Josuạ 9:3 - সান্তালী বাইবেল

^3-4 Jerikho ar Ae nagraha reakʼ Josuạ okae cekaletʼ ona reakʼ katha tinre Gibeon nagraharen Hiwikoko ańjomkeda unre onko do mitʼṭecʼ calakiko kạmikeda. Onkoren thoṛa hoṛ do Josuạ ṭhenko mohnḍayena. Onko do akoren gadha cetanre mare mare bosta ar oṛecʼ ar tạli akatʼ darkha rasa dohowakʼ harta reakʼ mare kumkoko ididarakeda.

Josuạ 9:3 Iomraidhean Croise

2 Samuel 2:12

Mitʼdin Nerren hopon Abner do Sạulren hopon Isbotren hoṛkoante Mahaniạm khon Gibeonteye senena.

1 Bõsbudạ 12:4

Gibiyạren Jismiạ- uni do “Pe gel” ńutuman birbanṭakoren mitʼṭen mukhiyại tahẽkana; Jirimiạ, Johosiyel, Johanan, Goderathiạ Josabod:

2 Bõsbudạ 1:3

Ona tayom uni ar sanam hoṛko do Gibiạn reakʼ ona than boṭkocʼ ṭhenko senena, ente Isorakʼ ńapamokʼ tạmbu do onḍege tahẽkana one okaṭakʼ do Probhu Isorren guti Mose hahaṅkarre tahẽkanreye benaoletʼ tahẽkan.

Jirimiạ 28:1

Inạ bochorge, Jihudạren raj Sedekiạwakʼ rajokʼ pạhil secʼ, metakʼme ponakʼ bochor reakʼ mõṛẽakʼ candore Gibeon nagraharen Asur hopon Hananiạ nạbi do Probhu Isorakʼ oṛakʼre naekeko ar sanam hoṛko samaṅre Jirimiạ noa kathae metadea,

Josuạ 10:1

Jerusalemren raj Adoni-Sedek doe ańjom ńamkeda, Josuạ do Ae nagraha hatkateye jarkhar akada ar Jerikho ar onaren rajakʼ cetanre okae ceka akatʼ onkage Ae ar onaren rajakʼ halot hõe hoyocoakada. Uni do arhõe ańjomkeda, Gibeonko do Israelko sãoteko bondobos akada ar onko sãote menakʼkoa.

Josuạ 10:2

Onate uni ar uniren hoṛko do botor caṛhaoatʼkoa, ente Gibeon do raj nagraha lekan nagrahage tahẽkana. Noa do Ae nagraha khon hõ maraṅ nagraha tahẽkana ar onaren sanam herel hoṛ do daṛeangeko tahẽkana

Josuạ 10:28

Josuạ do enhilokʼge Makedae hatkeda. Uni do ona nagraha ren raj ar sanam hoṛe gocʼ cabaketʼkoa ar onḍenko sanam jiwiyanko hõe maraoketʼkoa, celege jiwetʼ bae doholetʼkoa. Jerikhoren rajre okae cekaletʼ onkage Makedaren rajakʼ dosa hõe hoe ocokeda.

Josuạ 10:30

Probhu Isor do ona nagraha ar onḍenko rajko Israelkoakʼ tireye jimạketʼkoa. Ar Josuạ do ona nagraharen hoṛko ar sanam jiwiyankoe gocʼ cabaketʼkoa, celege jiwetʼ bae doholetʼkoa.

Josuạ 11:19

Eken Gibeonre tahenkan Hiwiko chaḍa ar oka nagraharen hoṛ hõ Israelko sãote jãhãn bondobos bako doholeda; Israelko do sanamkoge lạṛhạireko bhagaoketʼkoa.

Josuạ 18:25

Ona chaḍa onko do Gibeon, Rama, Be-Erot,

Josuạ 21:17

Ona chaḍa Benjamin gusṭirenkoakʼ jaega khon hõ Gibeon, Geba, Anathot ar Almon ńutuman ponea ato ar nagraha ar onako sãoteakʼ aṭiń ṭạnḍi hõko emocoyena.

Josuạ 9:17

Unre Israelko do onkoakʼ elaka secʼko mohnḍayena ar pe din hilokʼre onḍeko seṭerena. Onkokoakʼ elakare do Gibeon, Kephira, Beerot ar Kiriat-Jearim nagrahako tahẽkana.

Josuạ 9:22

Inạ tayom Josuạ do Gibeonko hohowatʼkoteye metatʼkoa, “Ale khon ạḍi sạṅgińrepe tahenkana mente cedakʼpe ṭhokaketʼlea? Ape ma ale sorrege coṅpe girobasokʼkan.