Biblia Todo Logo
Bìoball air-loidhne

- Sanasan -




Josuạ 7:12 - সান্তালী বাইবেল

12 Ona iạte Israelko do akoren bạiriko samaṅre bako teṅgo ṭarhao daṛeakʼ kana; arko dạṛeda, ente onko do ḍahao maraokʼ reakʼ sarapakʼ taberen hoṛko hoyakana. Ḍahao maraokʼ sarapakʼ tabe reakʼ jinisko ape ṭhen menakʼa. Onako ạuripe ocokʼ cabae hạbicʼ ape sãore iń do bạń tahena.

Faic an caibideil Dèan lethbhreac




Josuạ 7:12
21 Iomraidhean Croise  

Bạiriko samaṅ khonem pạc ocoketʼlea; ale upạrtenko do aleko luṭ akatʼlea.


E Isor, am do cetʼ alem bạtil akatʼlea? Aleren phạdko tulucʼ do ar bacom calakʼkan.


Bedhoromko do begor khudạukotegeko dạṛ joṅa, menkhan dhorom hoṛ do dhạcri kul leka dil akaeko tahena.


Menkhan apeakʼ kạige aperen Probhu Isor ṭhen khone begar akatʼpea. Apeakʼ ghạṭ iạtege uni doe dea giḍiakatʼpea; ar onatege bae ańjometʼtapea.


Probhu Isor do ińe metadińạ, “Noko hoṛ se jãhãe nạbi se naekeko tinre amko kulimea, ‘Probhu Isorakʼ katha do cetʼ kana mente?’ Unre onkom lạiyakoa, Probhu Isore meneda, ‘ape do ińren bojhako kanape ar iń doń giḍikapegea.’


E Jerusalem, sontorokʼ reakʼ katha ańjomme, ar baṅkhan am ṭhen khon ruạṛ senkate amakʼ disạmiń jarkhar cabaytama ar baṅ berelokʼ disạmgeń hoeocoya.”


Onkoren gidrạkoko ạsul haralekore hõ onko gidrạ doń gocʼkoa; onkoren mitʼṭen hõ bako tahena. Hae onko do, tinre onko ṭhen khoniń calakʼa.


Am do nunạkʼgem khạṭigea je, am do bạṛicʼakʼ secʼ beṅgetʼ hõ bam beṅgetʼeda ar behokakʼ hõ bam sahao daṛeakʼ kana. Enḍekhan cekate onko bepạtiạr hoṛ do bhage mẽtʼtem ńeletʼkoa? Dusṭạmi hoṛ do tinre ako khon hõ bhage hoṛko tạhuṛetʼkoa unre cedakʼ am do hape akanem tahenkana?


Mose do Probhu Isorakʼ sanam kathako Israelkoe baḍae ocoketʼkoa. Ar onate onko do ạḍiko bhabnayena.


Alope rakapʼ calakʼa, ente Probhu Isor do ape soṅgere bạnuiya. Bạiriko ṭhenpe bhagao ocokʼa.


Onḍe ape do Amalekiko ar Kananrenko samaṅrepe paṛaokʼa. Ar Probhu Isor khonpe sahaṛ akante uni do ape tulucʼ bae tahena. Onate ape do lạṛhạirepe gujukʼa.”


Onko ńelte buru ṭoṭharen Amalekiko ar Kananrenko do pheḍ hecʼkate onkoko jhuṭiạuketʼkoa ar Horma nagraha hạbicʼko laga idiketʼkoa.


Jãhãn hirkhạwakʼ jinisko oṛakʼte alope adera. Onako do mon ar ontorte hirkhạwakʼpe ar giḍikakʼpe, ente onako cetanre do maraokʼ reakʼ sarap menakʼa. Ar oṛakʼtepe ader khan ape cetanre hõ sarap paṛaokʼa.


Menkhan okako jinis do sarapanakʼ tabere menakʼ ona khon pharakre tahenpe jemon ona khon jãhãnakʼ apnar lạgitʼpe ạgujoṅte ape cetanre bạṛicʼakʼpe ạgujoṅ. Arpe onka lekhan Israelkoakʼ ḍera cetanre bạṛicʼakʼpe ạguiya ar muhinrepe paṛao ocokoa.


Ona tayom Dolila doe metadea, “E Samson, Philisṭiko do am sapʼme lạgitʼko hecʼakana.” Samson do jạpitʼ khon ebhenkateye hudiskeda, lahate lekage irci giḍikate bahreteye oḍok calakʼa mente. Menkhan bae baḍaekan tahẽkana, Probhu Isor do uniye bạgi giḍi akadea mente.


Ona iạte Probhu Isor do Israelko luluṭkoakʼ tireye jimạyetʼko tahẽkana. Onko do onkoakʼ jiniskoko luṭetʼ tahẽkana. Uni do onkoren beṛhaeten bạiriakʼ tireye jimạyetʼko tahẽkana, ar onate bạiriko upạrte bako teṅgo daṛeakʼkan tahẽkana.


Probhu Isorren goḍet do tinre Israelko ṭhen niạko kathae menkeda unre onko do ãṭ aṛaṅte rarakʼko ehopʼena.


Ona iạte Sạule menkeda, “Lạṛhại dolren mukhiyạko, dela nonḍe hijukʼpe. Teheńakʼ niạ kại do cekate hoyena, ona reakʼ khoj khobor bon hataoa.


Lean sinn:

Sanasan


Sanasan