Josuạ 9:14 - সান্তালী বাইবেল

¹⁴ Israelko do eken onkoakʼ jomakʼko ńelkeda menkhan Probhu Isor do bako kuliledea.

Josuạ 9:14 Iomraidhean Croise

2 Samuel 2:1

Dạud do Probhu Isor ṭhene kuliyana, “Iń do cetʼ Jihudạ ṭoṭha reakʼ jãhãn mitʼṭecʼ nagrahateń calakʼa?” Probhu Isore menkeda, “Hẽ, calakʼme.” Dạude kulikedea, “Iń do okateń calakʼa?” Probhu Isore roṛ ruạṛkeda, “Hebronte rakapʼ calakʼme.”

2 Samuel 5:19

Unre Dạud do Probhu Isor ṭhene kuliyana, “Iń do cetʼ Philisṭikoń ńẽtʼkoa? Am do cetʼ ińakʼ tire onkom jimạkoa?” Probhu Isore roṛ ruạṛkeda, “Hẽ, Do calakʼme. Iń do khạṭige amakʼ tire Philisṭikoń soprotkoa.”

Esra 8:21

Iń do Ahawa soḍokʼ ṭhen upạs dohoy lạgitʼ iń lại jạhirkeda jemon ale do aleren Isor samaṅre apnartetʼle nindhạn daṛeakʼ ar aleren gidrạko ar aleakʼ sanam sompottikoante nirạitele sen ruạṛ daṛeakʼ.

Exodus 28:30

Koṛam aḍokʼakʼ reakʼ bhãj bhitrire uni do Urim ar Thumimem dohoya. Onate Aron do tinre Probhu Isor samaṅreye hạjirokʼa unre uniyakʼ koṛamre onakin tahena. Ar onate Aron do Probhu Isor samaṅre jao okte Israel hoponkoakʼ bicạrko acʼakʼ koṛamreye asen baṛaea.

Numeri 27:21

Uni do naeke Eleasar ṭhen senokʼ hoyokʼtaea, ar Eleasar do uni ńutumte Urim ar Thumim reakʼ daṛete Probhu Isorakʼ hukume baḍaejoṅa. Eleasarakʼ hukum lekage uni ar Israelren eṭakʼko do calakʼ hoyokʼtakoa.”

Jakob 1:5

Apeko modre jãhãe akelteye khaṭoge khan uni do Isor ṭhene koejoṅ ma, ar Isor do onae emaea, ente uni do begor ạṛiste mimitʼko asambheṛe danakoa.

Josuạ 9:13

Darkha rasa dohoy reakʼ kumko hõ perecʼkatele ạguleda ar onako hõ nãwãge tahẽkana menkhan, ńitokʼ onako cetʼleka oṛecʼ akantalea. Ar sạṅgiń reakʼ horte hijukʼ hijukʼte jaṅga reakʼ panahi ar aṅgropko hõ mareyentalea.”

Bikʼcạrko 1:1

Josuạwakʼ gujukʼ tayom Israelko do Probhu Isorko kulikedea, “Kananrenko sãote lạṛhại lạgitʼ pạhilte do okoeye calakʼtalea?”

Bikʼcạrko 20:18

Onko do Bethelre senkate Isor ṭhen khon baḍae sanaketʼkoa Benjạminrenko upạrte lạṛhại lạgitʼ onko modre okoe do lahateye rakapʼ calakʼa. Probhu Isor doe baḍae ocoketʼkoa, Jihudạ gusṭirenko sen maṛaṅokʼa.

1 Samuel 22:10

Ar Ahimelek do uni reaṅ Probhu Isorakʼ sana do cetʼ kana mente onae kuliyana. Uni do jomakʼ hõe emadea ar Philisṭi Goliạtakʼ tarwaṛe hõe emadea.”