Josuạ 7:15 - সান্তালী বাইবেল

¹⁵ Ar okaṭakʼ do ḍahao marao sarapakʼ tabe reakʼkan ona okoe hoṛ ṭhen ńamokʼ uni hoṛ ar uniyakʼ sanamakʼ do seṅgelre atar giḍikakʼ hoyokʼa. Uni do Probhu Isorakʼ bondobose bemanot akada ar nonkan mitʼṭecʼe kạmi akada one okaṭakʼ do Israelko lạgitʼ mitʼṭecʼ lajao paṛaoakʼkan.”

Josuạ 7:15 Iomraidhean Croise

Genesis 34:7

Jakobren hoponko ona kathako ańjomketʼ khan gupi ṭạnḍi khonko hecʼena. Ar monre cetʼleka kosṭoko ạikạuketʼ onkage ạḍi bạṛicʼko raṅgaoena, ente Sikem do Jakobren hoponerawakʼ kũạritetʼe nosṭoketʼtaete Israel lạgitʼ mitʼṭecʼ opoman reakʼe kạmikeda, one okaṭakʼ kạmi do baṅ ganokʼakʼ tahẽkan.

2 Samuel 13:13

Ińakʼ do cetʼ hoyokʼtińạ? Cekate ińakʼ lajao doń okoetińạ? Ar amhõ Israelko talare mitʼṭen kharap hoṛ menteko baḍaemea. Nehõram kạnạń, am do boroṅ raj ṭhen senkate metaeme; enḍekhan uni do amakʼ tireye jimạyińạ.”

Josuạ 7:11

Israelko doko kại akada; iń okaṭakʼ bondobos manao lạgitʼ iń metatʼko tahẽkan ona do bako pańja akada. Ar okako jinis do sarapakʼ tabe reakʼ kan ona reakʼ thoṛako hatao akada; arko kombṛo akada, eṛe kathako roṛakada ar akoakʼ jinisko sãote onako dohoakada.

Josuạ 7:16

Dosar hilokʼ ạḍi setakʼre Josuạ do gusṭi lekate Israelko Probhu Isor samaṅreye ạguketʼkoa, ar onate Jihudi gusṭirenkoko sapʼ ńamena.

Bikʼcạrko 20:10

Israelkoren sanam gusṭiko mod khon mimitʼ mitʼsae hoṛ khon gel hoṛ, hajarko khon mitʼsae ar gel hajar khon mitʼ hajar hoṛ bon bachaokoa. Onko do senkate lạṛhại phạdko lạgitʼ jomakʼko ạguiya; ar abo do Benjamin ṭoṭha reakʼ Gibeate senkate Israelko talare oka hirkhạwakʼko kạmi akatʼ ona reakʼ bon halawakoa.”

Bikʼcạrko 20:5

Ńindạ jokhecʼ Gibearen hoṛ do iń sendrayiń lạgitʼ oṛakʼko gheraokeda. Onko do iń gojeńko menleda, menkhan ona bodolte ińren chuṭki era tulucʼ jorkateko laṭghaṭkeda, ar onate uni doe gocʼena.

Bikʼcạrko 20:6

Israelko talare nonkan bạṛicʼ ar hirkhạwakʼko kạmi akatʼte ińren chuṭi era doń phạṛikedea ar Israelkoakʼ gelbar goṭecʼ jaegare ona doń kolkeda.

1 Samuel 26:21

Unre Sạule menkeda, “Aliń doliń kại akada. E jãwãe, aben do dela ruạṛ hijukʼ ben. Teheń ạlińakʼ jiwi do aben ṭhen ạḍi damakʼge tahẽkana; ạliń do abenakʼ loksan reakʼ ar bạliń kurumuṭuya. Sạrige noa maraṅ behok iạte lelha leka liń kạmi akada.”