Josuạ 9:1 - সান্তালী বাইবেল

¹ Jordan gaḍa pạchim secʼren rajko do noako reakʼ joto kathako ańjomkeda. Onko do usul buru ṭoṭha ar ona latar ṭoṭha disạmkoren ar Lebanon hạbicʼ jalapuri ḍhip aṛete okako disạm tahẽkan onakoren rajgeko tahẽkana. Onko do Hitiko, Amoriko, Kananiko, Pherisiko, Hiwiko ar Jebusikoren rajgeko tahẽkana.

Josuạ 9:1 Iomraidhean Croise

2 Samuel 24:7

Ona tayom onko do Tur reakʼ gaṛ nagraha ar Hiwiko ar Kananikoakʼ goṭa nagrahako calaoena. Ar sesre onko do Jihudạ reakʼ dạkhin secʼ Ber-sebateko calaoena.

Exodus 23:23

Amorirenko, Hittirenko, Pherisirenko, Kananrenko, Hibbirenko ar Jebusirenko oka disạmreko girobasokʼkan ona disạmte ińren goḍet doe ạyur idipea. Iń do onko sanamkoń marao cabakoa.

Exodus 23:31

“Arakʼ jalapuri khon Palestain disạm reakʼ doreão hạbicʼ ar eṭakʼ secʼ do hahaṅkar khon Uphreṭis gaḍa hạbicʼ apeakʼ disạm reakʼ simạń dohoapea. Ar ona disạmre okoeko girobasokʼkan onko do apeakʼ tireń jimakoa ar ape do onkope laga ńirkoa.

Exodus 3:17

Ona iạteń meneda, Misor reakʼ santao khoniń oḍok idipea ar Kananrenko, Hittirenko, Amorirenko, Pherisirenko, Hiwirenko ar Jebusirenkoakʼ disạmteń idipea. Onḍe do toa, dumur rasa ar jãhãn cetʼ reakʼ reṅgecʼge bạnukʼa.’

Exodus 34:11

Teheń okań hukumape onape manaoa. Ar iń do Amorirenko, Kananrenko, Hittirenko, Pherisirenko, Hiwirenko, Jebusirenko ape samaṅ khoniń laga ńirkoa.

Numeri 13:29

Ar Amalekiko do disạm reakʼ dạkhin nakhareko tahenkana; Hittirenko, Jebusirenko ar Amorirenko do buru ṭoṭhakore ar Kananrenko do jalapuri aṛe ar Jordan gaḍa aṛeteko girobasokʼ kana.”

Numeri 34:6

“Apeakʼ disạm reakʼ pạchim secʼ simạnako do jalapuri hạbicʼ hoyokʼa. Noage apeakʼ pạchim senakʼ mucạtʼ simạ do tahena.

Dosar Biboron 1:7

Ńitokʼ do ḍera uṭhạukate Amorikoakʼ buru ṭoṭha ar ona aḍepase jaegaren hoṛko ṭhen calakʼpe. Onko do Arabare, usul burure, latar burure, Negebre ar doreão aṛereko girobasokʼ kana. Noako jaega do hoyokʼ kana Kananikoakʼ disạm Lebanon secʼte maraṅ gaḍa phurạt hạbicʼ sanam jaegakoge.

Dosar Biboron 3:25

Jordan gaḍa paromkate ona napae utạr disạm, metakʼme ona buru disạm ar ona Lebanon disạm baṛe ńel ocoạńme.’

Dosar Biboron 4:49

Onakin modre jordan purub secʼ goṭa Araba ṭoṭha hõ tahẽkana. Noa do Pisga buru dhasna latar menakʼ doreão hạbicʼ sen akana.

Dosar Biboron 7:1

“Ape okaṭakʼ disạm ạidạri joṅ lạgitʼpe calakʼkan onḍe do aperen Probhu Isorgeye idipea ar ape samaṅ khon ḍher jạtrenkoe laga ńirkoa. Onko doko hoyokʼkana Hittirenko, Girgasirenko, Amorirenko, Kananrenko, Pherisirenko, Hiwirenko ar Jebusirenko. Noko eae jạtrenko doko saṅgegea ar daṛete hõ ape khonko daṛegea.

Josuạ 1:15

Probhu Isor do tinạkʼ din ape leka aperen boehako jotowakʼ khon bae jirạu ocoko ar tinạkʼ din aperen Probhu Isore emakan disạm ạuriko dokhol unạkʼ din aperen boehakope goṛowakoa. Ar ona tayom dope ruạṛ hijukʼte apeakʼ jaega purạtepe dokholjoṅa one Probhu Isorren guti do jordan purub secʼ apeye emakawatʼpe.”

Josuạ 1:4

Apeakʼ disạm do hahaṅkar khon Lebanon hạbicʼ ar purub reakʼ maraṅ gaḍa Uphreṭis hạbicʼ ar pạchim reakʼ maraṅ jalapuri hạbicʼ metakʼme Hittikoakʼ goṭa ṭoṭha.

Josuạ 10:23

Onate ona dander khon onko mõṛẽ goṭen rajko oḍok ạguketʼkoa. Noko do Jerusalem, Hebron, Jarmut, Lakhis ar Eglonren rajko tahẽkana.

Josuạ 11:17

Seyir buru rakapʼ calakʼ reakʼ Halak buru khon Hermon buru latar Lebanon lodamre menakʼ Bakʼal-gad hạbicʼ sanam ṭoṭhage Josuạ doe hatkeda. Uni do onako jaegaren rajko sapʼkateye gocʼketʼkoa.

Josuạ 13:5

Giblikoakʼ elaka, purub secʼ Hermon buru latar Bakʼal-Gad khon Hamat hạbicʼ goṭa Lebanon ar Lebanon khon Misrephot-Mayim hạbicʼ buru elaka, metakʼme Sidonkoakʼ goṭa disạm. Iń apnarge Israelko samaṅ khon onko jotogeń laga ńirkoa. Ar cetʼ lekań hukum akatʼ onkage niạ disạm do sompotti lekate Israelkom emakoa.

Josuạ 15:12

Pạchim secʼ reakʼ simạ do hoyokʼkana jalapuri aṛe. Niạ do hoyokʼ kana Jihudạ gusṭiren judạ judạ bõsrenkoakʼ jaega reakʼ beṛhaeteakʼ simạna.

Josuạ 22:4

Aperen Probhu Isorakʼ gokʼakʼ leka uni do lạṛhại khon aperen boehakoe jirạu ocoakatʼkoa; ar onate Probhu Isorren guti Mose do jordan gaḍa hanasare okaṭakʼ jaegae em akawatʼpe ńitokʼ do onḍenakʼ ḍinḍạte ruạṛ calakʼpe.

Josuạ 22:7

Manase gusṭiren adha hoṛko do Mose Bason disạme ematʼko tahẽkana, ar onkoren sarecʼ hoṛko Josuạ do Israel boehako sãote jordan gaḍa pạchim secʼre jaegae ematʼkoa. Josuạ do onko bidạko jokhecʼ bhoratʼkoteye metatʼkoa,

Josuạ 23:4

Jordan gaḍa khon pạchim jalapuri hạbicʼ okoe jạtrenkoń marao akatʼko ar okoe jạtrenko ńithõ sarecʼ menakʼko onko sanamkoakʼ jaega do apeakʼ gusṭiko talare sompotti lekateń hạṭiń akatʼkoa.

Josuạ 24:11

“ ‘Ona tayom ape do Jordan gaḍa paromkate Jerikho nagrahatepe hecʼena. Jerikho nagraharen hoṛko ar Amoriko, Pherisiko, Kananiko, Hittiko, Gergasiko, Hiwiko ar Jebusiko do ape upạrteko lạṛhạiyena, menkhan iń do onko sanamko apeakʼ tireń jimạketʼkoa.

Josuạ 3:10

Aperen jiwetʼ Probhu Isor do ape sãore menae ar uni do Kananrenko, Hittirenko, Hiwiko, Pherisiko, Gergasiko, Amorirenko ar Jebusiko khạṭige ape samaṅ khone laga ńirkoa ar ona do nonkatepe bujhạu daṛeakʼa.

Josuạ 3:17

Ar tin hạbicʼ sanam Israelko jordan gaḍa ạuriko parom cabakʼ un hạbicʼ Probhu Isorakʼ goha-sinduk gokʼ idiyetʼkan naekeko do jordan gaḍare kuṭhạ̃ṛ otreko teṅgo tahẽyena; ar sanam hoṛ do kuṭhạ̃ṛgekoge parom calaoena.

Josuạ 5:1

Jordan gaḍa pạchim secʼren Amorikoren sanam rajko ar doreão aṛe reakʼ sanam Kanani rajko tinreko ańjomkeda, abo bon parom hijukʼre Probhu Isor cetʼleka jordan gaḍa reakʼ dakʼ, metakʼme Israelko samaṅ khone ańjetʼ ocoletʼ un khon onkoakʼ as do chuṭạuentakoa; Israelko samaṅre teṅgokʼ reakʼ dil ar do baṅ hoylentakoa.

Josuạ 6:27

Probhu Isor do Josuạ sãoteye tahẽyena, ar uniyakʼ ńutum do goṭa disạmre pasnao idiyena.

Josuạ 9:7

Unre Israelko do Hiwikoko metatʼkoa, “Ape do pasecʼ ale aḍepaseren hoṛ kangeape. Ar sạrige onka kan khan cetʼlekate ape sãote bondobos dole dohoya?”