Kạhtukko 10:16 - সান্তালী বাইবেল

¹⁶ Dhoromkoakʼ kuṛại do jion kana, menkhan bedhoromkoakʼ arjawakʼte kại do ḍherokʼkana.

Kạhtukko 10:16 Iomraidhean Croise

Kạhtukko 11:30

Dhorom hoṛ do eṭakʼkoakʼ jion dare leka; ar okoe eṭakʼkoakʼ mone jitạu akatʼ uni doe ạkilanicʼ kana.

Kạhtukko 21:21

Okoe hoṛ do ahkaokʼ salakʼ sạri ar pạtiạr horteye calakʼ uni do jionre, bhor ar mane ńama.

Mathae 15:19

Ente ontor khonge bạṛicʼ cintạ, khũn, laṭghaṭ, kombṛo, eṛe goha, ar opomanko do oḍok hijukʼa.

Johan 6:27

Menkhan okaṭakʼ jomakʼ nosṭo giḍikʼ ona lạgitʼ uduṛ dhupuṛ baṛae reakʼ do cetʼ lab? Okaṭakʼ jomakʼ baṅ nosṭokʼ bickom jaejug jion tahentape ona lạgitʼ kạmipe. Ona do Manwa Hopongeye emapea, ente Isor Baba doe sạbud akada, noa kạmi reakʼ ektiạri do eken uniyakʼge menakʼtaea mente.

Romiko lạgitʼ Pạul Apostolakʼ ciṭhi 6:23

Kại reakʼ kuṛại do moron kana, menkhan Isorakʼ daya dan do aboren Probhu Mạsi hotete jaejug jionge.

1 Korinthiko 15:58

Onate, E ińren boehako, kajakte teṅgo ṭak akae tahenpe; jemon okaṭakʼte hõ alope ocogokʼ; ar jaoge Probhu Isorakʼ kạmire sareṛokʼpe, entepe baḍaegea, uniyakʼ kạmire mehnot do baṅ ạuṛiyagokʼ tapea.

2Timothi 3:13

Menkhan bạṛicʼko ar bhonḍko do din din artetʼgeko bạṛicʼ idikʼa. Onko do eṭakʼko bhul horteko idikoa ar apnarhõ bhul horteko calakʼa.

Ibriko 6:10

Isor doe hok bicạricʼ kana; onate apeakʼ kạmi ar uniren hoṛko sapʼ sohotʼakote okaṭakʼ dulạṛpe udukʼ akawade arpe udukʼetʼkan, ona do bae hiṛińa.