Kạhtukko 1:5 - সান্তালী বাইবেল

⁵ Ạkilan hoṛ do noa sopolhako ańjomma arko cetʼjoṅ ma. Ar budanko do ańjomkate calakʼ horreko gạkhuṛokʼma.

Kạhtukko 1:5 Iomraidhean Croise

2 Bõsbudạ 25:16

Nạbiyakʼ katha ạuri mucạdokʼrege raj do uniye metadea, “Ale do cetʼ rajren sosolhayicʼ menkate amle bahal akatʼmea? Thirokʼme, ar baṅ khan am dom gocʼ ocokʼa.” Onate nạbi doe thirena, ar enhõe menkeda, “Ińiń baḍaea, am do noam kạmi akada ar ińakʼ sopolha bam luturatʼte Isor do ame maraome lạgitʼe goṭa akada.”

Jobakʼ 34:10

“Onatege E bujan hoṛko, ińakʼ katha ańjompe. Isor khon bạṛicʼakʼ kạmi do sahaṛ akae baṛe tahenma.

Jobakʼ 34:16

“Buj menakʼtape khan tobe do ińakʼ katha ańjomtińpe; ar ińakʼ kathako luturakʼpe.

Jobakʼ 34:2

“E ạkilan hoṛko, ińakʼ katha ańjompe; E bujhạntar hoṛko, ińakʼ katha luturakʼtińpe.

Jobakʼ 34:34

“Budan hoṛ do ińko mitạń kana, ạkilan hoṛ do ińakʼ katha ańjomkateko meneda,

Kạhtukko 12:1

Okoe hoṛ ḍanṭaoe kusiyakʼ uni do ạkile dulạṛeda, menkhan okoe samka sạṭi reakʼ kathae kurudakʼ uni doe orlogea.

Kạhtukko 14:6

Landa dhutʼicʼ hoṛ do sendrate ạkil bae ńama, menkhan bud menakʼtae hoṛ do usạrage ạkile hameṭ joṅa.

Kạhtukko 18:15

Okoeyakʼ monre buj menakʼ uni do ạkile hameṭ joṅa, ar ạkilankoakʼ lutur do ạkile ńam baṛaea.

Kạhtukko 19:25

Landa dhutʼicʼem dal lekhan lelha hoṛ doe sontorokʼa; ar bujhạntar hoṛem nisṛạule khan uni do ạkile hameṭ joṅa.

Kạhtukko 21:11

Landa dhutʼicʼ sạjại lekhan lelhayicʼ do ạkile hameṭ joṅa; ạkilan hoṛ solha emae khan uni do bude hameṭjoṅa.

Kạhtukko 8:33

Ińakʼ hukumko moneyakʼme, ar ạkilan hoyokʼme, ar alom posṛaya.

Kạhtukko 9:8

Landa dhutʼicʼ hoṛ do dosko alom udukʼaea, arem udukʼae khan ame hirkhạwama; bickom ạkilan hoṛ do uniyakʼ dosko udukʼaeme, uni do ame dulạṛmea.

Kạhtukko 9:9

Ạkilan hoṛ solha emaeme, inạkhan arhõ ạkilanicʼe hoyokʼa; Isor botorae hoṛ cetʼaeme, uni do arhõ cecetʼakʼe hameṭjoṅa.

Sosolhayic̕ 9:11

Siń cando latarre iń do arhõń ńelakada, ona do hoyokʼkana: Ńir hapaorakʼre coṭkarkoge jao okteko jitạukʼa, ona do baṅa; daṛeankoge jao okteko jitạukʼa, ona hõ baṅa; ạkilankoge jao okte lacʼ bikʼ jomakʼko ńama ona hõ baṅa; budankoge jao okteko kisạ̃ṛokʼa, ona hõ baṅa; gạkhuṛ hoṛge jao okte ạtko ńama, ona hõ baṅa; ente okte ar bhạg do sanamko lạgitʼge menakʼa.

1 Korinthiko 10:15

Iń do budanko menteń baḍaeyetʼpete noakoń galmaraoape kana; ar okań roṛetʼkan, ona do apege bicạrpe.

Dosar Biboron 4:6

Noako manao idi talate eṭakʼ jạtren hoṛko samaṅre apeakʼ bud ạkil do sodorokʼtapea. Ar noako niạm reaṅ ańjomkateko mena, ‘onko do jạtren lekate sạrigeko maraṅgea arko ạkilangea ar budan hoṛkanako.’