Josuạ 8:23 - সান্তালী বাইবেল

²³ Menkhan Ae nagraharen raj do jiwetʼtege Josuạ ṭhenko sapʼ ạgukedea.

Josuạ 8:23 Iomraidhean Croise

Josuạ 10:17

Ar danderre oko akan mõṛẽ rajko reakʼ sombat tinre Josuạko baḍae ocokedea unre uni doe menkeda, “Dander reakʼ duạrre lạṭu dhiri giṛgạu ạgukate esetʼkakʼpe ar ona pahrae lạgitʼ thoṛa hoṛko dohokope.

Josuạ 10:22

Ona tayom Josuại menkeda, “Dander reakʼ duạr jhijpe ar onko mõṛẽ goṭen raj iń ṭhen oḍok ạgukope.”

Josuạ 8:22

Ar oko akan tahẽkan lạṛhại phạdko hõ Aeren hoṛko akromonko lạgitʼ nagraha khonko oḍok hecʼena. Onate Aeren hoṛ do Israelren banar dol talareko paṛaoena. Ar Israelko do onko sanamko gocʼketʼkoa, okoehõ jiwetʼ bako doholetʼkoa.

Josuạ 8:24

Okaṭakʼ ṭạnḍire, metakʼme oka hahaṅkarre Ae nagraharen hoṛ do Israelkoko khudạu idiletʼko onḍege Aeren hoṛko gocʼ ocoyen tayom sanam Israelko do Ae nagrahateko ruạṛ hecʼena ar nagrahare okoeko tahekan onko sanamko gocʼketʼkoa.

Josuạ 8:29

Uni do Ae nagraharen raje gocʼkedea ar ạyupʼ hạbicʼ darereye aka dohokadea. Ar ńindạ jokhecʼ uniyakʼ mạ̃ṛĩ pheḍkate nagraha reakʼ phaṭok duạr bolokʼ horre giḍikae reakʼe hukumkeda. Ar hoṛko do uni cetanre dhiriko giḍi puńjikeda. Ona do teheń hạbicʼ hõ menakʼgea.

Johan sodor 19:20

Ar uni janwar doe sapʼ ocoyena ar okoeṭakʼ bhonḍ nạbi uni ńutumte hahaṛa kạmikoe kạmiyetʼkan tahẽkan uni hõe sapʼ ocoyena. Ar okoe uni janwarakʼ cinhạko hatao akatʼ tahẽkan ar uniyakʼ muṭhạnko sewawakʼkan tahẽkan, uni eṛe nạbi do hahaṛa kạmikote onkoe bulạu akatʼko tahẽkana. Unkin do jolokʼkan gondhokʼ seṅgel reakʼ doreãore jiwetʼtekin khadle ocoyena.

1 Samuel 15:8

Amalekikoren Og raj do jiwetʼteye sapʼkedea ar eṭakʼ sanam hoṛko doe marao cabaketʼkoa.