Kạhtukko 10:17 - সান্তালী বাইবেল

¹⁷ Ḍanṭaoicʼ do jion reakʼ horteye calakʼkana, menkhan nisṛạue phesṛaoetʼkan hoṛ doe sen adokʼa.

Kạhtukko 10:17 Iomraidhean Croise

2 Bõsbudạ 25:16

Nạbiyakʼ katha ạuri mucạdokʼrege raj do uniye metadea, “Ale do cetʼ rajren sosolhayicʼ menkate amle bahal akatʼmea? Thirokʼme, ar baṅ khan am dom gocʼ ocokʼa.” Onate nạbi doe thirena, ar enhõe menkeda, “Ińiń baḍaea, am do noam kạmi akada ar ińakʼ sopolha bam luturatʼte Isor do ame maraome lạgitʼe goṭa akada.”

Kạhtukko 1:30

Ona iạte onko do ińakʼ solha hõ bako ataṅleda, samka sạṭikʼ lạgitʼ okań menletʼ ona do jaṅgateko lebetʼ gańjaokeda;

Kạhtukko 12:1

Okoe hoṛ ḍanṭaoe kusiyakʼ uni do ạkile dulạṛeda, menkhan okoe samka sạṭi reakʼ kathae kurudakʼ uni doe orlogea.

Kạhtukko 15:10

Okoe ṭhik horko bạgiyakʼ onko lạgitʼ do sạjại menakʼa; ar okoe nisṛạue kurudakʼkan uni doe gujukʼa.

Kạhtukko 15:32

Okoe hoṛ ḍanṭao bae bạsutakʼ kan uni do apnargeye nihạ̃tokʼa. Menkhan nisṛạu ańjomicʼ do bae hameṭ joṅa.

Kạhtukko 29:1

Jaoge nisṛạu reakʼ katha ańjomkate hõ okoe hoṛ hoṭokʼ keṭecʼgeye dohokatae uni do ackageye jarkharokʼa; ar bae teṅgo ṭarhao daṛeakʼa.

Kạhtukko 3:18

Okoe uniye sabe onko ṭhen do jion dare leka; ar okoe unireko sapʼ kajak akae tahen onko do bhorko ńama.

Kạhtukko 4:13

Solha sapʼ dohoyme, alom bạgiyakʼa; ona rukhiyạime, ente onage amakʼ jion kana.

Kạhtukko 4:4

Unre iń baba doe cetʼạń tahẽkanteye menetʼ tahẽkana, “Amakʼ goṭa ontorte ińakʼ kathako sapʼ dohokakʼme; ar ińakʼ hukumko dohoyme, onate jiwetʼem tahena.

Kạhtukko 5:12

Amem mena, “Hae! Iń do ḍanṭaoiń kurud akada, ar ińakʼ ontor do sudhrạukʼ reakʼ kathae nihạ̃t akada.

Kạhtukko 5:14

Somajren hoṛkoakʼ tire paṛaokate iń doń gujukʼkan tahẽkana.”

Kạhtukko 6:23

ente noako hukum do diuhe leka, noa sikhnạt do marsal leka, ar ḍanṭao reakʼ nisṛạu do jion reakʼ horge.

Sosolhayic̕ 5:6

Amakʼ moca do kại secʼ aloe or idimema. Ar alom menma, “Ińakʼ manotakʼ dohoy do bhul hoyakana,” Noa katha do mundilren sapʼdapʼko hõ alom lạiyakoa. Amakʼ katha iạte Isor do cedakʼe edrekʼte amakʼ titeakʼ kạmi doe bạṛijtama?

Luk 11:28

Menkhan Jisui menkeda, “Onkogeko bhạgana one okoe do Isorakʼ kathako ańjometʼkan ar ona lekako kạmikan.”

Ibriko 12:25

Men sontorokʼpe, okoe kathae roroṛkan uniyakʼ katha do alope phesṛaotaea. Mose do Isorakʼ sontor katha dhạrtirene baḍae ocoketʼko khan hoṛko do uniyakʼ kathako phesṛaoletʼtaea ar onate rukhiyạ bako ńamleda, unre serma khon okoeye sontorakatʼ bon uniyakʼ babon bataole khan cetʼtehõ rukhiyạ do oho bon ńamlea.

Ibriko 2:1

Onate oka bon ańjomakatʼ ona manao lạgitʼ arhõ moneyakʼ lek tabona, jemon ona khon alo bon pharakokʼ.

Bikʼcạrko 19:17

Ar nagraha reakʼ kulhire hortenkoe ńelketʼko khan uni haṛam hoṛ doe kuliketʼkoa, “Ape dope okoe kana ar oka khonpe hecʼakana?”