Josuạ 9:8 - সান্তালী বাইবেল

⁸ Onko do Josuạko metadea, “Ńelme, ale do amren golamko kanale.” Unre Josuạ do onkoe kuliketʼkoa, “Ape dope okoe kana, ar oka khonpe hecʼakana?”

Josuạ 9:8 Iomraidhean Croise

2 Rapajko 10:5

Onate raj oṛakʼren sordar, nagraharen murubbiko ar Ahab bõsren rurukhiyạko do niạ katha Jihuko roṛ gotʼadea, “Ale do amren golam kanale. Am cetʼem metale onagele onkaea. Ale do okoege bale rajkoa; am okaṭakʼ bhagem hudisetʼkan onage onkaeme.”

Dosar Biboron 20:11

Onko hoṛ do sulukokʼ lạgitʼko rạjikʼte phaṭok duạrko jhicʼape enḍekhan sanamkoge ape taberen hoṛko hoyokʼa ar ape lạgitʼko kạmiya.

Josuạ 10:6

Unre Gibeonrenko do Gilgal reakʼ ḍerate senkate Josuạ ṭhen sombatko kolkeda, “Amren golamko do alom bạgi giḍilea. Ma usạra hecʼkate goṛowaleme, ente Amorikoren rajko do buru ṭoṭha khon hecʼkate ale upạrte akoren lạṛhại phạdkoko jarwa akatʼkoa.”

Josuạ 9:11

Aleren mukhiyạko ar aleakʼ disạmren sanamkoge noako hukum akatʼlea, horte lạgitʼ jomakʼ soṅgete jemonle iditora joṅ ar am sãote ńapamkatele metam, ‘ale do amren golam kanale de mitʼṭen bondobos baṛe emaleme.’

Josuạ 9:23

Onate ape cetanre niạ sarap tahẽyena, ińren Isorakʼ oṛakʼ lạgitʼ sahan mamakʼ ar dakʼ ạgui reakʼ kạmipe kạmiya. Niạ golam reakʼ kạmi khon do ar tisge rehae bape ńama.”

Josuạ 9:25

Ale do ńitokʼ amakʼ tirege menakʼlea; am okaṭakʼ bhagem metakʼkan ona baṛe ale cetanre kạmime.”

Josuạ 9:27

Ar Josuạ do enhilokʼge Gibeonkoe hukumatʼkoa jemon onko do Israelko lạgitʼ ar Probhu Isor okaṭakʼ ṭhạ̃iye bachao joṅ ona ṭhạ̃ire Probhu Isorakʼ pinḍ lạgitʼ sahan ar dakʼ ạgui reakʼ kạmiko kạmiy. Ar teheń hạbicʼ onko do ona kạmigeko kạmikana.