Josuạ 6:4 - সান্তালী বাইবেল

⁴ Ar eae naekeko do bheḍa dereń reakʼ eae goṭecʼ sakwa do bondobos-sinduk laha lahate idikʼa. Ar eaeakʼ dinre ape do nagraha beṛhaete eae dhaope ạcurokʼa ar ona sãote naekeko do sakwako oroṅa.

Josuạ 6:4 Iomraidhean Croise

Genesis 2:3

Uni do noa eaeakʼ dine bhorada ar acʼ lạgitʼe begar dohokada, ente enhilokʼ uni do sirjạu reakʼ kạmiye sạtkeda are jirạuena.

1 Rapajko 18:43

Ona tayom acʼren gutiye metadea, “Am do senkate doreão secʼ beṅged me.” Uni do senente ńelkateye menkeda, “Onḍe do cetʼge baṅ ńelokʼkana.” Nonkage Eliạ do eae dhao senkate ńeńele metadea.

2 Rapajko 5:10

Unre Elisae do mitʼṭen hoṛ hoteteye roṛ gotʼkada, “Jordan gaḍate senkate am do eae dhao umokʼme. Inạ khan am dom boge utạrokʼa.”

2 Rapajko 5:14

Unre Naman do Isorren hoṛakʼ katha leka senkate jordanre eae dhaoe unumena. Onate uniyakʼ hoṛmo do bogeyena ar huḍiń gidrạkoakʼ hoṛmo leka arhõ mońj ruạṛentaea.

2 Bõsbudạ 13:12

Isor do ale sãore menaea; unikangeae aleren mukhiyạ do. Uniren naekeko do sakwako oroṅetʼte ape upạrte lạṛhại lạgitʼ ale sãote menaea. E Israelren hoṛko, aperen hapṛamkoren Probhu Isor upạrte do alope lạṛhạiya, ente bape jo baha daṛeakʼa.”

2 Bõsbudạ 20:17

Niạ lạṛhạire ape do bape lạṛhạiya. E Jihudạ ar Jerusalemren hoṛko, ape do sạr sạrte teṅgokʼpe ar Probhu Isor oka lekae bańcaope ona baṛe ńelpe. Ar alope botorokʼa ar alope as chuṭạukʼa. Gapage onko upạrte oḍok senokʼpe ar Probhu Isor do ape soṅgereye tahena.’ ”

2 Bõsbudạ 20:19

Ona tayom Kohatren ar Korahe bõsren Liwiko do teṅgoyente ãṭ aṛaṅte Israelren Probhu Isorko sarhaokedea.

2 Bõsbudạ 20:21

Jehosaphat do hoṛko sãoteye sopolhaketʼte Probhu Isor ńutumte sereń ar uniyakʼ ṭhonokte perecʼ sonottetʼ sarhaotae lạgitʼ hoṛkoe bahalketʼkoa jemon onko do lạṛhại phạdko laha lahate niạ kathako roṛ idi, “Probhu Isor sarhaoepe, ente uniyakʼ daya do jaejug hạbicʼkana.”

Jobakʼ 42:8

Onate ńitokʼ eae goṭen ḍaṅgra ar eae goṭen bheḍa ạgukate ińren guti Job ṭhen senokʼpe ar apnar lạgitʼ jeredokʼ samaṅokʼakʼ samaṅpe. Ińren guti Job do ape lạgitʼe koejoṅa ar iń do onań ataṅtaea, apeakʼ lelhatetʼ leka jo do bạń emapea.”

Jesaea 27:13

Enhilokʼ maraṅ mitʼṭecʼ sakwa do oroṅokʼa. Unre Ạsur disạmre okoe do atʼko tahẽkan ar Misorte okoeko laga ńir ocolen onkoko ruạṛ hijukʼa ar Jerusalem reakʼ sonot burure Probhu Isorko sewawaea.

Levitikus 14:16

Ar jojom ti reakʼ kạṭupʼko sunumre cạbukʼkate Probhu Isor samaṅre eae dhaoe irciya.

Levitikus 4:6

Ar ona mãyãmre acʼakʼ kạṭupʼe caḍoetaea ar thoṛa mãyãm do Probhu Isor samaṅre ona sonot ṭhạ̃i reakʼ orwal secʼ eae dhaoe irciya.

Sakariạ 4:2

Uni doe metadińa, “Am do cetʼem ńeleda?” Ińiń roṛ ruạṛadea, “Iń do mitʼṭecʼ sona reakʼ diuhe dohowakʼ iń ńeletʼkana ar ona reakʼ bohokʼre do mitʼṭecʼ sunum reakʼ cukạkʼge. Ona diuhe dohowakʼ cetanre eae goṭecʼ diuhe ar mimitʼ goṭecʼ diuhere eae goṭecʼkate sultạ dohoy reakʼ jaega menakʼa.

Sakariạ 4:6

Unre uni doe metadińa, “Probhu Isor do Serubabel noa sombate emaekana, ‘daṛe se ektiạri hotete do baṅa, menkhan iń phạdkoren Probhu Isorgeń meneda, ińren Jiu hotete am dom jo bahakʼa.

Numeri 23:1

Ona tayom Biliam do Balake metadea, “Nonḍe iń lạgitʼ eae goṭecʼ pinḍ benaome ar onare samaṅko lạgitʼ eae goṭecʼ ḍaṅgra ar eae goṭecʼ bheḍa bondobosạńme.”

Josuạ 6:13

Ar eae naekeko do eae goṭen bheḍa dereń reakʼ sakwa oroṅ oroṅte Probhu Isorakʼ sinduk laha lahateko senena. Ar khanḍa banḍawante palṭonko do onko laha lahate ar Probhu Isorakʼ sinduk tayomre do rurukhiyạ dolko; ar purạ okte sakwa reakʼ saḍe do ańjomena.

Josuạ 6:3

Ape do sanam palṭonkowante nagraha beṛhaete mitʼ dhao ạcurokʼpe; ar turui din hạbicʼ onkaepe.

Josuạ 6:5

Ar tinre naekeko do mitʼ dhãote sakwako oroṅa unre sanam hoṛko ãṭ aṛaṅtepe hohoya. Onate nagraha reakʼ pạcri bhit do lạnduṛ ńurokʼa ar Israelko do onateko decʼ bolokʼa.”

Johan sodor 1:20

Ar oka eae goṭecʼ sona reakʼ diuhe dohowakʼ ar ińakʼ jojomtire eae goṭecʼ ipilem ńelketʼko ona reakʼ mane do noage, onko eae goṭecʼ ipil do, eae goṭecʼ manḍerren eae goṭen goḍet kanako ar eae goṭecʼ diuhe dohowakʼ do ona eae goṭecʼ manḍer kana.

Johan sodor 1:4

Iń Johan do Ạsiạ reakʼ eae goṭecʼ manḍerko ṭheniń oleda. Okoe menae, okoeye tahẽkan ar okoeye hijukʼkan uni ar uniyakʼ siṅghạson samaṅre okoe eae goṭen Jiuko tahenkan, onko ar Jisu Mạsi do daya ar sulukko dan apema.

Johan sodor 15:1

Tayomte iń do sermare ar mitʼṭecʼ maraṅ ar hahaṛa cinhạń ńelkeda. Ona do eae goṭen serma goḍet ar onkoakʼ tire mucạtʼ eae goṭecʼ sạjại kana. Noako do mucạtʼ sạjại ńumogokʼ kana, ente noakote Isorakʼ edre do caba utạrokʼa.

Johan sodor 15:7

Onko ponea jiwiyankoren mitʼṭen do onko eae goṭen serma goḍetko eae goṭecʼ bạṭiye ematʼkoa. Ar Isor, okoe do jug jug khon jaejug hạbicʼ jiwetʼ menae, uniyakʼ edrete onako bạṭi do perecʼ akan tahẽkana.

Johan sodor 16:1

Inạ tayom iń doń ańjomkeda, ona mundil khon onko eae goṭen serma goḍetko do mitʼ hoṛ ãṭ aṛaṅteye metako kana, “Ape do senkate Isorakʼ edrete perecʼ eae goṭecʼ bạṭi dhạrtire dulpe.”

Johan sodor 5:1

Okoe ona siṅghạson cetanreye duṛupʼ akan tahẽkan uniyakʼ jojomtire mitʼṭecʼ puthiń ńelkeda. Puthi reakʼ bahre ar bhitrire do ol tahẽkana ar eae goṭecʼ mohorte chapakatʼ tahẽkana.

Johan sodor 5:6

Ponea jiwiyanko ar murubbiko talare okaṭakʼ siṅghạson tahẽkan, ona cetanre mitʼṭen Bheḍa Hopon teṅgo akaniń ńelkedea. Ińiń hudisetʼ tahẽkana pasecʼ uni Bheḍa Hopon doe gocʼ ocolen tahẽkana. Uni Bheḍa Hoponakʼ do eae goṭecʼ dereń ar eae goṭecʼ mẽtʼ tahẽkana. Ar Isorren eae goṭen Jiu okoe do dhạrti reakʼ sanam jaegateko kol ocokʼkan ona mẽtʼko do onko eae goṭen Jiu kanako.

Johan sodor 8:2

Ar okoe eae goṭen serma goḍetko Isor samaṅreko teṅgo akan tahenkan onkoń ńelketʼkoa. Onko do tire eae goṭecʼ siṅgạko ematʼkoa.

Johan sodor 8:6

Eae goṭen serma goḍetko ṭhen okaṭakʼ eae goṭecʼ siṅgạ tahẽkan, onko do ona oroṅ lạgitʼko sapṛaoena.