Josuạ 6:19 - সান্তালী বাইবেল

¹⁹ Sanam sona, rupạ ar pitạl ar mẽṛhẽtʼ reakʼ jinisko Probhu Isor ńutumte begar akana; ar ona iạte onako do uniyakʼ khajańci kandhare calakʼa.”

Josuạ 6:19 Iomraidhean Croise

2 Samuel 8:11

Niạ lahare Dạud do Aramrenko, Moabrenko, Amonrenko, Philisṭiko ar Amalekeki jạtrenkoe dobnaoketʼkote onkoakʼ sona, rupạ, ạgukate Probhu Isor ńutumteye begar dohokada, ar Sobaren raj Rehobren hopon Hadadeser ṭhen khon okakoe luṭ ạgu akatʼ tahẽkan ona hõe begar dohoakatʼ tahẽkana. Uni do Joram emakʼ jinisko hõ Probhu Isor ńutumteye begar dohoakada.

1 Rapajko 14:26

Uni do Probhu Isorakʼ oṛakʼ ar raj oṛakʼ reakʼ sanam dhon-duribkoe luṭ idikeda. Uni do sanamakʼgeye idikeda, uni do Solomone benao ocoletʼ sona reakʼ ḍhalko hõe luṭ idikeda.

1 Rapajko 7:51

Nonkate solomon raj do Probhu Isorakʼ oṛakʼ reakʼ sanamakʼe kạmi sạtkeda. Ona tayom uni do acʼren apat Dạud okako jinis Probhu Isor ńutumteye begar doholetʼ onakoe ạgukeda. Onako modre do sona, rupạ ar eṭakʼ eṭakʼ bhajanko tahẽkana. Ar uni do Probhu Isorakʼ oṛakʼ reakʼ khajańci kandhare onakoe dohokeda.

2 Rapajko 24:13

Probhu Isor okalekae menletʼ onkage Nebukadenesar do Probhu Isorakʼ oṛakʼ ar raj oṛakʼ khon joto dhon duribkoe oḍok idikeda ar Israelren raj Solomon do Probhu Isorakʼ oṛakʼre lạgitʼ sonate okako jinise benao ocoletʼ onako jotowakʼ uni doe samakʼ khanḍa khunḍikeda.

1 Bõsbudạ 18:11

Niạ lahare Dạud raj do Idomrenko, Moabrenko, Amonrenko, Philisṭiko ar Amalekakiko ṭhen khon sona ar rupạko ạgukate cetʼleka Probhu Isor ńutumteye begar doholetʼ onkage noako hõe begar dohokeda.

1 Bõsbudạ 26:20

Isorakʼ oṛakʼ reakʼ dhon bhanḍar ar Isor ńutumte begar dohoakatʼ jinisko reakʼ ńel todarot reakʼ bhar do sarecʼ Liwiko mod khon Ahiyạ cetanre tahẽkana.

1 Bõsbudạ 26:26

Dạud raj do Israelren eṭakʼ eṭakʼ mukhiyạko, hajar ar sae cetanren subedarko ar maraṅ subedarko okaṭakʼ jinisko Isor ńutumteko begar doholetʼ Solomoth ar uni bõsren hoṛko do onako jinis reakʼ bhanḍarko ńel todarotetʼ tahẽkana.

1 Bõsbudạ 26:27

Lạṛhạire luṭ akatʼ adomakʼ jinisko onko do Probhu Isorakʼ oṛakʼ jut aroe ńutumte uni lạgitʼko begar dohoakatʼ tahẽkana.

1 Bõsbudạ 26:28

Ona chaḍa ńeńelicʼ Sạmuel, Kisren hopon Sạul, Nerren hopon Abner ar Soruaren hopon Joab do okako jinis Isor ńutumteko begar doholetʼ, metakʼme begar dohoakatʼ sanamakʼ jinisko ńel todarot reakʼ bhar do Solomoth ar uni bõsren hoṛko cetanre tahẽkana.

1 Bõsbudạ 28:12

Probhu Isorakʼ oṛakʼ reakʼ bakher raca, ona beṛhaeteakʼ kandhako, Isorakʼ oṛakʼ reakʼ khajańciko ar samaṅokʼ jinisko dohoy reakʼ oka noksa Sonot jiu do Dạud ṭhene sodorletʼ ona do jotoge Solomone baḍae ocokedea.

2 Bõsbudạ 15:18

Uni ar uniren apattetʼ okako sona-rupạ ar eṭakʼ eṭakʼ jinisko Isor ńutumtekin begar doholetʼ onako do Isorakʼ oṛakʼteye idikeda.

2 Bõsbudạ 31:12

Ona tayom hoṛko do dan-sandes, ar jotowakʼ jinis reakʼ gel hạṭiń reakʼ mitʼ hạṭiń ar Probhu Isor ńutumte begar dohoakatʼ jinisko pạtiạr salakʼ khajańci oṛakʼte ạguko ehopʼena. Konaniạ ńutuman mitʼṭen Liwi cetanre noako jinis ńel todarot reakʼ bhar do tahẽkana ar uniren boeha Simai do uniren gokʼṛoyicʼe tahẽkana.

Nehemiạ 10:38

Liwiko tinre gel hĩsko hataoa unre onko sãote do Aronren bõsren mitʼṭen naekeye tahena. Ar Liwiko do ona gel hĩs reakʼ mitʼ hĩs do Isorakʼ khajańci oṛakʼteko idiya.

Jirimiạ 38:11

Unre Ebed Melek do onko hoṛko soṅgekate raj oṛakʼ reakʼ murại latar reakʼ mitʼṭecʼ kandhateye boloyena. Onḍe khon uni do mitʼ bar mare ar oṛecʼ kicricʼkoe hataokeda ar baberte kuńre jirimiạ ṭhene pheḍkeda.

Levitikus 19:24

Ponakʼ bochorre dare reakʼ sanam jo do Probhu Isorakʼ ṭhonok lạgitʼ uni ńutumte samaṅpe.

Mikạ 4:13

Probhu Isore meneda, “E Sion kuṛi, ma beredokʼte phosol manḍaeme; iń do mẽṛhẽtʼ reakʼ dereń ar pitạl reakʼ khurạń emama jemon ḍher jạtrenkom gejer daṛeako. Onkoakʼ behokte hameṭakʼ jinisko ar dhon do iń ńutumte, goṭa dhạrtiren Probhu Isor ńutumte maraokʼ reakʼem sarapakoa.”

Numeri 31:11

Ona tayom onko do luṭakʼ jinisko, janwarko, manwako soṅgekate Mose, naeke Eleasar ar sanam Israelko ṭhenko ruạṛ calaoena. Unre onko do Jerikho samaṅ secʼ jordan gaḍa aṛe reakʼ Moab ṭạnḍireko ḍera akan tahẽkana.

Numeri 31:22

Sona, rupạ, pitạl, mẽṛhẽtʼ, ṭin, sisạ ar jãhãnakʼge okaṭakʼ do seṅgelte baṅ nosṭokʼ onako do seṅgel talatepe paroma ar ona tayom do saphakʼa. Menkhan enhõ onko do saphakʼ reakʼ dakʼte saphae hoyokʼa. Ar okako jinis do seṅgelte nosṭokʼ ona do saphakʼ reakʼ dakʼre topoe hoyokʼa.

Mathae 27:6

Ar maraṅ naekeko do ona ṭaka halaṅkateko menkeda, “Mundil reakʼ sundukre noa doho do baṅ ṭhikokʼa, ente noa do mãyãm reakʼ dam kana”

Mark 12:41

Ona tayom Jisu do mundil reakʼ dan sunduk pheḍre duṛupʼkate ṭaka-poesa emokʼkoe ạri bạndhiyetʼko tahẽkana. Ar kisạ̃ṛ hoṛko do ḍher ṭaka-poesako dankeda.

Josuạ 7:11

Israelko doko kại akada; iń okaṭakʼ bondobos manao lạgitʼ iń metatʼko tahẽkan ona do bako pańja akada. Ar okako jinis do sarapakʼ tabe reakʼ kan ona reakʼ thoṛako hatao akada; arko kombṛo akada, eṛe kathako roṛakada ar akoakʼ jinisko sãote onako dohoakada.