Josuạ 7:19 - সান্তালী বাইবেল

¹⁹ Josuạ do unre Akhane metadea, “E bạbu, sạri katha menkate Israelkoren Isor sarhao ar ṭhonokʼ emaeme; ar am okam ceka akatʼ ona lạiyạńme, alom okoea.”

Josuạ 7:19 Iomraidhean Croise

2 Rapajko 20:15

Nạbi do uniye kulikedea, “Onko do amakʼ raj oṛakʼre cetʼ cetʼko ńelkeda?” Hiskiại menkeda, “Ińakʼ raj oṛakʼ reakʼ sanamakʼge onko doko ńelkeda. Ińakʼ khajańci oṛakʼre nonkan cetʼge bạnukʼa one okaṭakʼ do bạń udukʼ akawatʼko.”

2 Bõsbudạ 30:22

Probhu Isorakʼ sewa kạmire okoe Liwiko do gạkhuṛko tahẽkan Hiskiạ do onkoe udgạuketʼkoa. Onko do sulukren samaṅokʼakʼ porobko porobente eae din hạbicʼko jom-ńũkeda ar onkoren hapṛamkoren Probhu Isorko sarhaokedea.

Sereńko 32:5

Unre ińakʼ kại do am ṭheniń aṅgockeda, ińakʼ bedhorom do ar bạń oko doholeda. Ińiń menkeda, “Ińakʼ ghạṭko reakʼ katha do ińren Probhu Isor ṭheniń aṅgoca.” Ar am do ińakʼ ghạṭkom ikạkatʼa. (Sela)

Sereńko 51:3

Ińakʼ sanam ghạṭko reakʼ katha do disạ menakʼtińgea; ar ińakʼ kại do jaoge iń samaṅre menakʼa.

Kạhtukko 28:13

Okoe hoṛ acʼakʼ kạiye danaṅkakʼ uni do bae jo baha daṛeakʼa, menkhan okoe onae aṅgoc are bạgiyakʼ uni do dayae ńama.

Jesaea 13:12

Unre hoṛko do khạṭi sona khon hõ bạ̃ṛtiń mahrog ocokoa ar manwa do ophir sona khon hõ bạ̃ṛtige.

Jirimiạ 13:16

Ape do aperen Probhu Isor sarhaoepe, ar baṅkhan uni do ńute ạguapea ar ape do ńut hijukʼkan buru cetanrepe tohodokʼa. Marsal reakʼpe aslenre hõ uni do ńute hoeocoya, ar ona do kaṛaṅ kucạṅ ńutge hoyokʼa.

Daniel 9:4

Ińren Isor Probhu ṭheniń koejoṅana ar kại aṅgockateń menkeda, “E Probhu, am do maraṅ ar botoricʼ Isor kanam. Am do bondobos ar daya onko tulucʼem dohoyeda okoe do amko dulạṛetʼme ar amakʼ hukumko dohoyetʼtam.

Luk 17:18

Isor gun manao joharae lạgitʼ nui eṭakʼ jạtren chaḍa ar okoe hõ cetʼ bako ruạṛlena?

Johan 9:24

Ado okoe kãṛãgeye tahẽkan mukhiyạko do arhõ dosar dhao hohowadeteko metadea, “Am do sạri katha roṛte Isorge sabasi emaeme. Alele baḍaea uni doe kại hoṛ kana.”

Romiko lạgitʼ Pạul Apostolakʼ ciṭhi 10:10

ente ontorre biswạs iạte Isor do manwa dhorom menteye lekhayea ar mocateye aṅgocetʼkante kại khone bańcaoea.

2Timothi 2:25

Okoe uni upạrteko teṅgokʼ onko do mạ̃hir salakʼe cetʼako ma. Ona cecetʼakʼ do noa asteye emakoma, Isor do mon ạcur reakʼ ạte emakote onko do Isorakʼ sạriyakʼtetʼ reakʼ khạndritetʼ jemonko baḍae daṛeakʼ.

Titus lạgitʼ Pạul Apostolakʼ ciṭhi 2:2

Haṛam hoṛ do jotowakʼre soteko tahen ma; ar manot ńam lekko hoyokʼma; onko do bhage akelanko, sạri pạtiạu, dulạṛ ar sombhuri mon tahentako.

Jakob 1:20

ente abo ṭhen khon Isor oka dhorom jione asokʼkan ona do raṅgao talate oho hecʼlena.

Josuạ 7:20

Akhane roṛ ruạṛkeda, “Noa katha do sạri kana, Israelkoren Probhu Isor upạrteń kại akada. Ar okań kạmi akatʼ ona do noa kana,

Johan sodor 16:9

Unre ãṭ elaṅte hoṛko loyena, ar noako sạjại cetanre okoeyakʼ ektiạri menakʼtako onko do uni Isorko henostawadea. Menkhan onko do enrehõ mon bako ạcurleda ar Isor bako sabasiwadea.

1 Samuel 14:43

Sạul do unre Jonathane metadea, “Lạiạńme, am do cetʼem ceka akada?” Jonathan do uniye metadea, “Ińakʼ ṭheṅga agalte thoṛagan dumur rasań jomakada, ar onate cetʼ iń do gujukʼ hoyokʼtińạ?”

1 Samuel 6:5

Okaṭakʼ ojo ruạ do apeakʼ hoṛmore hoyakan ar okoe goḍoko apeakʼ disạmko jarkharetʼkan onkoakʼ muṭhạn benaope ar Israelkoren Isor mạhimawaepe. Ado pasecʼ uni do ape cetan khon ar aperen Debotako ar disạm cetan khon acʼakʼ keṭecʼ tiye ocogtaea.