Kạhtukko 10:24 - সান্তালী বাইবেল

²⁴ Bedhorom hoṛ do okako botorakʼ onaregeko paṛaokʼa, menkhan Isor botoraekoakʼ khojogokʼa do purunokʼtakoa.

Kạhtukko 10:24 Iomraidhean Croise

Jobakʼ 15:21

Uniyakʼ luturre do torasge bajaokʼkana; ar jotowakʼge mońjge calakʼkana mente tireye hudisa unre luluṭko do uni cetanre jhãpko ema.

Jobakʼ 3:25

Okań botorakʼ kan tahẽkan onage hecʼ paṛao akawạdińa; ar oka hoyokʼ reakʼ iń botorokʼkan tahẽkan onage ińre hoyakana.

Sereńko 145:19

Okoe uniko botoraekan onkoakʼ monejoṅakʼ doe purạuetʼtakoa; ar goṛowako lạgitʼ onkoakʼ rakʼ ańjomte onkoe rukhiyạyetʼkoa.

Sereńko 21:2

Am do uniyakʼ monsubạm purạu akatʼtaea, ar moca reakʼ katha hõ bam dea giḍi akada. (Sela)

Sereńko 37:4

Probhu Isor iạte hulạsokʼme; amakʼ mon reakʼ sana do unigeye purạutama.

Kạhtukko 1:26

Unre apeakʼ maraokʼ ńelte iń doń landaya, ar muhinrepe paṛaolenre apeakʼ tamasań ńela.

Kạhtukko 1:27

Muhin do birbão leka apere hecʼlenre, ar hoedakʼ lekae oṭaṅ idilepere, gạr ar dukrepe unumlenre, unre iń do tamasań ńela.

Kạhtukko 15:8

Bedhoromkoakʼ jotowakʼge Probhu Isor doe hirkhạwakʼa, menkhan khạṭi hoṛkoakʼ koejoṅte uni doe kusikʼkana.

Jesaea 66:4

Onate iń do onko cetanre sạjạiyiń ạguiya ar onko okaṭakʼko botorakʼ onage onko cetanreń paṛao ocoya, ente ińiń hoholetʼre okoege bako goṅledeńa, ar kathań roṛletʼre hõ okoege bako ańjomletʼtińạ. Onko do ińakʼ mẽtʼre oka bạṛicʼakʼkan onageko kạmikana, ar okaṭakʼteń edrekʼ onageko bachao joṅkana.”

Jeheskel 11:8

Okaṭakʼ tarwaṛepe botorakʼ kan ona tarwaṛege ape upạrteń ạguiya.

Daniel 4:28

Noako sanam do Nebukadnesar raj cetanre paṛaoena. Ar gelbar cando tayom tinre uni do Babelre raj doṅgol reakʼ chatreye dãṛãbaṛae kan tahẽkana unreye menkeda, “Ińakʼ maraṅ daṛe hotete ar ińakʼ ṭhonok sodorokʼ lạgitʼ raj naṅgraha lekate okań benao akatʼ ona do cetʼ noa maraṅ Babel do baṅkana?”

Mathae 5:6

Mon ar ontorte Isorakʼ sanaleka calakʼkogeko bhạgana, ente onkoakʼ monejoṅakʼ do purạukʼtakoa.

Johan 14:18

“Bạń ṭũạr oṭokapea; iń do ape ṭheniń hijukʼa.

Johan 16:24

Ape do ńit hạbicʼ iń ńutumte jãhãnakʼge ạuripe koea. Koepe, adope ńama jemon apeakʼ rạskạ purạukʼtape.

Ibriko 10:27

bickom eken bicạr reakʼ botoranakʼ ghuṛi ar Isorren bạiriko lo torocʼko leka jolokʼkan edrege ńelhor akae tahen hoyokʼa.