Kạhtukko 14:17 - সান্তালী বাইবেল

¹⁷ Naseyakʼte raṅgaokʼ hoṛ do lelhayicʼ lakae kạmiya, menkhan bujhạntar hoṛ doe jiwi hataṛa.

Kạhtukko 14:17 Iomraidhean Croise

Kạhtukko 14:29

Okoe usạrate bae raṅgaokʼ uni doe budan hoṛkana, menkhan usạrate raṅgao godokʼicʼ do lelha hoṛ lekanae.

Kạhtukko 29:22

Edrekʼ hoṛ do jhogṛae salgaoa, ar etaṅ cạndi hoṛ do ạḍiye ghạṭa.

Jakob 1:19

Ińren dulạṛiạ boehako, ińakʼ noa katha hetawakʼtińpe, ape mimitʼko ańjom lạgitʼ gagojokʼpe, menkhan usạrate katha alope roṛgoda se alope raṅgao godokʼa;

Sosolhayic̕ 7:9

Amakʼ mon do alom kạhĩs ocoytama, ente kạhĩs do bebujkoakʼ koṛamre gạḍiạu akan tahena.

Kạhtukko 15:18

Raṅgaokʼ hoṛ do jhogṛakʼgeko ehoba, menkhan bae raṅgao hodokʼicʼ do jhogṛae thir ocoya.

Kạhtukko 22:24

Ṭheṭa hoṛ sãote do alogem gatekʼa; ar okoe usạrateye raṅgao hodokʼ uni sãote hõ alom soṅgekʼa.

Kạhtukko 16:32

Okoe usạrate bae raṅgao hodokʼ uni do lạṛhại bir khon hõe bhagegea; okoe nagrahae hatetʼkan ona khon okoe apnare sambṛaokʼkan unigeye bhagea.

Jesaea 32:7

Bodmaskoakʼ kạmi do bạṛicʼgetakoa; nacarkoakʼ nehõr hok reakʼ kanrehõ onko do eṛe kathate maraoko lạgitʼ bạṛicʼakʼ phundiko aṭaoa.

Kạhtukko 12:16

Bebuj hoṛakʼ khĩs do baḍae godokʼa, menkhan budan hoṛ do opoman bae moneyakʼ kana.

Kạhtukko 12:2

Bhage hoṛ do Probhu Isor ṭhen khon dayako ńama, menkhan okoe bạṛicʼe phundikan uni do Probhu Isor dusi menteye ṭarhaoea.

Kạhtukko 6:18

bạṛicʼ motlobe aṭaoyetʼkan mon, behokakʼ kạmi lạgitʼ ńir calakʼkan jaṅga,

Ester 3:6

Ar Mordekayakʼ jạt reaṅe baḍaeketʼ khan uni goje do huḍiń bisoegeye metatʼa. Ona bodolte uni do mitʼṭecʼ pontha sendraye ehopʼena jemon Ahasberosakʼ goṭa rajosṭi khon Mordekairen hoṛko, metakʼme Jihudikoe marao cabako.

2 Rapajko 5:12

Damesek reakʼ Abana ar Parpar gaḍa dakʼ do cetʼ Israel reakʼ sanam gaḍa dakʼko khon baṅ sorosgea? Iń do cetʼ onḍe umkate bạń sapha daṛekokʼa?” Ar niạ menkate uni do raṅgaoteye ruạṛ calaoena.

Kạhtukko 14:16

Ạkilan hoṛ doe sontorokʼa ar bạṛicʼ khone sahaṛokʼa, menkhan bebuj hoṛ do acʼ cetanre pạtiạue dohoya ar bae sontorokʼa.

Kạhtukko 14:18

Khaṭo budan hoṛko do lelhawakʼko kạmiya, ar bujhạntar hoṛ do bidiạteko dạhṛikʼa.

Kạhtukko 20:3

Jhogṛa ar kạphạriạue bạgiyakʼ hoṛ do manote ńama; ar khaṭo bibekan hoṛ do jhogṛakʼ lạgitʼ sapṛaoe tahena.