Josuạ 6:6 - সান্তালী বাইবেল

⁶ Unre Nunren hopon Josuạ do naekeko hohowatʼkoteye metatʼkoa, “Ape do goha-sinduk gogpe ar eae naekeko do eae goṭecʼ sakwa sapʼkate Probhu Isorakʼ sinduk laha lahateko calakʼma.”

Josuạ 6:6 Iomraidhean Croise

Exodus 25:14

Ar sinduk gokʼ idi lạgitʼ ona banar kạṛi talate ona ḍaṅkinem gutu dohokakʼa.

Aposkạmi 9:1

Ar Sạul do unhạbicʼ Probhu Isorren celako gocʼko reakʼ botore udukʼako kan tahẽkana. Uni do Damesek nagraha reakʼ sunạgogkore jimạko lạgitʼ maraṅ naeke ṭhen senkate ciṭhiye koekeda. Ar tinạkʼ hoṛ Jisuakʼ horteko calakʼkan tahẽkan, baṅ do herel hoponko, baṅ do maejiuko, onko sanamkoe ńamlekore jemon tolkate Jerusalemteye ạgu daṛeako ona reakʼ ektiạri ńam lạgitʼ uni do ona ciṭhiye khojleda.

Josuạ 24:11

“ ‘Ona tayom ape do Jordan gaḍa paromkate Jerikho nagrahatepe hecʼena. Jerikho nagraharen hoṛko ar Amoriko, Pherisiko, Kananiko, Hittiko, Gergasiko, Hiwiko ar Jebusiko do ape upạrteko lạṛhạiyena, menkhan iń do onko sanamko apeakʼ tireń jimạketʼkoa.

Josuạ 3:6

Ona tayom uni do naekekoe metatʼkoa, “Ape do goha-sinduk gokʼkate hoṛko laha lahate gaḍape paromokʼa. ” Onate onko do goha-sinduk gokʼkate hoṛko laha lahateko calao idiyena.

Josuạ 6:13

Ar eae naekeko do eae goṭen bheḍa dereń reakʼ sakwa oroṅ oroṅte Probhu Isorakʼ sinduk laha lahateko senena. Ar khanḍa banḍawante palṭonko do onko laha lahate ar Probhu Isorakʼ sinduk tayomre do rurukhiyạ dolko; ar purạ okte sakwa reakʼ saḍe do ańjomena.

Josuạ 6:5

Ar tinre naekeko do mitʼ dhãote sakwako oroṅa unre sanam hoṛko ãṭ aṛaṅtepe hohoya. Onate nagraha reakʼ pạcri bhit do lạnduṛ ńurokʼa ar Israelko do onateko decʼ bolokʼa.”

Josuạ 6:7

Ona tayom hoṛkoe hukumatʼkoa, “Ape do laha idikʼpe ar nagraha beṛhaete ạcurokʼpe. Ar palṭonko do Probhu Isorakʼ bondobos sinduk laha lahateko calakʼma.”

Josuạ 6:8

Josuạ do hoṛko galmaraoakoe sạtketʼ khan Probhu Isor samaṅre eae naekeko do eae goṭen bheḍa dereń reakʼ sakwa oroṅ oroṅteko mohnḍayena ar onko tayomte do Probhu Isorakʼ bondobos-sinduk.

1 Samuel 4:3

Ado Israelren lạṛhại phạdko akoakʼ ḍerateko ruạṛ calaoen khan onkoren murubbikoko metatʼkoa, “Philsiṭiko ṭhen Probhu Isor do cedakʼ teheńe bhagao ocoketʼbona? Dela, Probhu Isorakʼ goha sinduk do Silo khon bon ạguiya jemon Probhu Isor do abo sãote tahẽkate bạirikoakʼ ti khone rukhiyạ bon.”