Kạhtukko 1:6 - সান্তালী বাইবেল

⁶ Jemon hoṛko do phen reakʼ kathako ar khạndri reakʼ kathako ar ạkilankoakʼ kathako ar kudumko bujhạu daṛeakʼ.

Kạhtukko 1:6 Iomraidhean Croise

Sereńko 49:4

Iń do cecetʼakʼte perecʼ phen kathakore moniń bạisạutińạ; ar peṛesaṅ sãote sereńate uniyakʼ khạndri hudis reakʼ iń galmaraoa.

Sereńko 78:2

Iń do mocate kạhtukkoń roṛa; ar sedae reakʼ kukmũkoń phuṭạua.

Kạhtukko 24:23

Noako hõ ạkilan hoṛkoakʼ katha kana. Bicạrre hoṛakʼ mẽtʼãhã beṅgetʼakʼ do baṅ bhagea.

Sosolhayic̕ 12:11

Ạkilan hoṛkoakʼ katha do gupikoakʼ ṭheṅga leka. Onkoakʼ kathako do kuṭạm jalatʼ akatʼ jạlạiko lekana. Ona do mitʼṭen gupiyicʼe roṛakatʼ leka.

Daniel 8:23

“Onkoakʼ rajokʼ sesa sesi dinkore ghạghạṭkoakʼ kạmi coṛaṅlentakore mitʼṭen kurmutạha ar phorphundiyicʼ raje teṅgokʼa.

Numeri 12:8

Iń do uni tulucʼ samna sạmni kathań roṛeda, jãhãn kukmũ talate do baṅ. Probhu Isor oka lekae ńel ocokʼ uni do onkae ńeleńkana. Inạ tayom hõ ińren golam Mose upạrte katha roroṛ do baben botorlena?”

Mark 4:11

Jisui metatʼkoa, “Ape do Isorakʼ raj reakʼ sạri okoakʼkope baḍae ocoakana, menkhan eṭakʼko ṭhen do phen talate lạiyạgokʼ kana,

Mark 4:34

Phen chaḍa uni do bae cetʼakokan tahẽkana, menkhan celako acʼ sãote eskarko tahenre jotowakʼe bhoṅako kan tahẽkana.

Ibriko 5:14

Okoekoakʼ umer hoyakan eken onkoge keṭecʼ jomakʼko jom daṛeakʼa, metakʼme Isorakʼ katha reakʼ keṭecʼ sikhnạtko bujhạu daṛeakʼa. Ar ạḍi dhao hewakʼte onko do bhage bạṛicʼko bichnạu daṛeakʼa.

2 Patras 3:16

Uniyakʼ joto ciṭhirege noako reaṅ inạ mitʼ kathageye oletʼkana. Onako modre adomakʼko babotre menakʼakʼ as bujhạu do muskilgea. Onate baṅ cetʼakatʼ ar baṅ kajak hoṛko do eṭakʼ eṭakʼ sostorko leka noako reakʼ mane hõko pẽṛtayetʼte nijạte nosṭokʼko ạgujoṅ kana.