Kạhtukko 12:1 - সান্তালী বাইবেল

¹ Okoe hoṛ ḍanṭaoe kusiyakʼ uni do ạkile dulạṛeda, menkhan okoe samka sạṭi reakʼ kathae kurudakʼ uni doe orlogea.

Kạhtukko 12:1 Iomraidhean Croise

Sereńko 119:27

Amakʼ ạn ạri reakʼ hukumko bhujhạu reakʼ daṛe baṛe imạńme; enḍekhan iń do amakʼ hahaṛa kạmiko reaṅiń ganḍon daṛeakʼa.

Sereńko 141:5

Mitʼṭen Isor botorae hoṛ do ińe daleńma, onage ińakʼ pạtiạrtetʼ do hoyokʼa. Uni do ińe egerińma, ar ona do ińakʼ bohokʼre sunum ojokʼ akatʼ leka hoyokʼa; ińakʼ bohokʼ do ona aloe baṅakʼma. Menkhan ińakʼ koejoṅ do jaoge bedhoromkoakʼ kạmi upạrte tahena.

Sereńko 32:9

Sadom se gadha leka do alope hoyokʼa one onko do bujhạu reakʼ daṛege bạnukʼtako; onko do mocare jhinkatege kạbuko hoyokʼa, ar baṅkhan ape ṭhen do bako sorokʼa.

Sereńko 50:17

Am ma ińakʼ ḍanṭaoem hirkhạwakʼ kan ar ińakʼ katha ma bam moneyakʼkan.

Sereńko 92:6

Orlo hoṛ do ona bae baḍae daṛeakʼa; ar bebuj hoṛ hõ ona do bae bujhạu daṛeakʼa.

Kạhtukko 10:8

Okoeyakʼ ontorre ạkil menakʼ uni do hukume bataoa, menkhan bok bokaokʼkan bebuj hoṛ doe maraokʼa.

Kạhtukko 11:31

Noa dhạrtirege Isor botoraekan hoṛ do kuṛạiko ńam khan, enḍekhan bedhorom ar kạiyanko do khạṭige akoakʼ kuṛạiko ńamgea.

Kạhtukko 12:2

Bhage hoṛ do Probhu Isor ṭhen khon dayako ńama, menkhan okoe bạṛicʼe phundikan uni do Probhu Isor dusi menteye ṭarhaoea.

Kạhtukko 15:10

Okoe ṭhik horko bạgiyakʼ onko lạgitʼ do sạjại menakʼa; ar okoe nisṛạue kurudakʼkan uni doe gujukʼa.

Kạhtukko 18:1

Okoe hoṛ apnarte somaj khon begare tahenkan uni do acʼakʼ sana purạutae lạgitʼe kurumuṭuiya, ar mitʼke mitʼ sạri ạkil tulucʼe jhogṛakʼa.

Kạhtukko 30:2

Sạrige iń doń manwa kanrehõ ińakʼ bud do janwar leka; manwawakʼ oka bud menakʼ ińakʼ do ona hõ bạnukʼa.

Kạhtukko 8:17

Okoe ińko dulạṛedeńkan onko do iń hõń dulạṛkoa; okoe goṭa ontorteko ńam baṛayedeńkan onko do ińko ńameńa.

Kạhtukko 8:32

“E bạbu, ńitokʼ ińakʼ katha ańjomme; okoe ińakʼ horteko calakʼkan onko doko bhạgangea.

Kạhtukko 8:36

Menkhan okoe iń bae ńameńkan uni do acʼgeye bạṛijokʼ kana; ar okoe ińko kurudạńkan onko sanamko do gujukʼko dulạṛa.”

Jesaea 1:3

Ḍaṅgra do acʼren kisạ̃ṛe oromedea, gadha hõ acʼren mạlikakʼ nandware oromeda, menkhan Israel do acʼren mạlik bae baḍaeyede kana, ar ińren hoṛ hõ iń do bako bujhạu edeńkana.”

2 Thessalonikiko 2:10

Ar nosṭokʼkan horte laha akan hoṛko bulạuko reakʼ joto lekan bulạuakʼ hotete, noko hoṛ doko maraokʼa, ente kại khon bańcao ńam lạgitʼ sạriyakʼtetʼ do bako dulạṛ akada ar ataṅ hõ bako ataṅ akada.