Josuạ 7:26 - সান্তালী বাইবেল

²⁶ Akhanakʼ hoṛmo cetanre onko do ạḍi utạr dhiriko puńjikeda. Ona do teheń hạbicʼ hõ menakʼgea. Inạ tayom Probhu Isor do acʼakʼ edre khone ạcurena. Ar onate ona jaega do Akor lodamko metakʼkana.

Josuạ 7:26 Iomraidhean Croise

2 Samuel 18:17

Onko do bir reakʼ mitʼṭecʼ danderre Absalomko giḍikadea ar uni cetanre dhiriko capatʼ puńjikeda. Ar Israelren sanamko do apan ạpin oṛakʼteko ruạṛ calaoena.

2 Samuel 21:14

Dạudren hoṛko do Sạul ar uniren hopon Jonathanakʼ jaṅ do Benjạmin ṭoṭha reakʼ Selare uniren apat Kisakʼ topareko topakada. Rajakʼ hukum lekage onko do sanamakʼko kạmikeda. Ona tayom disạm lạgitʼ Isor ṭhenko koeketʼ khan uni do koejoṅe ańjomketʼtakoa.

2 Bõsbudạ 29:10

Iń do ńitokʼ Israelren Probhu Isor sãote mitʼṭecʼ bondobos reakʼ iń khojkana jemon uniyakʼ botoranakʼ edre abo cetanre alo paṛaokʼ.

Esra 10:14

Aboren cetan hudạren kạmiyạkoge goṭa somajren ạyurko jemonko hoyokʼma. Ar ona tayom aboakʼ judạ judạ ato ar nagraha modre okoe do eṭakʼ jạtren kuṛiko bapla akatʼko onko mimitʼko do akoren murubbiko ar bikʼcạrkoante mitʼṭecʼ niṭakatʼ oktere Jerusalemteko hijukʼma. Enḍekhan niạ kại iạte aboren Isorakʼ botoranakʼ edre do abo khon ocogokʼa.”

Sereńko 85:4

E aleren babańcaoicʼ Isor, am do lahate leka beretʼ ruạṛlem; ar alere menakʼ amakʼ edre baṛe ocogtam.

Exodus 32:12

Ar Misorrenko do niạ katha roṛ reakʼ cedakʼ ạtko ńama, dhạrti khon meṭaoko lạgitʼ am do noa buru ṭoṭha talarem oḍok ạgu akatʼkoa? Amakʼ noa botoranakʼ edre do thirtam. Dayakʼme, amren hoṛko cetanre noa muhin do alom ạguiya.

Jesaea 40:2

Jerusalemren hoṛko sãote mạ̃hir salakʼ katha roṛpe, ar onko ṭhen niạ katha lại sodorpe, onkoakʼ duk ar kosṭo do caba akana, onkoakʼ ghạṭko do ikạ akantakoa, onkoakʼ sanam kạiko reakʼ jo do Probhu Isor ṭhen khon purạgeko ńamakada.”

Jesaea 65:10

Ińren hoṛko okoe do ińakʼ sana lekako calakʼkan onkoren pal bhiḍiko lạgitʼ Saron do ạtiń ṭạnḍi hoyokʼa ar Akhor buru nala do ạsul janwarko lạgitʼ aḍa reakʼ jaegage.

Rak̕joṅ 3:53

Onko do maraoiń lạgitʼ khandṛaṅreko khańjo akadińa, ar cetan khon dhiriteko tińeń kana.

Hosea 2:15

Onḍe iń do uniyakʼ darkha bagwaniń ruạṛkataea ar Akhor reakʼ buru nala do as reakʼ duạriń hoeocoyea. Uniyakʼ juạn oktere leka uni do onḍeye sereńa cetʼleka uni do Misor khon oḍok hijukʼ dinreye sereńletʼ tahẽkan.

Hosea 2:17

Uniyakʼ moca khon do Bakʼal debotawakʼ ńutumiń ocoga; ar Bakʼal do uni bae hohoaea.

Joel 2:13

Apeakʼ kicricʼ do baṅ menkhan ontor oṛejtape. Aperen Probhu Isor ṭhen ruạṛ hijukʼpe, ente uni do daya ar mãyãteye perecʼgea; uni do bae edre hodokʼa, uniyakʼ daya do asambheṛgetaea ar bạṛicʼakʼko iạteye kastaokʼkana.

Joel 2:18

Unre Probhu Isor do acʼakʼ disạm lạgitʼe ãṭokʼa ar acʼren hoṛkoe mãyãwakoa.

Jona 1:15

Ona tayom onko do Jonako sapʼkedete jalapuri reakʼ dakʼreko khadlekedea, ar onate haḍak ḍabakokʼkan jalapuri do ḍelḍel thir hapeyena.

Sakariạ 6:8

Ona tayom uni do hohoạdińteye metadińạ, “Ńelme, okoe utạr secʼko calakʼkan onko do ińakʼ edreko dapalketʼtińạ.”

Dosar Biboron 13:17

Probhu Isor jemon acʼakʼ botoranakʼ edre khone ruạṛokʼ onate apeakʼ tire noako jinis reakʼ mitʼṭen hõ jemon alo ńelokʼ, ente onare do maraokʼ reakʼ sarap menakʼa. Enḍekhan uni do daya are mãyãwapea ar aperen hapṛamko ṭhen kiriạkateye gokʼletʼ iạte aperen bõskoe bạḍ ocokoa,

Dosar Biboron 13:18

ente teheń okako hukumiń emapekan onape bataotae ar aperen Probhu Isorakʼ nońjorre ṭhikakʼpe kạmi.

Josuạ 10:27

Ar siń candoe hạsurokʼ jokhecʼ Josuạwakʼ hukumte hoṛko do dare khon onkoakʼ mạ̃ṛĩko pheḍkeda ar okaṭakʼ danderreko oko akan tahẽkan onarege onkoakʼ mạ̃ṛĩko giḍikada. Ar dander reakʼ duạr do lạṭu dhiriteko esetʼkada. Ona do teheń hạbicʼ hõ onḍege menakʼa.

Josuạ 7:24

Josuạ ar sanam Israelko Serah bõsren Akhan do Akor lodamteko idikedea. Ar uni sãote ona kicricʼ, rupạ, sona ḍhimbạ, Akonren gidrạko, uniren ḍaṅgrako, bhiḍiko, gadhako ar uniyakʼ tạmbure cetʼ cetʼko tahẽkan ona jotoko iditorakeda.

Josuạ 8:29

Uni do Ae nagraharen raje gocʼkedea ar ạyupʼ hạbicʼ darereye aka dohokadea. Ar ńindạ jokhecʼ uniyakʼ mạ̃ṛĩ pheḍkate nagraha reakʼ phaṭok duạr bolokʼ horre giḍikae reakʼe hukumkeda. Ar hoṛko do uni cetanre dhiriko giḍi puńjikeda. Ona do teheń hạbicʼ hõ menakʼgea.