Josuạ 6:2 - সান্তালী বাইবেল

² Unre Probhu Isor do Josuại metadea, “Ńelme, iń do Jerikho nagraha, ar onaren raj ar onaren sanam bir lạṛhạiko amakʼ tireń jimạ akatʼkoa.

Josuạ 6:2 Iomraidhean Croise

2 Samuel 5:19

Unre Dạud do Probhu Isor ṭhene kuliyana, “Iń do cetʼ Philisṭikoń ńẽtʼkoa? Am do cetʼ ińakʼ tire onkom jimạkoa?” Probhu Isore roṛ ruạṛkeda, “Hẽ, Do calakʼme. Iń do khạṭige amakʼ tire Philisṭikoń soprotkoa.”

Nehemiạ 9:24

Onkoren hoponko do ona disạmte senkate onako dokholana. Ar ona disạmren Kananikoko kobojketʼkoa. Am do Kananiko, onkoren rapajko ar disạmren judạ judạ jạtrenko do onkoakʼ tirem jimạketʼkoa jemon onko cetanre akoakʼ kusi lekako ceka daṛeakʼ.

Daniel 2:21

Unige okte ar nạpitko acʼakʼ tabereye dohoyetʼkana; unige rapajko siṅghạsonreye duṛupʼetʼkoa are ńur ocoyetʼkoa. Uni do ạkilanko ạkile danako kana ar budanko do bude emakokana.

Daniel 2:44

Onko rapajkoakʼ oktere sermaren Isor do mitʼṭen rajostiye teṅgoyea, ona do tishõ baṅ maraokʼa, ar ona rajosṭi do eṭakʼ jạtrenkoakʼ tire baṅ jimạkʼa; ona do onako rajosṭiye rạputʼ gejera ar acʼge jaejuge tahena.

Daniel 4:17

“ ‘Noa hukum do hohorhokoakʼ niṭakʼ lekateakʼ kana, sonotkoakʼ kathatege noa khojgokʼ do, jemon jiwetʼko doko baḍae daṛeakʼ, Coṭ utạricʼ do manwakoakʼ rajosṭiye calaoeda mente; ar jãhãegeye kusiyaekan unige rajosṭi doe danae kana ar manwa talare sanam khon nicạṛicʼge cetanreye duṛupʼede kana.’

Daniel 4:35

Dhạrtiren sanam hoṛ uni ṭhen do cele hõko baṅkana. Uni do serma goḍetko ar dhạrtiren hoṛkoante acʼakʼ kusi sana lekae kạmikana. Nonkan celege bạnukʼkoa, uniyakʼ tiko thir ocodaṛeataea arko men daṛeaea, ‘cetʼem ceka kana am do?’

Daniel 5:18

E Maharaj, maraṅ Isor do am baba, metakʼme Nebukadnesar do rajosṭi, ar ṭhonoke emade tahẽkana.

Dosar Biboron 7:24

Onkoren raj do apeakʼ tireye jimạyea ar ape do onkoakʼ ńutum dhạrti khonpe meṭao utạrtakoa. Cele hõ bako teṅgo daram daṛeapea; ape dope marao cabakoa.

Josuạ 12:9

Niạko jaegaren okoeko rajko bhagao ocolen onko doko hoyokʼ kana; Jerikhoren raj, Bethel ṭhenakʼ Aeren raj,

Josuạ 2:24

Unkin do Josuạkin metadea, “Noa katha do sạri kana je, Probhu Isor do goṭa disạmge aboakʼ tireye jimạ akada. Abo botorte onḍenko hoṛ do jiwi oṭaṅ akantakoa.”

Josuạ 20:1

Inạ tayom Probhu Isor do Josuại metadea,

Josuạ 6:1

Ona jokhecʼ Israelko lạgitʼ Jerikho nagraha reakʼ phaṭok duạr do kajakte siń esetʼ akan tahẽkana. Onḍe khon do okoe hõ bako oḍok hecʼ daṛeakʼkan tahẽkana ar bolo hõ bako bolo daṛeakʼkan tahẽkana.

Josuạ 6:3

Ape do sanam palṭonkowante nagraha beṛhaete mitʼ dhao ạcurokʼpe; ar turui din hạbicʼ onkaepe.

Josuạ 8:1

Probhu Isor do Josuại metadea, “Alom botorokʼa ar alom hadosokʼa. Amren sanam lạṛhại phạdante am do Ae nagraha cetanre arhõ jhãp emme. Iń do Ae nagraharen raj, uniyakʼ nagraha ar disạm hõ amakʼ tireń jimạ akada.

Bikʼcạrko 11:21

Unre Israelkoren Probhu Isor do Israelkoakʼ tire Sihon ar uniren sanam hoṛkoe soprotkatʼkoa ar Israelko do onkoko bhagaoketʼkoa. Ar ona disạmreko girobasokʼkan sanam Amorikoakʼ jaega do Israelkoko hatkeda.

Bikʼcạrko 11:24

Amren Kemos debota okaṭakʼ ạidạriye emakawatʼme ona do cetʼ amakʼ ạidạrire bạnukʼa? Ṭhik onkage aleren Probhu Isor ale samaṅ khon okoeye laga ńir akatʼko onkoakʼ jaegagele ạidạri akawana.