Josuạ 7:13 - সান্তালী বাইবেল

¹³ “Am do senkate iń ńutumte hoṛko begarkom. Arem metakoa onko jemon gapa lạgitʼ apnartetʼ sapha akanko tahen ma. Israelkoren Probhu Isore meneda, ‘E Israel, ape modren nonkanakʼ jinis menakʼa one okaṭakʼ do ḍahao maraokʼ sarapanakʼ tabe reakʼ kan. Onako ape tala khon ạuripe oḍok giḍikakʼ hạbicʼ aperen bạiriko samaṅre bape teṅgo daṛeakʼa.

Josuạ 7:13 Iomraidhean Croise

Genesis 34:27

Ar Jakobren eṭakʼ hoponko do ona nagrahate bolokate okare akoren miserate nosṭo ocolen onḍe eken mạ̃ṛĩko ńelketʼ khan ona nagrahako luṭkeda.

2 Bõsbudạ 28:10

Ar ńitokʼ ape do Jihudạ ar Jerusalemren hoṛko aperen golam hoyocokope menjoṅkana. Menkhan aperen Probhu Isor ṭhen ape do cetʼ dusipe baṅkana?

Mathae 7:5

E phạsiạra! Pạhilre amakʼ mẽtʼ reakʼ jobra ocokʼ maṛaṅlem, enḍekhan boehamakʼ mẽtʼ khon cubạkʼ oḍokʼ lạgitʼ pusṭạutem ńeńela.

Dosar Biboron 13:6

“Dhạrti reakʼ mitʼ simạna khon eṭakʼ simạna hạbicʼ ape beṛhaeten sor ar sạṅgińren okoe do debotako sewawako kan, ar okoe do amren hapṛamkoren bin baḍayicʼ uni debota secʼ amren boeha se amren hopon ar hoponerako se amren bạhu se amren gate am ńamkate bạṛicʼ horte calakʼ lạgitʼe metam, ‘dela, debotako laṅ sewawakoa,’

Josuạ 3:5

Inạ tayom Josuạ do hoṛkoe metatʼkoa, “Apnar baṛe saphakʼpe, ente gapa Probhu Isor do ape talare maraṅ hahaṛawakʼe kạmiya.”

Josuạ 6:18

Menkhan okako jinis do sarapanakʼ tabere menakʼ ona khon pharakre tahenpe jemon ona khon jãhãnakʼ apnar lạgitʼpe ạgujoṅte ape cetanre bạṛicʼakʼpe ạgujoṅ. Arpe onka lekhan Israelkoakʼ ḍera cetanre bạṛicʼakʼpe ạguiya ar muhinrepe paṛao ocokoa.

Josuạ 7:11

Israelko doko kại akada; iń okaṭakʼ bondobos manao lạgitʼ iń metatʼko tahẽkan ona do bako pańja akada. Ar okako jinis do sarapakʼ tabe reakʼ kan ona reakʼ thoṛako hatao akada; arko kombṛo akada, eṛe kathako roṛakada ar akoakʼ jinisko sãote onako dohoakada.