Josuạ 6:17 - সান্তালী বাইবেল

¹⁷ Nagraha ar ona bhitri reakʼ sanamakʼge Probhu Isor ńutumte sarapakʼ ar nosṭokʼ lạgitʼ hoyokʼa. Eken Rahab kusumbi ar uni oṛakʼren okoeko menakʼko onko moto jiwetʼko tahena, ente abonren disạm cikʼyạkin hoṛe oko doholetʼkinạ.

Josuạ 6:17 Iomraidhean Croise

Genesis 12:3

Okoe amko bhoram iń hõ onkoń bhorakoa ar okoe amko sarapam onko hõ ińiń sarapakoa. Ar am iạtege dhạrtiren sanam jạtrenko do bhorko ńama.”

Esra 10:8

Jãhãege pe din bhitrite bae hạjirokʼ, uniyakʼ somppoti do cetan hudạren kạmiyạko ar mukhiyạkoakʼ sopolha lekate dokholokʼtaea ar bondi dosa khon ruạṛ hecʼakan hoṛkoakʼ somaj khon hõe oḍok ocokʼa.

Jesaea 34:6

Probhu Isorakʼ tarwaṛe do mãyãmte ńũ turetʼ akana; ona do itilte tol akana. Ona mãyãm do bhiḍi hoponko ar merom hoponkoakʼ mãyã leka ar itil do bheḍakoakʼ kunḍi reakʼ itil lekage, ente Probhu Isor do Bosrare mitʼṭecʼ samaṅokʼakʼ porobe hoeocoya ar Edomre do ạḍi utạr hoṛko gur ocokʼa.

Jirimiạ 46:10

Menkhan ona din do phạdkoren Probhu Isorakʼ din kana. Enhilokʼ do uniren bạiriko cetanre hala hạli reakʼ dinge hoyokʼa. Tarwaṛe ạuriye tirpitokʼ hạbicʼ ar uniyakʼ mãyãm reakʼ tetaṅ ạuri meṭaokʼ hạbicʼ uni do gocʼkotegeye tahena; ente phạdkoren Probhu Isor do mitʼṭecʼ teṅgenokʼakʼ menakʼtaea utạr senakʼ disạmre, phurạt gaḍa aṛere.

Jeheskel 39:17

“E manwa hopon, iń Probhu Isorgeń menetʼkana, am do joto lekan cẽṛẽko ar sanam bir janwarko hohoatem metakoa, ‘jarwakʼpe ar ape lạgitʼ Israelakʼ buru boṭkocʼkore one okare maraṅ okocʼ dãṛẽ reakʼ iń bondobos akatʼ ona lạgitʼ beṛhae secʼ khon jarwakʼpe. Onḍe ape do jel ar mãyãmpe joma.

Levitikus 27:21

Hulạsokʼ bochorre tinre jumi khalasokʼa unre Probhu Isor ńutumte jarkharokʼ reakʼ sarapakʼ tabere tahen jumi lekage ona do Probhu Isor ńutumte sonotge tahena. Ar ona do unre naekeakʼ sompotti hoyokʼa.

Mikạ 4:13

Probhu Isore meneda, “E Sion kuṛi, ma beredokʼte phosol manḍaeme; iń do mẽṛhẽtʼ reakʼ dereń ar pitạl reakʼ khurạń emama jemon ḍher jạtrenkom gejer daṛeako. Onkoakʼ behokte hameṭakʼ jinisko ar dhon do iń ńutumte, goṭa dhạrtiren Probhu Isor ńutumte maraokʼ reakʼem sarapakoa.”

Mathae 25:40

“Ado raje roṛ ruạṛakoa, ‘sạrigeń metapekana, ińren noko huḍiń utạr boehako modre jãhãe mitʼ hoṛpe nonkawade enḍekhan unre ińgepe onkawạdiń tahẽkana.’

1 Korinthiko 16:22

Jãhãe hoṛ Probhu Isor bae dulạṛe khan sarapicʼe hoyokʼma. Maran atha [Probhu Isore darae kana].

1 Korinthiko 2:7

menkhan ale do Isorakʼ akelte perecʼ okoakʼ kathakogele roṛeda, one oka do dhạrti ạuri sirjạu khon Isore niṭ dohoakatʼ tahẽkan jemon uniyakʼ ṭhonok reakʼ bhạgiyạdar bon hoydaṛeakʼ.

Galathiko lạgitʼ Pạul Apostolakʼ ciṭhi 3:10

Sonot sostorre olakana, “Sarapanicʼ kanae uni do, one okoe ạn-ạri reakʼ mimitʼ hukumko leka bae senokʼkan.” Enḍekhan ńelokʼ kana, ạn-ạrire bhorsakʼkan sanamkorege noa sarap do menakʼa.

Galathiko lạgitʼ Pạul Apostolakʼ ciṭhi 3:12

Ạn-ạri doe meneda, “Okoe hoṛ ạn-ạrikoe manaoetʼkan uni do ona hotetege jiwetʼe tahena.”

Dosar Biboron 20:17

Aperen Probhu Isorakʼ hukum leka ape Hittiko, Amoriko, Kananiko, Phạrusiko, Hiwiko ar Jebusiko jotoge purạtepe marao cabakoa.

Ibriko 11:31

Biswạs iạtege Rahab kusmbi do Jerikho nagrahareko tahẽkan bebatao hoṛko sãote bae nosṭolena, ente uni do unkin disạm ciyạkin peṛa lekae ataṅ aderletʼkinạ.

Ibriko 6:10

Isor doe hok bicạricʼ kana; onate apeakʼ kạmi ar uniren hoṛko sapʼ sohotʼakote okaṭakʼ dulạṛpe udukʼ akawade arpe udukʼetʼkan, ona do bae hiṛińa.

Jakob 2:25

Rahab kusmbi do cekate dhorom menteye lekha ocolena? Uni do Jihudiren paṭhaonakine okoletʼkinạ ar eṭakʼ horteye kolgotʼkatʼkinạ, ar noa kạmi iạte dhorom menteye aṅgocena.

Josuạ 2:1

Nunren hopon Josuạ do Siṭim khon barea disạm cikʼyạkin niạ katha menkate oko okoteye kolkatʼkinạ, “Aben do ona disạmte senkate Jerikho nagraha mońjteben ciyạ ạguiya.” Ar unkin do inạ katha ańjomkate Jerikho nagrahatekin calaoena. Ar onḍe do Rahab ńutuman mitʼṭen kusumbiyakʼ oṛakʼre senkate kin tahẽyena.

Josuạ 2:22

Unkin Israel hoṛ do ona jaega bạgikate burutekin rakapʼena ar pe din onḍekin oko tahẽyena. Ar sendrako oḍok senlen hoṛ do goṭa hor unkinko sendraketʼkinạ ar bako ńamletʼkinte onko doko ruạṛ calaoena.

Josuạ 7:1

Jerikho nagraha maraokʼ reakʼ sarapanakʼ jinisko babotre Israelko do pạtiạrangeko tahẽkana. Menkhan Jihudạ gusṭiren Kạrmi hopon Akhan do onako jinis khon thoṛa do acʼ lạgitʼe dohokeda. Uni do Sabdaeren hopon Serahren goṛomtetʼ koṛae tahẽkana. Uni do noa kạmi iạte Israelko cetanre Probhu Isorakʼ pite caṛhao ocoketʼtaea.

1 Samuel 15:3

Ńitokʼ am do senkate Amalekiko tulucʼ lạṛhạime ar onkoakʼ cetʼko menakʼ ona jotowakʼem marao giḍikatakoa; onko do alom dayawakoa. Onkoren herel ar maejiuko, koṛa ar-kuṛi gidrạko, toa ńuńukan gidrạko, ḍaṅgra-biḍhiko, ũṭko, gadhako jotom gocʼ cabakoa.’ ”

1 Samuel 15:6

Uni do Kenikoe metatʼkoa, “Israelko tinre Misor khonko oḍok hecʼlena unre ape do onkope dayawatʼko tahẽkana. Onate ape do Amalekiko tala khon eṭakʼ secʼ calao joṅpe, jemon Amalekiko sãote aloń marao giḍipe.” Unre Keniko do Amalekiko tala khonko oḍok calaoena.