Kạhtukko 14:14 - সান্তালী বাইবেল

¹⁴ Bepạtiạr hoṛ do akoakʼ beboharteko tirpitokʼkana, menkhan bhage hoṛko do apnarakʼ beboharte bạ̃ṛtiko tirpitokʼkana.

Kạhtukko 14:14 Iomraidhean Croise

Sereńko 109:17

Onko do sarap emokʼko kusiyakʼa, Onate ona ạsis do ako cetanrege paṛaoena; ar bhorako lạgitʼ do mońj bako ạikạua, onate bhor do onko khon sạṅgińte calaoena.

Kạhtukko 12:14

Manwa do acʼakʼ katha hotetege bhạlạiteye perecʼ daṛeakʼa, ar uniyakʼ kạmi lekate uni do joe ńama.

Kạhtukko 12:21

Dhorom hoṛkoakʼ jionre bạṛicʼakʼ do baṅ hoyokʼa, menkhan bedhoromkoakʼ jionre bạṛicʼakʼte perecʼ tahena.

Kạhtukko 14:10

Mon do apnarakʼ haṛhatʼe baḍaekana; menkhan am ar iń do ona reakʼ rạskạre balaṅ seletʼ daṛeakʼa .

Kạhtukko 14:15

Lelha hoṛ do sanam kathageko pạtiạukʼa, menkhan sontorokʼ hoṛ do bud salakʼe taṛama.

Kạhtukko 18:20

Manwa do acʼakʼ katha hotete oka joe ńam onate uniyakʼ ontor do perejokʼtaea; ar acʼakʼ katha iạte okae ńam onategeye kusikʼa.

Kạhtukko 9:12

Ạkilanicʼem hoyokʼ khan amakʼ lab hoyokʼtama, menkhan landa dhutʼicʼem hoylen khan eskarge kosṭom ńama.”

Jirimiạ 17:5

Probhu Isore meneda, “Okoe hoṛ manwa cetanreye bhorsakʼkan ar acʼakʼ daṛere pạtiạue dohoyetʼte ińre mon bạnukʼtae uni doe sarapanicʼ kana.

Jirimiạ 2:19

Am do amakʼ bạṛicʼakʼgeye sạjạimea; ar bạṛicʼ hortem calao akante uni do ame dusimea. Enḍekhan baḍaekakʼme ar hudiskate ńelme, amren Probhu Isorem bạgi giḍiyae ar uni bam botorae ona do am lạgitʼ tinạkʼ bạṛicʼakʼ ar haṛhatʼakʼge hoyokʼa. Noa katha do iń phạdkoren Probhu Isorgeń meneda.

Jirimiạ 8:5

Menkhan Jerusalemren hoṛ do bạṛicʼ horte senkate cedakʼ bako ruạṛ hijukʼkana? Onko do eṛeyakʼko sapʼ kajak akawana; ar ruạṛ hijukʼ do bako rebenkana.

Jeheskel 22:31

Onatege ińakʼ edre do onko cetanreń dultińạ ar onkoakʼ colon reakʼ kuṛại do onkoakʼ bohokʼ cetanreń paṛao ocoya ar ińakʼ jolokʼkan edrete onkoń jeretʼ giḍikoa. Iń Probhu Isorge noa katha doń meneda.”

Hosea 4:16

Israelko do keṭecʼ hoṭokʼan gại leka kanako. Onate ṭạnḍiren bhiḍi hoponko leka Probhu Isor do cekateye gupikoa?

Sephaniạ 1:6

Ar okoe Probhu Isor tayom khonko ruạṛakan ar uniyakʼ sanaleka bako calakʼkan ar uniyakʼ sana baḍaejoṅ bako khojkan onko hõń marao giḍikoa.”

Johan 4:14

Menkhan iń oka dakʼiń emokʼ, ar okoe onae ńũi uni do tisge oho tetaṅlea. Ona dakʼ do uniyakʼ ontorre jaejug jion lạgitʼ bhumbukokʼkan dakʼ jharna leka hoyokʼa.”

2 Korinthiko 1:12

Ale oka lạgitʼle sarhaokʼkan ona do noage, aleakʼ bibek do noa gohae emeda je, Isor reakʼ sonot ar soṛatetʼ iạte ale do sanam manwako talare, bạ̃ṛtikaete ape talare jionle khemao akada. Ar ona jion do jel reakʼ akelte do baṅ bickom Isorakʼ daya reakʼ ạyurtele khemao akada.

Galathiko lạgitʼ Pạul Apostolakʼ ciṭhi 6:4

Mimitʼ hoṛ do akoakʼ kạmiko biḍạuma. Enḍekhan eṭakʼko sãote apnar aloko jurikʼma bickom acʼakʼ kạmi iạteye sarhaokʼma.

Galathiko lạgitʼ Pạul Apostolakʼ ciṭhi 6:8

Okoe acʼakʼ jel lạgitʼe era; uni do jel khonakʼ maraoakʼgeye irạ. Menkhan sonot Jiu lạgitʼe er khan uni do jaejug jiongeye ir joṅa.

Ibriko 3:12

E boehako, sontor akae tahenpe! Ape modre okoeyakʼ monrehõ bạṛicʼ ar bepạtiạu jemon alo tahen. Nonkan mon do jiwetʼ Isor khon pharakokʼa.