Josuạ 7:25 - সান্তালী বাইবেল

²⁵ Ona tayom Josuại menkeda, “Abo cetanre cedakʼ muhin dom ạgukeda? Teheń Probhu Isor do amre hõ muhine paṛao ocoya.” Unre sanam Israelko do pạhilre Akhan ar ona tayom do uni gharońjren sanamko dhiriteko tiń gocʼketʼkoa. Ar ona tayom do jotowakʼko jeretʼ giḍikada.

Josuạ 7:25 Iomraidhean Croise

Genesis 34:30

Jakob do noa tayom Simeon ar Liwiye metatʼkinạ, “Aben do noa disạmren hoṛko ṭhen, bạ̃ṛtikaete Kananrenko ar Pherisiko ṭhen sĩṛĩcʼge ben so ocokedeńte muhinre ben paṛao ocokedińa. Aboren hoṛ doko thoṛagea. Onko do jarwa mitʼkate abo cetanre jhãpko ema, ar onate iń do gharońj sudhạń meṭao utạrokʼa.”

Genesis 38:24

Noa pe cando tayom Jihudạ doe ańjom ńamkeda, kimintetʼ doe laṭghaṭ akada ar onateye bhạrti hoṛmo akana. Noa katha ańjomkate Jihudạ doe menkeda, “Uni do oḍokete seṅgelreye khadle ocokʼma.”

1 Bõsbudạ 2:7

Simriren goṛomtetʼ koṛa metakʼme Karmiren hopon Akhon, one uniyakʼ ar mitʼṭen ńutum do Akor tahẽkantae, uni do maraokʼ lạgitʼ ṭhik dohoakatʼ jinise hataoletʼte Israel cetanre muhine ạguleda.

Kạhtukko 1:19

Bạṛicʼ upạite jãhãnakʼ lab lạgitʼ okoeko dạdạrkan onko sanamkoakʼ dosa do onkage hoyokʼtakoa; ar okako lab onate onkoakʼ jion do nosṭokʼtakoa.

Kạhtukko 15:27

Lalociạ hoṛ do acʼakʼ gharońjre duke ạguiya, menkhan okoe hoṛ ghuse hirkhạwakʼ uni do jione ńama.

Levitikus 20:14

Okoe hoṛ jãhãe hoponera ar uniren eṅgattetʼe baplakin uniyakʼ ona do hirkhạwakʼ kạmige hoyokʼtaea. Ar jãhãe onkanakʼe kạmi khan uni hoṛ ar unkin eṅgahon jotoge seṅgelre khadleko hoyokʼa jemon nonkan hirkhạwakʼ kạmi ape talare ar alo hoyokʼ.

Levitikus 21:9

Jãhãe naekeren hoponera loṭghuṭi iạteye ńurlen khan enḍekhan uni do acʼ apattetʼe besonot ocoyedekana. Ar uni kuṛi do seṅgelre atar giḍikae hoyokʼa.

Levitikus 24:14

“Sarapicʼ uni hoṛ do ḍera bahrete idiyepe. Ar okoe ona sarap emokʼko ańjomakade onko joto hoṛ do uniyakʼ bohokʼ cetanre tiko dohoytakoma, ar ona tayom Israelko do dhirite uniko tiń gojema.

Galathiko lạgitʼ Pạul Apostolakʼ ciṭhi 5:12

Okoe apeko ạulạuetʼpe, onkore ińakʼ khojogokʼakʼ do noage, onko do apnarge jemonko getʼ begarokʼ.

Dosar Biboron 13:10

Misor disạm reakʼ golam oṛakʼ khon okoeye oḍok ạguakatʼme amren Probhu Isor secʼ khon ruạṛmeye kurumuṭuyetʼ khan uni do dhiritem tiń gojea.

Dosar Biboron 13:11

Onate Israel do sanamkoge niạ katha ańjomkate botor caṛhaoakoa ar ape modren okoe hõ nonkan bạṛicʼ kạmi do bako kạmiya.

Dosar Biboron 17:5

enḍekhan okoe herel hoṛ se maejiu nonkae kạmiakatʼ uni do ato se nagraha reakʼ bahre phaṭok duạr ṭhen idikate dhiritepe tiń gojea.

Dosar Biboron 21:21

Unre ona ṭhạ̃iren sanam herel hoṛ do dhirite uniko tiń gojea. Ar nonkate ape tala khon uni bạṛicʼ hoṛ doe caba utạrokʼa. Ar Israelko do noa katha ańjomkate botor caṛhaoakoa.

2 Thessalonikiko 1:6

Isorakʼ dhorom bicạr do noage, okoe apeko duk ocoyetʼpe uni hõ onkoe duk ocokoa;

Ibriko 12:15

Ńelpe, okoe hõ jemon Isorakʼ daya khon aloko eṛanokʼ. Ar hewer haṛhatʼ dare reakʼ rehetʼ leka omon rakabokʼte okoe hõ jemon duk janam ocoyte ḍher hoṛ aloko bhonḍko.

Josuạ 6:18

Menkhan okako jinis do sarapanakʼ tabere menakʼ ona khon pharakre tahenpe jemon ona khon jãhãnakʼ apnar lạgitʼpe ạgujoṅte ape cetanre bạṛicʼakʼpe ạgujoṅ. Arpe onka lekhan Israelkoakʼ ḍera cetanre bạṛicʼakʼpe ạguiya ar muhinrepe paṛao ocokoa.

Josuạ 7:15

Ar okaṭakʼ do ḍahao marao sarapakʼ tabe reakʼkan ona okoe hoṛ ṭhen ńamokʼ uni hoṛ ar uniyakʼ sanamakʼ do seṅgelre atar giḍikakʼ hoyokʼa. Uni do Probhu Isorakʼ bondobose bemanot akada ar nonkan mitʼṭecʼe kạmi akada one okaṭakʼ do Israelko lạgitʼ mitʼṭecʼ lajao paṛaoakʼkan.”

1 Samuel 14:29

“Unre Jonathane menkeda, “Iń baba do hoṛkoe kosṭo ocoyetʼkoa. Ńelpe, niạ rasa thoṛagan mocareń idiketʼ sãote hoṛmore daṛe do ruạṛ hecʼadińạ.