Josuạ 7:7 - সান্তালী বাইবেল

⁷ Josuại menkeda, “E Probhu Isor, noko jạtrenko jordan gaḍa paromkate cedakʼ maraoko lạgitʼ Amorikoakʼ tirem jimạketʼkoa? Hae ale do jordan hanasa regele bhagele tahẽkana!

Josuạ 7:7 Iomraidhean Croise

2 Rapajko 3:10

Ona ńelte Israelren raje menkeda, “Hae, hae! Probhu Isor do Moabakʼ tire jimạ bon lạgitʼge cetʼ pea rapajko mitʼ sãoteye hohoakatʼ bona?”

Sereńko 116:11

Iń doń botorlena, “Ente sanam manwageko eṛegea.”

Exodus 16:3

Onkoko menkeda, “Misor disạmre Probhu Isorakʼ tire cedakʼ baṅ bale gocʼ ocolen. Onḍe do jel reakʼ ṭukucʼ samaṅre dohokate lacʼ bikʼ piṭhạ ar jel le jometʼ tahẽkana. Aben do begor jomte gocʼ ocole lạgitʼ noa hahaṅkarte ben ạguakatʼlea.”

Exodus 17:3

Menkhan hoṛko do dakʼ tetaṅ iạte Mose upạrteko karacʼ kurucʼena arko menkeda, “Dakʼ reakʼ ṭonṭate jemon nonḍele gujukʼ ona lạgitʼge cetʼ ale ar aleren hoponko ar hoponerako ar aleren ạsul janwarko Misor khonem ạguakatʼlea?”

Numeri 14:16

Probhu Isor do kiriạ akawatʼko disạmte bae idi daṛe akokante hahaṅkarreye gocʼketʼkoa.

Numeri 14:3

Probhu Isor do cedakʼ lạṛhạire gujukʼ lạgitʼ ona disạmteye idiyetʼlea? Onḍenko hoṛ do aleren bạhuko ar gidrạkoko recʼlea. Ona khon Misorte ruạṛ calakʼge cetʼ bhage baṅ tahẽkantalea?”

Mathae 17:17

Jisui roṛ ruạṛkeda, “E bepạtiạu ar peṛta piṛhirenko! Ar tinạkʼ din ape sãoreń tahena? Ar tinạkʼ diniń sahaokatapea? Dini iń ṭhen ạguiyepe.”

Mathae 17:20

Jisui metatʼkoa, “Apeakʼ nase pạtiạu iạte bape daṛeada. Sạrigeń metapekana, tuṛi jaṅ inạkʼ hõ biswạs tahentape ar noa burupe metakʼ, ‘nonḍe khon hanḍe ucạṛokʼme,’ enḍekhan ona do ucạṛokʼgea.

Ibriko 12:5

Isor do acʼren gidrạko lekae udgạu akatʼpete okae galmarao akatʼpe ona dope hiṛiń akada. Uni doe menakada, E beṭa, Probhu Isorakʼ ḍanṭao do alom neṅghaoa, ar uniye egerlemre alom ạtruńokʼa;

Josuạ 7:6

Unre Josuạ ar Israelkoren murubbiko do apnarakʼ kicricʼko oṛecʼketʼte Probhu Isorakʼ sinduk samaṅre ạyupʼ hạbicʼ otre ombakʼ hape akanko tahẽyena. Ar akoakʼ bohokʼre dhuṛiko chiṭiạuana.

Josuạ 7:8

E Probhu Isor, bạiriko ṭhen Israelkoko bhagao ocoyen tayom do ar mementeakʼ cetʼ menakʼtińạ?

1 Samuel 4:3

Ado Israelren lạṛhại phạdko akoakʼ ḍerateko ruạṛ calaoen khan onkoren murubbikoko metatʼkoa, “Philsiṭiko ṭhen Probhu Isor do cedakʼ teheńe bhagao ocoketʼbona? Dela, Probhu Isorakʼ goha sinduk do Silo khon bon ạguiya jemon Probhu Isor do abo sãote tahẽkate bạirikoakʼ ti khone rukhiyạ bon.”