Kạhtukko 11:28 - সান্তালী বাইবেল

²⁸ Okoe acʼakʼ dhonreye bhorsakʼkan uni doe gujukʼa, menkhan dhorom hoṛ do hạriạṛ ghãs leka purṭhại hoyokʼa.

Kạhtukko 11:28 Iomraidhean Croise

Sereńko 1:3

Uni do ạtukʼ dakʼ aṛere rohoe akan dare leka kanae, one ona do okte nạpitre jokʼkan, ar ona reakʼ sakamko hõ baṅ tolmojokʼ; uni do jotowakʼ kạmiregeye jo bahakʼkana.

Sereńko 62:10

Ape do jor julumre alope bhorsakʼa; ar ona luṭakʼre as alope dohojoṅa; ar baḍhaokʼkan dhonre mon hõ alope gaḍaotapea.

Kạhtukko 10:15

Kisạ̃ṛkoakʼ dhon do pạcriteko esetʼ akatʼ nagraha lekana.

Jesaea 60:21

Unre amren sanam hoṛ do dhoromko hoyokʼa; onko do jaejug lạgitʼ disạmko ạidạrijoṅa. Onko do ińakʼ tite, rohoe akan kahle kanako, onko hotetege ińakʼ mạhima do sodorokʼa.

Jirimiạ 17:8

Uni do dakʼ aṛere rohoe akan dare lekanae one ona reakʼ rehetʼ do gaḍa hạbicʼ ạtiń senokʼkan. Setoṅ din hecʼlenre uni do bae botorokʼa; uniyakʼ sakam do jao okte hạriạṛge tahentaea. Akal bochorre hõ bae dạndikʼa ar jao oktegeye jo bahakʼa.

Luk 12:20

Menkhan Isor do uniye metadea, ‘E bebuj, teheń ńindạge am dom gujukʼa. Enḍekhan onem doho jarwa akatʼ dhon do okoeyakʼ hoyokʼa?’ ”

1Timothi 6:17

Noa puriren kisạ̃ṛko hukumakome jemon onko do aloko usul monokʼ ar nasaokʼ dhonre aloko bhorsakʼ, menkhan Isorrege bhorsa akaeko tahenma. Unige mạṅgnite jotowakʼe kulạu anṭao abon kana rạskạte beoharjoṅ lạgitʼ.