Josuạ 6:23 - সান্তালী বাইবেল

²³ Niạ katha ańjomkate unkin disạm cikʼyạkin juạn hoṛ do Rahabakʼ oṛakʼte bolokate uni ar uniren go-baba, boehako ar oṛakʼren hoṛkokin oḍok ạguketʼkoa. Onko do Rahabakʼ gharońjren sanamkoko oḍok ạguketʼkote Israelkoakʼ ḍera bahrereko tahẽ ocoatʼkoa.

Josuạ 6:23 Iomraidhean Croise

Genesis 12:2

Iń do am khon mitʼ maraṅ jạtiń benaokoa. Amiń bhorama ariń maraṅmea amakʼ ńutum do goṭa beṛhae pasnaokʼtama ar am hotete hoṛ do bhorko ńama.

Genesis 18:24

Nagrahare jodi mõṛẽgel dhorom hoṛko tahen enḍekhan onko mõṛẽgel iạte cetʼ goṭa nagraha bam moneyakʼte onam marao giḍikakʼa?

Genesis 19:29

Nonkate Lot okareye tahẽkan Isor do ona bilạn ṭạnḍi reakʼ nagrahae maraoetʼ tahẽkanre Abrahamakʼ katha disạkate Lot do onḍenakʼ muhin khone ocokʼ ạgukedea.

Numeri 31:19

“Ar ape modre okoe do hoṛpe gocʼakatʼko se gocʼ hoṛpe joṭetʼ akatʼko khan onko eae din hạbicʼ ḍera bahrere tahen hoyokʼtapea. Ar tesar ar eae din hilokʼ do ape apnartetʼ ar bondikatepe ạguakatʼko hoṛko saphakʼ hoyokʼtapea.

Aposkạmi 10:28

Uni doe metatʼkoa, “Ape mape baḍaege je, mitʼṭen Jihudi hoṛ do mitʼṭen boṅgan hoṛ sãote gatekʼ se uni sãote ńapamokʼ hõ aleakʼ dhorom reakʼ ạn-ạri birudkana. Menkhan Isor do ińe udukʼ akawạdińạ, okoe hõ besapha se chut mente metako do lek baṅkantińạ.

Aposkạmi 27:24

‘E Pạul, alom botorokʼa. Am do Kạisạr samaṅre teṅgokʼ hoyokʼtama. Ar noa jahajre tinạkʼ do am sãoteko calakʼkan onko sanamkoakʼ jiwi Isor do dayateye dan akawatʼmea.’

1 Korinthiko 5:12

Manḍer bahreren hoṛko bicạrko reakʼ do cetʼ jạruṛ paṛao akawạdińa? Menkhan manḍerren hoṛko bicạrko do cetʼ lek baṅ kantapea? Okoeko bahreren kan onkoakʼ do Isorgeye bicạra. Sonot sostor reakʼ katha leka, “Ape tala khon uni bạṛicʼ hoṛ do oḍok giḍikaepe.”

Ephesiko lạgitʼ Pạul Apostolakʼ ciṭhi 2:12

Disạipe, lahate ape do Mạsi khon begargepe tahẽkana; jạtrenko lekate Israelkoakʼ oka ạidạri menakʼ ona ạidạri khon bahrerepe tahẽkana; Isor do Israel jạtrenko lạgitʼ okae gokʼ dohoakatʼ tahẽkan ona sãote apeakʼ jãhãn bondobos baṅ tahẽkana; ar noa dhạrtire ape do Isor chaḍagepe tahẽkana.

Ibriko 11:31

Biswạs iạtege Rahab kusmbi do Jerikho nagrahareko tahẽkan bebatao hoṛko sãote bae nosṭolena, ente uni do unkin disạm ciyạkin peṛa lekae ataṅ aderletʼkinạ.

Ibriko 11:7

Okaṭakʼ do unrehõ baṅ ńelokʼkan tahẽkan, ona reaṅ Isor do Nohae sontorledea. Noha do Isor bhokti hoṛe tahẽkante Isorakʼ kathare biswạskate mitʼṭecʼ jahaje benaoleda, jemon acʼakʼ gharońjrenko rukhiyạko ńam. Noha do acʼakʼ biswạs hotetege dhạrtirenko dusi menteye sạbudletʼkoa ar Isor ṭhen dhorom mente ataṅokʼ reakʼ ạidạriye ńamleda, one oka do eken biswạs hotetege ńamokʼkan.

Josuạ 2:13

ińren go-baba, boeha-misera ar onkoren sanam hoṛkoakʼ jiwi ben rukhiyạite jiwetʼben doholea.”

Josuạ 2:16

Ar unkine metatʼkinạ, “Aben sasapʼ okoeko senakan onko jemon aloko sendra ńam ben onate buru secʼte calakʼ ben. Ar onḍe pe din oko akan tahen ben; ar ona tayom onko hoṛko ruạṛ hecʼlen khan abenakʼ horte ruạṛ calakʼ ben.”

Bikʼcạrko 1:25

Unre uni hoṛ do hore udukʼatʼkoa ar onko do senkate nagraharen sanam hoṛko gocʼketʼkoa, menkhan uni hoṛ ar uni bõsren doko aṛakʼkatʼkoa.