Josuạ 7:24 - সান্তালী বাইবেল

²⁴ Josuạ ar sanam Israelko Serah bõsren Akhan do Akor lodamteko idikedea. Ar uni sãote ona kicricʼ, rupạ, sona ḍhimbạ, Akonren gidrạko, uniren ḍaṅgrako, bhiḍiko, gadhako ar uniyakʼ tạmbure cetʼ cetʼko tahẽkan ona jotoko iditorakeda.

Josuạ 7:24 Iomraidhean Croise

Genesis 18:25

Noa do am lạgitʼ baṅ hoedaṛeakʼa. Bạṛicʼ hoṛko sãote dhorom hoṛkom maraoko ona do baṅ hoedaṛeakʼa. Dhạrtiren bikʼcạricʼ do cetʼ hok reakʼ bae bicạra?”

Jobakʼ 20:15

Ar okaṭakʼ dhon duribkoe utʼletʼ ona doe becʼ giḍikakʼa; Isor do uniyakʼ lacʼ khon onae oḍok giḍiya.

Exodus 20:5

Onako do alom ḍobokʼakʼa, ar sewa hõ alom sewawakʼa, ente iń Probhuge amren Isor do. Iń do ińakʼ paona bhoktiń khojkana. Okoeko kurudạń onkoakʼ kại reakʼ sạjại do onkoren hoponko ṭhen pe pon piṛhi hạbicʼ iń pańja halawako kana.

Kạhtukko 15:27

Lalociạ hoṛ do acʼakʼ gharońjre duke ạguiya, menkhan okoe hoṛ ghuse hirkhạwakʼ uni do jione ńama.

Sosolhayic̕ 5:13

Siń cando latarre mitʼṭecʼ ạḍi bạṛicʼakʼ iń ńel akada- kisạ̃ṛ hoṛ do ḍher dhonko doho jogaogea menkhan sesre ona reakʼ do lokshan hoyokʼa.

Jesaea 65:10

Ińren hoṛko okoe do ińakʼ sana lekako calakʼkan onkoren pal bhiḍiko lạgitʼ Saron do ạtiń ṭạnḍi hoyokʼa ar Akhor buru nala do ạsul janwarko lạgitʼ aḍa reakʼ jaegage.

Hosea 2:15

Onḍe iń do uniyakʼ darkha bagwaniń ruạṛkataea ar Akhor reakʼ buru nala do as reakʼ duạriń hoeocoyea. Uniyakʼ juạn oktere leka uni do onḍeye sereńa cetʼleka uni do Misor khon oḍok hijukʼ dinreye sereńletʼ tahẽkan.

Josuạ 15:7

Ar ona do Akor tapol khon Debir hạbicʼ rakapʼ calaoente utạr secʼakʼ lodam reakʼ dạkhin reakʼ Adumimte rakapʼ calakʼ hor reakʼ samaṅ secʼ Gilgal hạbicʼ sen idiyena. Ar Gilgal khon En-Semser reakʼ ạtukʼkan dakʼ hạbicʼ sen idiyente ona do En-Rogel ṭhen mucạtʼena.

Josuạ 22:20

Okako jinis do ḍahao maraokʼ reakʼ kan ona reaṅ Sera hopon Akan do bepạtiạricʼe hoylente Probhu Isorakʼ edre goṭa Israelko cetanre cetʼ baṅ paṛaolena? Uni do acʼakʼ kại iạte eskar do bae gocʼlena.’ ”

Josuạ 6:18

Menkhan okako jinis do sarapanakʼ tabere menakʼ ona khon pharakre tahenpe jemon ona khon jãhãnakʼ apnar lạgitʼpe ạgujoṅte ape cetanre bạṛicʼakʼpe ạgujoṅ. Arpe onka lekhan Israelkoakʼ ḍera cetanre bạṛicʼakʼpe ạguiya ar muhinrepe paṛao ocokoa.

Josuạ 6:21

Onko do khanḍa banḍawante herel ar maejiuko, gidrạ ar haṛam buḍhiko, ḍaṅgrako, bhiḍiko, gadhako ar eṭakʼ sanam jiwiyankoko marao cabaketʼkoa.

Josuạ 7:1

Jerikho nagraha maraokʼ reakʼ sarapanakʼ jinisko babotre Israelko do pạtiạrangeko tahẽkana. Menkhan Jihudạ gusṭiren Kạrmi hopon Akhan do onako jinis khon thoṛa do acʼ lạgitʼe dohokeda. Uni do Sabdaeren hopon Serahren goṛomtetʼ koṛae tahẽkana. Uni do noa kạmi iạte Israelko cetanre Probhu Isorakʼ pite caṛhao ocoketʼtaea.

Josuạ 7:23

Onko do tạmbu khon onako oḍok ạguketʼte Josuạ ar Israelko samaṅre ạgukate Probhu Isor samaṅreko dohokada.

Josuạ 7:26

Akhanakʼ hoṛmo cetanre onko do ạḍi utạr dhiriko puńjikeda. Ona do teheń hạbicʼ hõ menakʼgea. Inạ tayom Probhu Isor do acʼakʼ edre khone ạcurena. Ar onate ona jaega do Akor lodamko metakʼkana.