Kạhtukko 11:29 - সান্তালী বাইবেল

²⁹ Okoe acʼakʼ gharońjre bạṛicʼakʼe ạguiyetʼ unire do hoe chaḍa ar cetʼge baṅ tahena; ar bebujko do ạkilan hoṛren golamko hoyokʼa.

Kạhtukko 11:29 Iomraidhean Croise

Genesis 34:30

Jakob do noa tayom Simeon ar Liwiye metatʼkinạ, “Aben do noa disạmren hoṛko ṭhen, bạ̃ṛtikaete Kananrenko ar Pherisiko ṭhen sĩṛĩcʼge ben so ocokedeńte muhinre ben paṛao ocokedińa. Aboren hoṛ doko thoṛagea. Onko do jarwa mitʼkate abo cetanre jhãpko ema, ar onate iń do gharońj sudhạń meṭao utạrokʼa.”

Kạhtukko 14:19

Bạṛicʼ hoṛko doko tabekʼa bhage hoṛko samaṅre, ar phạsiạrko doko tabekʼa Isor botorae hoṛko ṭhen.

Kạhtukko 15:27

Lalociạ hoṛ do acʼakʼ gharońjre duke ạguiya, menkhan okoe hoṛ ghuse hirkhạwakʼ uni do jione ńama.

Sosolhayic̕ 5:16

Niạ hõ ạḍi duk reakʼ bepar kana, manwa cetʼlekae hijukʼ onkage ruạṛ calakʼ hoyokʼtaea; onate uniyakʼ lab do cetʼtae? Uni do hoe lạgitʼgeye khaṭaokʼ kana.

Hosea 8:7

“Onko do hoegeko era ar sesre do hoe bharḍoko irạ. Phosol reakʼ gelere do jãhãn danage bạnukʼa; ona khon holoṅ do ohoge ńamlena. Ar onare jãhãnakʼge hoyokʼ ona do bidisiạ hoṛgeko jom cabaea.

1 Samuel 25:17

Ado ma hudisme am do ńitokʼ cetʼem cekaea, ente aleren kisạ̃ṛ ar uniren sanam hoṛko cetanre bạṛicʼakʼ do niṭ akana. Menkhan aboren kisạ̃ṛ do mitʼṭen bodmejaji hoṛ kanae, uni do okoeyakʼ kathage bae ańjoma.

1 Samuel 25:3

Uni hoṛakʼ ńutum do Nabal ar uniren bạhuttetʼakʼ ńutum do Abigael tahẽkana. Maejiu do budan ar ńelokʼte hõ napaegeye tahẽkana, menkhan uniren jãwãetetʼakʼ beohar do corcoṭaṅ ar bạṛicʼge tahẽkantaea. Uni do Kaleb bõsren hoṛe tahẽkana.

1 Samuel 25:38

Ar Probhu Isorakʼ sạjại do gel din tayom Nabal cetanre pheḍ hecʼen khan uni doe gocʼena.