Josuạ 8:14 - সান্তালী বাইবেল

¹⁴ Israelko ńelte Aeren raj do ạḍi setakʼre beretʼkate acʼren onko sãote lạṛhại lạgitʼ sanam hoṛkoante nagraha khone oḍokente Araba ṭạnḍire mitʼṭecʼ niṭ akatʼ jaegateye senena. Menkhan bae baḍae daṛeada nagraha tayom secʼre uni upạrte mitʼṭen lạṛhại phạd doko oko akana mente.

Josuạ 8:14 Iomraidhean Croise

Sosolhayic̕ 9:12

Okoe hõ bae baḍaea tinreye gujukʼa mente. Cetʼleka hako do jhạlireko aṭkaokʼ ar cẽṛẽ do jhampare onkage muhin do manwa cetanre ackage hijukʼa ar muhinreye paṛaoakʼ.

Jesaea 19:11

Soanren cetan hudạren kạmiyạko doko bebujgea; Pharaoren ạkilan sosolhako do ạuṛiyakʼ solhako emokʼkana. Ape do cekate Pharaope men daṛeae kana, “Iń do ạkilan hoṛko modren mitʼ hoṛ ar sedaeren raj bõsren kạnạń mente?”

Jesaea 19:13

Soanren cetan hudạren kạmiyạko do bebuj lekako hoyakana, ar Memphisren mukhiyạko doko ạnḍicʼakana; ar Misorren khũṭkoren mathako do bạṛicʼ horteko sen akana.

Daniel 4:31

Uni do katha ạuriye mucạdrege serma khon okoe coṅe menkeda, “E Nebukadnesar raj, am dom men ocoakana je, amakʼ rajosṭi do am khon recʼ hatao akana.

Mathae 24:39

Ar ḍubạ dakʼ hecʼkate sanamko ạuriye ạtu idiko hạbicʼ onko do cetʼge bako bujhạu daṛeada. Manwa Hoponakʼ hijukʼ hõ ṭhik onkage hoyokʼa.

Mathae 24:50

Enḍekhan guti bae ńel horakatʼ dinre ar bae baḍae akatʼ ghuṛire uni kisạ̃ṛ doe hijukʼa.

Dosar Biboron 1:1

Mose do jordan gaḍa purub secʼ reakʼ hahaṅkar jaegare, metakʼme Arabatre sanam Israelkoe galmaraoatʼkoa. Ar oka jaegareye galmaraoatʼko ona do Sup samaṅ secʼre tahẽkana. Ona reakʼ mitʼ secʼre do Paran, Tophel, Laban, Haserot ar Di-Sahab tahẽkana.

Josuạ 8:13

Nonkate Israelko do akoren lạṛhại phạdko lạṛhại lạgitʼko sapṛao dohokatʼkoa ar okoe do ḍerareko tahena onko do utạr secʼreye dohoketʼkoa ar okoe oko akanko tahen onko do nagraha reakʼ pạchim secʼre. Ar enhilokʼ ńindạ Josuạ do lodamreye aṅga hạṭińena.

Josuạ 8:15

Josuạ ar sanam Israelko do onko ńelte botor caṛhaoatʼko leka hahaṅkar horteko ḍạṛkeda.

Josuạ 8:16

Unre Ae nagraharen hoṛ do Israelko khudạuko lạgitʼ akoren sanam hoṛko hohowatʼkoa. Onko do Josuạko khudạu idikedea ar nonkate nagraha khon sạṅgińteko idiocoyena.

Josuạ 8:5

Iń do ińren sãoten hoṛkoante nagraha secʼ iń laha idikʼa. Ar lahate leka onko do tinre abo sãote lạṛhại lạgitʼko oḍok hijukʼa unre ale do onko samaṅ khonle dạṛ pharakokʼa.

2 Patras 2:3

Lalocte eṛeteakʼ katha menkate akoakʼ porho lạgitʼ onko do kạmireko lagaopea. Onkoakʼ sạjại do ḍher din khonge jhulạu akana, ar onkoakʼ nosṭokʼ do bae duṛupʼ thirakana.

Bikʼcạrko 20:37

Ar oko akan tahẽkan lạṛhại phạdko do ackage Gibea upạrte jhãpko emkeda ar nagrahare bolokate sanam hoṛko gocʼketʼkoa.