Kạhtukko 13:14 - সান্তালী বাইবেল

¹⁴ Ạkilan hoṛakʼ cecetʼakʼ do jion reakʼ jharna leka; moron reakʼ pạsiko khon sahaṛokʼ lạgitʼ.

Kạhtukko 13:14 Iomraidhean Croise

Sereńko 116:3

Gujukʼ reakʼ baberte iń do toliń tahẽkana, ar patal puri reakʼ jaljalaokʼreń paṛaolena; iń do duk ar kosṭoreń tahẽkana.

Sereńko 18:5

Ar patal puri reakʼ barahikoteń tolakana, gujukʼ reakʼ pạsi do iń lạgitʼ oḍao tahẽkana.

Kạhtukko 10:11

Dhorom hoṛakʼ moca do jion reakʼ jharna leka, menkhan bedhorom hoṛakʼ mocare do jor bojorge oko tahena.

Kạhtukko 14:27

Dhorom do jion reakʼ jharna kana; moron reakʼ jhạliko khon paskaokʼ lạgitʼ.

Kạhtukko 15:24

Budan hoṛakʼ jion reakʼ hor do cetan secʼe idiya, ar onate uni do patal puri khon rukhiyại ńama.

Kạhtukko 16:17

Bạṛicʼ khon sahaṛ tahenge dhoromkoakʼ hor do; Okoe hoṛ acʼakʼ jion reakʼ hor secʼe moneyakʼ uni do acʼakʼ jiwiye rukhiyạitaea.

Kạhtukko 16:22

Ạkil do jion reakʼ jharna kana okoeyakʼ buj menakʼtae; ar orlo hoṛ do acʼakʼ lelhatetʼtegeye sạjạiyokʼkana.

Kạhtukko 16:6

Pạtiạr ar sạriyakʼtetʼ hotete bedhorom do pharakokʼa; Probhu Isor botorae hoṛ do bạṛicʼ khone sahaṛokʼa.

Kạhtukko 9:11

Buj doe menede, “Iń hotete am do ḍher dinem bahaokʼa, ar bochor reakʼ dinkoge juṭucʼama.

1 Samuel 25:33

Amakʼ buj do sarhaokokʼ ma, ar am hõ bhoranicʼ baṛe hoyokʼme, ente teheń am do ińakʼ tite mãyãmiń joro ocoy ar hala hạlikʼ khonem rukhiyạkedeńạ.