Kạhtukko 11:20 - সান্তালী বাইবেল

²⁰ Okoekoakʼ ontor peṛtage Probhu Isor do onkoe kurudako kana, menkhan khạṭi jion khemaoko cetanre doe kusikʼkana.

Kạhtukko 11:20 Iomraidhean Croise

1 Bõsbudạ 29:17

E ińren Isor, ińiń baḍaea, am do ontorem biḍạu aṭkaretʼkana ar dhorom iạtem kusikʼkana. Noako jinis do mon ar ontor khon kusiteń em akatʼmea. Ar ńitokʼ do ona ńelteń rạskạkʼ kana, amren hoṛko okoe do nonḍe menakʼko onko hõko kusikʼkana.

Sereńko 101:4

Ińakʼ ontorre phẽpṛa mon do bạń dohoya; bạṛicʼko sãote jãhãn helmel hõ baṅ tahentińạ.

Sereńko 11:7

Probhu Isor doe dhoromgete dhorom reakʼ kạmikoe dulạṛetʼkana; ar okoeko khạṭige onko do uniko ńelea.

Sereńko 119:1

Bhạgangeako onko do, okoe sạbitko colonetʼkan ar Probhu Isorakʼ hukum lekako calakʼkan.

Sereńko 140:13

Dhorom hoṛ do khạṭige amko sarhaomea, ar ontorre khạṭi hoṛ do am samaṅreko girobasokʼa.

Sereńko 51:6

Am do ontorre sạriyakʼ ńeljoṅem khojkana; ar amge ińakʼ ontor reakʼ khạndritetʼre ạkilem cetʼạń kana.

Kạhtukko 11:21

Khạṭigepe baḍaea bedhorom hoṛko do sạjạiko ńamgea, menkhan dhorom hoṛ doko bańcaokʼa.

Kạhtukko 12:22

Eṛeyicʼakʼ mẽtʼãhã Probhu Isor doe kurudakʼ kana, menkhan pạtiạrte kạmikan hoṛ do uniren rạskạ reakʼ kanako.

Kạhtukko 13:6

Isor botorae do dhorom hoṛe rukhiyạyea, menkhan bedhorom do kại hoṛakʼ jarkhare ạguiya.

Kạhtukko 14:9

Bebuj hoṛ acʼakʼ kạiye aṅgoctae do nichokokʼ lekae bujhạua menkhan bhage hoṛ do samgekʼgeye bạsutakʼ kana.

Kạhtukko 15:26

Probhu Isor do bạṛicʼ monsubạkoe hirkhạwakʼ kana, menkhan bhạlại reakʼ kathako do uniyakʼ mẽtʼre khạṭigea.

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

Kạhtukko 16:17

Bạṛicʼ khon sahaṛ tahenge dhoromkoakʼ hor do; Okoe hoṛ acʼakʼ jion reakʼ hor secʼe moneyakʼ uni do acʼakʼ jiwiye rukhiyạitaea.

Kạhtukko 21:29

Bedhorom hoṛkoakʼ mẽtʼãhãre jãhãn lajao do baṅ ńelokʼa, menkhan dhorom hoṛ do acʼakʼ jion horre taṛam lạgitʼe khạṭigea.

Kạhtukko 3:32

ente Probhu Isor do konḍea horte calakʼ hoṛ doe kurudakoa, menkhan khạṭi ontorren hoṛko tulucʼ do helmele dohoyeda.

Kạhtukko 6:14

mon reakʼ phẽpṛa iạte sanam ghạṛicʼ bạṛicʼakʼ phundiye aṭaoa uni do reṭepeṭe reakʼ itạgeye er idiyeda.

Kạhtukko 8:13

Probhu Isor botorae do bạṛicʼakʼ kurudakʼge; bạḍại, ṭenḍosokʼ, bạṛicʼ beohar ar peṛta katha iń doń kurudakʼ kana.

Kạhtukko 9:7

Landa dhutʼ hoṛ ṭhen okoe milimisiạ lạgitʼe calakʼ uni doe lajao ocokʼa; bạṛicʼ hoṛkoakʼ dos okoeye ńambaṛae bạṛicʼ hoṛ do unigeye dusiyea.