakʼ 28:28

Ona tayom uni do manwae metadea, ‘Probhu Isor botoraege hoyokʼ kana ạkil do, ar bạṛicʼ khon sahaṛokʼge hoyokʼ kana buj do.

Sereńko 112:1

Probhu Isorakʼ sarhao hoyokʼtae ma. Okoe Probhu Isore botoraekan ar uniyakʼ hukum iạteye rạskạkʼkan uni doe bhạgangea.

Sereńko 25:21

Ińakʼ dhorom ar bhage kạmige iń doe rukhiyạyiń ma, ente iń do amregeń bhorsa akana.

Kạhtukko 11:12

Okoe acʼ aḍepaseren hoṛkoe nindạuko uni do ạkil reakʼ okulạn menakʼtaea, menkhan okoeyakʼ buj menakʼ uni do acʼakʼ alaṅe sambṛaoeda.

Kạhtukko 16:17

Bạṛicʼ khon sahaṛ tahenge dhoromkoakʼ hor do; Okoe hoṛ acʼakʼ jion reakʼ hor secʼe moneyakʼ uni do acʼakʼ jiwiye rukhiyạitaea.

Kạhtukko 16:6

Pạtiạr ar sạriyakʼtetʼ hotete bedhorom do pharakokʼa; Probhu Isor botorae hoṛ do bạṛicʼ khone sahaṛokʼa.

Kạhtukko 19:1

Okoe khaṭo hudisan hoṛ peṛta kathae roṛ uni khon uni reṅgecʼ hoṛgeye bhagea one okoe do sạriyakʼreye dãṛãnkan.

Kạhtukko 2:15

ar okoe do konḍeya ar bạṛicʼ horteko calakʼkan.

Kạhtukko 28:6

Kisạ̃ṛ hoṛ peṛta horteye calakʼ khon uni reṅgecʼ hoṛgeye bhagea one okoe do bin dusạnteye dãṛãnkan.

Sosolhayic̕ 12:13

Kathako reakʼ mucạtʼ do nokʼõe; tobe ses katha do hoyokʼkana, Isor botoraeme ar uniyakʼ hukumko dohoyme; ente noa kangea manwakoakʼ dạyik do.

Luk 10:16

Jisu do arhõ celakoe metatʼkoa, “Okoe apeakʼ kathako ańjometʼkan onko do ińakʼ kathageko ańjomeda. Okoe apeko nihạ̃tetʼpe onko do ińgeko nihạ̃tediń kana. Ar okoe ińko nihạ̃tedińkan onko do kol akadińicʼgeko nihạ̃tedekana.”

Luk 16:14

Ado noako katha ańjomkate Phạrusiko do Jisu siṛogaeko ehopʼena, ente onko do ṭaka-poesage bạ̃ṛtiko dulạṛetʼ tahẽkana.

Aposkạmi 10:22

Onko hoṛko menkeda, “Subedar Korneliusge ale doe kolakatʼlea. Uni do mitʼṭen dhorom ar Isor bhokti hoṛ kanae. Ar sanam Jihudikoge uniko sarhaoede kana. Isorren mitʼṭen goḍet do uniye hukumade tahẽkana jemon acʼakʼ oṛakʼte ame hoho idi ocomete amakʼ kathakoe ańjomtam.”

Aposkạmi 10:35

Ar mimitʼ jạtrenko mod khon okoe do uniko botoraekan ar uniyakʼ mẽtʼãhã samaṅre dhoromko kạmikan uni do onkoe ataṅkoa.

Aposkạmi 9:31

Ona oktere Jihudạ, Gạlil ar Samariạ disạm reakʼ manḍerkore do suluk tahẽkana, ar ona manḍerko benao rakabokʼkan tahẽkana. Onate Probhu Isor botoraete ar sonot Jiu reakʼ uskurte onko doko saṅge idikʼkan tahẽkana.