Kạhtukko 14:11 - সান্তালী বাইবেল

¹¹ Bạṛicʼkoakʼ oṛakʼ do jarkharokʼtakoa, menkhan dhorom hoṛkoakʼ tạmbu do arhõ lạṭu idikʼa.

Kạhtukko 14:11 Iomraidhean Croise

Jobakʼ 15:34

Isor baṅ botoraekan hoṛren do cele gidrạge bako tahena; onkoakʼ ghus reakʼ oṛakʼ duạr do seṅgelte maraokʼtakoa.

Jobakʼ 18:21

Bạṛicʼ hoṛkoakʼ tahen ṭhạ̃i do sạrige mitʼ lekan getakoa; ar okoe Isor bae baḍae akade uniyakʼ dosa hõ nonkage hoyokʼa.”

Jobakʼ 21:28

Apepe meneda, ‘okayena uni kisạ̃ṛ hoṛakʼ oṛakʼ do? Okor okaeyena uni bedhorom hoṛakʼ tạmbu do?’

Jobakʼ 8:15

Onareye ṭenḍarlen khan ona do rạpudokʼtaea, ar onareye sapʼ kajakokʼ khan enḍekhan ona do bae sapʼ ṭarhao daṛeakʼa.

Jobakʼ 8:22

Okoe ińko hirkhạwạń onko doko lajao ocokʼa; bạṛicʼkoakʼ tạmbu do ar baṅ tahena.”

Jobakʼ 8:6

am do khạṭi ar dhoromem tahen khan enḍekhan uni do ńitgeye beṅgetʼama ar amakʼ dhorom ṭhạ̃ire arhõe duṛupʼ ruạṛmea.

Sereńko 128:3

Amakʼ oṛakʼ reakʼ bhitri kandhare amren bạhu do jote perecʼ darkha nạ̃ṛĩ lekae hoyokʼa; ar amakʼ jomakʼ ṭebil beṛhaete amren gidrạko do Jạitun dare reakʼ cara lekako hoyokʼa.

Sereńko 37:10

Ar thoṛa ghạṛicʼ khange bạṛicʼko doko marao utạrokʼa; ar ńam baṛalekore hõ onko do bako sendra ńamokʼa.

Kạhtukko 11:28

Okoe acʼakʼ dhonreye bhorsakʼkan uni doe gujukʼa, menkhan dhorom hoṛ do hạriạṛ ghãs leka purṭhại hoyokʼa.

Kạhtukko 12:7

Bedhoromko doko marao utạrokʼa, onkoakʼ bõsko do baṅ tahena, menkhan dhorom hoṛkoakʼ bõsko do ṭikạu tahena.

Kạhtukko 15:25

Probhu Isor do bạḍạikoakʼ oṛakʼe rạputʼeda, menkhan rạnḍi ar dukhikoakʼ simạ doe ṭarhao aroeya.

Kạhtukko 21:12

Dhoromicʼ Isor do bedhoromicʼakʼ oṛakʼe ạri bạndhiyeda; ar onko bedhoromkoe marao giḍiyetʼkoa.

Kạhtukko 21:20

Budankoakʼ oṛakʼre do damanakʼ dhon ar mahkaokʼ sunum tahena, menkhan bebuj hoṛ do onae ublạ ḍublạ cabaya.

Kạhtukko 3:33

Bạṛicʼ hoṛkoakʼ oṛakʼre Probhu Isorakʼ sarap tahena, menkhan Isor botoraekoakʼ oṛakʼ doe bhor atakoa.

Sakariạ 5:4

Phạdkoren Probhu Isore meneda, ‘iń do ona sarapiń kola ar ona do kombṛokoakʼ oṛakʼre ar okoe iń ńutumte eṛe eṛeko kiriạkʼkan onkoakʼ oṛakʼte senkateye bolokʼa ar onkoakʼ oṛakʼ reakʼ kaṭ ar dhiri sudhại jarkhartakoa.”